Спорт
ЛШ: Динамо на Аријан Адеми во Загреб одигра 1-1 со Ференцварош (видео)
Во првиот меч од третото коло во квалификациите за пласман во групната фаза во Лигата на шампиони, загребски Динамо на „Максимир“ пред нешто повеќе од 14.000 гледачи одигра нерешено 1-1 со првакот на Унгарија, Ференцварош.

„Модрите“ тргнаа силно кон голот на гостите уште од самиот почеток, а најдобриот поединец во домашната екипа, Шпанецот Дани Олмо донесе водство во 7 минута. Асистент на голот беше македонскиот фудбалски репрезентативец, Аријан Адеми кој со капитенската лента на раката ги одигра сите 90 минути за Динамо.
https://tiger.cdnja.co/v/ak/aKea.mp4?secure=xVd7I8VlvZD_7b8y1GtZNw&expires=1565130600
Гостите од Унгарија во првиот дел не направија ниту една шанса за гол, па на одмор со отиде со 1-0.
И во вториот дел Динамо беше поконкретен, имаше и удар во пречката, но безуспешно.

Казната стигна во 59 минута. Сигер зафати една одбиена топка од домашниот голман, па иако Лешковиќ ја исфрли топката уште пред да дојде до мрежата, судијата покажа дека ја поминала гол линијата и Ференцварош израмни на 1-1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јуриќ во една година три пати добил отказ
Иван Јуриќ очекувано доби отказ во Аталанта. Човекот кој забележа многу добри резултати на клупите на Верона и Торино помеѓу 2019 и 2024 година е во низа што ретко се гледа во врвниот спорт.
Хрватот беше отпуштен од Аталанта денес, точно на годишнината од неговото отпуштање од Рома (10 ноември 2024 година), а во меѓувреме беше назначен за тренер и отпуштен од Саутемптон.
Јуриќ ја водеше Рома 12 пати, Саутемптон 16 и Аталанта 15 пати пред шефовите да му се заблагодарат за соработката. За споредба, тој има 122 натпревари на клупата во Торино и 79 пред тоа во Верона.
Јуриќ го напушта клубот со резултат 4-8-3 и просек од 1,33 поени по натпревар. Ако на Ла Деа и се избришат резултатите од Лигата на шампионите, резултатот е уште подраматичен.
Аталанта ја остави на 13-то место на табелата во Серија А со резултат од 2-7-2.
Спорт
Се повреди Тибо Куртоа
Еден од најдобрите во Реал Мадрид, голманот Тибо Куртоа, претрпе повреда која ќе ги пропушти квалификациите за Светското првенство со Белгија.
Станува збор за повреда на примачот, и сè уште не е познато колку е сериозна или колку долго Куртоа ќе отсуствува.
Дефинитивно е јасно дека тој нема да биде достапен за селекцијата на Белгија во квалификациските натпревари за Светското првенство против Казахстан и Лихтенштајн.
Куртоа е еден од најдобрите голмани во светот со години. Во последно време, тој е еден од најважните играчи за Реал Мадрид, особено во овој период на мини-криза кога загубија од Ливерпул во Лигата на шампионите и одиграа само 0:0 против Рајо Ваљекано.
Оваа сезона, Куртоа не пропушти ниту една минута во дресот на Реал и белгиската репрезентација.
Спорт
Дешан негира дека добил понуди од Јувентус и Бразил
Селекторот на Франција, Дидие Дешан, потврди дека ги напушта „Триколорите“ по Светското првенство во 2026 година, но сè уште не знае каде ќе ја продолжи кариерата потоа.
Дешан потврди дека разговарал со претставници на саудиски клуб за можна соработка откако ќе му истече договорот со француската репрезентација. Сепак, тој ги негираше гласините за можно враќање во Јувентус или преземање на бразилската репрезентација.
„Можеби имав некои контакти, не конкретно со нив (Бразил). Нема да зборувам за имиња, но тие ја знаат мојата ситуација“, рече Дешан.
Селекторот на Франција, исто така, нагласи дека неговата одлука да го напушти кормилото на „Триколорите“ на крајот од Светското првенство во 2026 година е конечна, без оглед на тоа каков резултат ќе постигнат Французите на Мундијалот.
Овој 57-годишен тренер ги предводи Французите од 2012 година. Под негово водство, „Триколорите“ станаа светски шампиони во 2018 година во Русија. Пред Франција, тој тренираше само три други клуба: Монако, Јувентус и Олимпик Марсеј и освои трофеи со секој од нив.
Како фудбалер, Дешан играше за Нант, Бордо, Олимпик Марсеј, Јувентус, Челзи и Валенсија. Тој освои 15 трофеи, вклучувајќи две Лиги на шампиони со Марсеј (1993) и Јувентус (1996).

