Спорт
ЛШ: Германска хаварија на Јунајтед, Роналдо пак го освои „Ноу Камп“, скандал во Париз…
Последното коло од групната фаза од Лигата на шампионите донесе многу возбудувања – елиминација на Манчестер јунајтед, одмазничка победа на Јувентус и Кристијано Роналдо над Барселона, како и голем расистички скандал на мечот ПСЖ-Башакшехир.
„Ѓаволите“ пристигнаа во Лајпциг со едноставна задача – да останат непоразени и да го потврдат пласманот во осминафиналето, но наместо тоа доживеаја тежок потоп и пораз од 3:2. Уште во втората минута, Анхелињо, позајмен фудбалер на Манчестер сити го Давид де Хеа, за само десет минути подоцна, Амаду Хајдара да зголеми на 2:0. Наместо реакција, Јунајтед примија уште еден гол, кој за нивна среќа беше поништен поради офсајд.
Ниту влегувањето на Дони ван де Бек и Пол Погба во второто полувреме не ја смени ситуацијата – нововлезениот Џастин Клајверт во 69-тата минута зголеми на 3:0, пред Бруно Фернандеш од пенал да намали на 3:1 во 80-тата минута со гол од пенал, а надежите за чудо ги зголеми Пол Погба, кога две минути подоцна погоди за 3:2.
Вториот меч од групата во Париз, не го доживеа својот крај, бидејќи фудбалерите на Башакшехир го напуштија теренот по расистичкиот испад на четвртиот судија на мечот, и одбиваа да излезат на теренот (повеќе на повеќе линкови на нашиот сајт).
На „Ноу Камп“ пак, Јувентус стигна до 3:0 победа над Барса и освојување на првото место во групата Г, благодарение на Кристијано Роналдо, кој не играше во првиот меч во Торино. Роналдо, кој досега немаше дадено гол на Барса во Лигата на шампионите, даде два гола од пенал во 13. и 52. минута, а победата ја потврди Вестон Меккени со фантастичен гол.
ЛИГА НА ШАМПИОНИ, 6.КОЛО
ГРУПА Е
Челси – Краснодар 1:1
Рен – Севилја 1:3
Конечна табела: 1.Челси 14, 2.Севилја 13, 3.Краснодар 5, 4.Рен 1
ГРУПА Г
Барселона – Јувентус 0:3
Динамо Киев – Ференцварош 1:0
Конечна табела: 1.Јувентус 15, 2.Барселона 15, 3.Динамо К 4, 4.Ференцварош 1
ГРУПА Х
Пари Сен-Жермен – Башакшехир 0:0 прек.
РБ Лајпциг – Манчестер јунајтед 3:2
Табела: 1.РБ Лајпциг 12, 2.ПСЖ 9, 3.Манчестер ј. 9, 4.Башакшехир 3
РБ ЛАЈПЦИГ – МАНЧЕСТЕР ЈУНАЈТЕД
БАРСЕЛОНА – ЈУВЕНТУС
ЧЕЛСИ – КРАСНОДАР
РЕН – СЕВИЛЈА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.