Спорт
ЛШ: Халанд ја „уништи“ Севилја, Киеза ги спаси надежите на Јувентус!

Федерико Киеза се погрижи Јувентус да има надежи за пласман во четврт-финалето на Лигата на шампионите, откако во финишот на мечот постигна важен гол во гости за да го ублажи поразот од Порто на 2:1, додека Борусија Дортмунд инспирирана од Ерлинг Халанд стигна до импресивна 3:2 победа на гостувањето кај Севилја.
Лошата прва сезона на Андреа Пирло на клупата на Јуве се заканува да стане уште полоша, откако „старата дама“ одигра слаб меч во Португалија, против тим кој ги казни сите нивни грешки и стигна до победа. Мехди Тареми по само шеесетина секунди ја искористи несфатливата реакција на одбраната на Јуве да го донесе тимот на Сержо Консеисао во водство, за слична ситуација да се повтори на стартот на второто полувреме, кога Муса Марега го удвои водството.
За реваншот во Торино да биде поинтересен се погрижи Киеза, кој во 83. минута стрелаше за 2:1, што значи дека во Италија на Јуве ќе им биде доволна и победа со 1:0 за да одат понатаму.
На „Санчез Писхуан“ во Андалузија пак, Борусија Дортмунд по сите проблеми со формата оваа година, покажа дека во тимот го има еден од најталентираните фудбалери на денешницата, Ерлинг Халанд, откако норвешкиот бомбардер постигна два гола и имаше една асистенција за фантастична 3:1 победа на „милионерите“.
Сусо го донесе тимот на Хулен Лопетеги во рано водство уште во седмата минута, но потоа на сцена стапи Халанд. Норвежанецот во 19. минута му асистираше на Махмуд Дау за 1:1, по што во 27. и 43. минута ја комплетираше „ремонтадата“ на шпански терен. Лук де Јонг во 84. минута намали на 2:3, но домаќините немаа сили за израмнување.
Со двата гола, Халанд има неверојатни 18 голови во Лигата на шампионите, со што се израмни кај Норвежаните на вечната листа со Џон Кару, додека пред него е само сегашниот менаџер на Манчестер јунајтед, Оле Гунар Солскјер со 19 гола. Да потсетиме, тој има само 20 години.
ЛИГА НА ШАМПИОНИ, 1/8 ФИНАЛЕ, ПРВ МЕЧ
Порто – Јувентус 2:1
Севилја – Борусија Дортмунд 2:3
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Хетафе ја прегази Валенсија – Спектакуларен гол на Арамбари

Хетафе го доби дуелот со Валенсија (3:0) и стави крај на серијата од пет порази. Двата тима по 25 кола имаат по 27 бода и се наоѓаат во долниот дел на табелата, блиску до опасната зона.
Натпреварот на „Колосеум Алфонсо Перез“, го обележа спектакуларниот гол на Арамбари. Играчот на Хетафе со удар од 30 метри го совлада Силесен.
Првите десет минути од вториот дел беа вистински кошмар за Валенсија. Дијакаби доби директен црвен картон во 51.минута, а три минути подоца Мата го постигна вториот гол.
Конечниот резултат го постигна играчот на Барселона, кој е позајмен во Гетафе, Карлес Алења во 87.минута.
Спорт
Само бод за Јувентус во Верона

Јувентус и во вториот натпревар оваа сезона не успа да ја победи Верона. Вечерашниот дуел на „Бентегоди“, заврши со резултат 1:1. Јувентус ова дополнително го оддалечи од борбата за титулата. „Старата дама“, има седум поени помалку од лидерот Интер.
Верона и Јувентус, на „Бентегоди“, одиграа квалитетен натпревар, а головите беа постигнати во второто полувреме. Во првиот дел Верона се закани преку Фараони, чии удар заврши во дирекот, а најдобрата шанса за Јувентус ја имаше Рамзи.
На стартот од вториот дел, во 49.минута, Киеза му асистираше на Роналдо, кој го постигна својот 19 гол оваа сезона. Израмнувањето дојде во 77.минута, кога Верона го искористи периодот во кој играше добро. На центаршутот од Лазовиќ одлично реагираше Барак кој го постави конечниот резултат.
Спорт
Педри во аут најмалку три недели

Барселона скапо ја плати победата над Севилја (2:0), во дербито на колото, во Ла Лига. Роналд Куман одреден период остана без младиот Педри.
Играчот од редот за врска, кој сезонава ги одигра сите натпревари во Ла Лига и Лигата на шампионите, се повреди во 71.минута и веднаш го напушти теренот.
„Педри се здоби со повреда на мускулот во долниот дел на левата нога“, се огласи Барселона со кусо соопштение.
Локалната телевизија „ТВ3“, извести дека Педри по мечот се движел со помош на патерици.
Се шпекулира дека Куман нема да може да смета на Педри најмалку три недели.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Свет4 недели
Поради примање мито во Кина погубен поранешен државен функционер