Спорт
ЛШ: Барса, Кил и Кјелце со „максимални“ победи

Во отсуство на Вардар, чиј меч со Пик Сегед беше одложен поради корона вирусот во унгарскиот тим, третото коло на Лигата на шампиони во средата не донесе изненадувања, откако Барселона, Кил и Кјелце ги потврдија фаворитските улоги за високи победи.
Гостувањето на Барса кај Нант на Кирил Лазаров беше прогласен за меч на неделата од страна на ЕХФ, но францускиот клуб делумно беше рамноправен противник во првото полувреме за да загуби со 27:35 (15:18) од Барселона, која сега има максимални три победи во групата Б заедно со Алборг и Веспрем. Дика Мем со 7 и Палмарсон со 6 гола беа најефикасни за Барса, додека за Нант, Пешмалбе имаше шест гола, а Лазаров запиша четири.
Кил, пак, во истата група се опорави од поразот од Нант во претходното коло, за 35:24 победа на гости кај Целје, а во групата А (каде што е и Вардар), Кјелце со 31:22 го победи Елверум.
ЕХФ ЛИГА НА ШАМПИОНИ, 3.КОЛО
ГРУПА А
Елверум – Кјелце 22:31 (11:18)
Пик Сегед – Вардар, одложено
Табела: 1.Флензбург 6, 2.Кјелце 4, 3.Мешков 4, 4.Елверум 2, 5.Порто 2, 6.Вардар 0, 7.ПСЖ 0, 8.Пик Сегед 0
ГРУПА Б
Нант – Барселона 27:35 (15:18)
Целје – Кил 24:35 (13:16)
Табела: 1.Веспрем 6, 2.Барселона 6, 3.Алборг 6, 4.Кил 4, 5.Нант 2, 6.Целје 0, 7.Мотор 0, 8.Загреб 0
WATCH: Some call it ‘team handball’ but, of course, you can also play the game all on your own… Well done, Rok #Ovnicek ?#ehfcl #MOTW @HBCNantes @FCBhandbol pic.twitter.com/60tHQBSdO7
— EHF Champions League (@ehfcl) October 1, 2020
WATCH: Waiting for some in-flight brilliance? Here you go! Nice one, Josip Sarac! ✌@RKCPL @thw_handball #ehfcl pic.twitter.com/4ajTEuZVxN
— EHF Champions League (@ehfcl) October 1, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Италија без Синер ќе ја брани титулата во Дејвис купот

Четирикратниот шампион на Гренд слем турнирите, Јаник Синер, нема да биде дел од италијанската репрезентација на финалето турнир на Дејвис купот во Болоња.
Со денови се шпекулираше дека вториот тенисер во светот ќе го прескокне споменатото натпреварување, а во понеделник беше потврдено дека нема да биде во националниот тим.
„Синер не го потврди учеството во Дејвис купот. Дејвис купот беше и секогаш ќе биде негов дом и сигурен сум дека наскоро ќе се врати во тимот. Во меѓувреме, имам тим подготвен да се бори и да даде сè за синиот дрес. Болоња ќе биде уште една возбудлива авантура. Ги познавам овие момци и сигурен сум дека иднината ќе ни донесе големо задоволство“, рече Филипо Воландри, тренер на италијанската репрезентација.
Италија го брани трофејот освоен минатата година, а Воландри ги повика Лоренцо Мусети (осми на АТП листата), Флавио Коболи (22), Матео Беретини (59), Симоне Болели (14-ти во двојки) и Андреа Вавасори (15-ти во двојки).
Фајнал Ејт турнирот в Дејвис купот ќе се одржи од 18 до 23 ноември, а Италија ќе се сретне со Австрија во четвртфиналето. Преостанатите двојки се: Франција – Белгија, Шпанија – Чешка и Аргентина – Германија.
Пред неколку дена, Синер го победи Карлос Алкараз во финалето на егзибицискиот турнир во Ријад и се врати од Саудиска Арабија со неверојатни шест милиони долари.
Foto/ EPA
Спорт
Ништо од Џерард, Рол ќе го предводи Глазгов Ренџерс

Шкотскиот великан Глазгов Ренџерс го назначи Дени Рол за нов тренер.
На 5 октомври, Ренџерс го отпуштија тренерот Расел Мартин по 17 натпревари и го доведоа Рол, кој потпиша договор на две и пол години.
„Ова е огромна привилегија во неверојатен клуб, познат низ целиот свет. Знам дека почетокот на сезоната беше тежок, но има многу да се игра. Очекувањата се јасни, навивачите сега сакаат да видат резултати, мојот менталитет и искуство е дека размислувам потполно на ист начин“, рече 36-годишниот германски тренер.
Ренџерс се шести на табелата со една победа од осум натпревари и ќе играат против Бран во Лигата на Европа во четврток.
Рол го водеше Шефилд Венздеј од октомври 2023 година до јули оваа година, а пред тоа работеше како помошник тренер во Лајпциг, Саутемптон и Баерн Минхен.
Спорт
Еди Хау: Му се восхитувам на Мурињо, тој е визионер

Њукасл ќе игра против Бенфика во Лигата на шампионите во вторник (21:00 часот), а пред тој дуел Еди Хау на прес-конференцијата зборуваше за Жозе Мурињо, човекот кој двапати ја освои Лигата на шампионите.
Хау рече дека за Мурињо е еден од најдобрите тренери на сите времиња и дека имал големо влијание врз него.
„Тој е некој кого го почитувам неизмерно, играв против него и претходно во Премиер лигата. Кога бев млад менаџер, навистина се восхитував на она што го изгради во Челзи“, рече Хау.
„Мурињо дефинитивно е визионер, некој што покажа како може да се прават работите на различни начини, а потоа го повтори успехот во различни клубови и во различни првенства. Навистина е неверојатно што се постигнал во својата кариера“, беше искрен Еди Хау.
Мурињо постојано се опишува себеси како „мала страчка“, алудирајќи на неговата врска со поранешниот менаџер на Њукасл, Сер Боби Робсон, чија „сенка“ беше во Спортинг, Порто и Барселона како преведувач и асистент.
Низ годините, Мурињо секогаш зборувал добро за Њукасл, а истото беше и пред овој натпревар кога повтори дека „го сака Њукасл“.