Спорт
ЛШ: Кил лесно со Мешков за да го помине Вардар на првото место

Кил со одлично второ полувреме го совлада белорускиот шампион Мешков Брест со 31:23 (13:12) во меч од групата Б во Лигата на шампионите за да се искачи на првото место на табелата со поен пред Вардар (кој сепак, има натпревар помалку).
Кил имаше водство од 7:5 по 15 минути игра благодарение на одличниот голман Дарио Квенстед, кој имаше седум одбрани во првото полувреме. Во второто полувреме, тренерот на Кил, Филип Јиха се обиде со поофанзивна игра, која се исплатеше и германскиот клуб поведе со 17:13 по осум минути во второто полувреме.
Руне Дамке и Патрик Винцек имаа по пет гола за Кил, додека четири уфрлија Дувњак и Билик. За Мешков, Марко Паниќ имаше пет гола.
ЕХФ ЛИГА НА ШАМПИОНИ
Динамо Букурешт – ГОГ 35:28 (17:12)
Рихимаки Кокс – Татран Прешов 29:27 (15:12)
Кил – Мешков Брест 31:23 (13:12)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
НБА шампион пристигна во Басконија

Гвинејскиот кошаркар Мамади Диаките потпиша двегодишен договор со Басконија.
Во НБА, тој играше за Милвоки, Оклахома, Кливленд, Сан Антонио и Њујорк. Стана НБА шампион со Милвоки Бакс во 2021 година.
Дијаките ја помина минатата сезона во Вели Санс, филијалата на феникс во развојната НБА лига. Имаше просек од 13,6 поени, 8,4 скока и 2,2 асистенции по натпревар.
Кошаркарите на Басконија ќе го пречекаат Олимпијакос во првото коло од Евролигата на 30 септември.
Фото/ Принтскрин
Спорт
Едерсон сака да го напушти Манчестер сити

Бразилецот Едерсон по осум години е подготвен да го напушти Манчестер сити. Сериозен интерес за него покажа Галатасарај. Челниците на турскиот првак испратија понуда од 10 милиони евра, но Манчестер Сити сè уште не ја прифатил.
Англискиот шампион го држи турскиот клуб во неизвесност бидејќи бара поголема отштета, па затоа сè уште не е постигнат договор меѓу клубовите.
Од друга страна, Едерсон и Галатасарај целосно се согласиле, бразилскиот голман сака трансфер и е подготвен веднаш да ги заврши лекарските прегледи, тврди германскиот новинар Флоријан Плетенберг.
Едерсон е во клубот од Манчестер во последните осум години. Тој има 372 настапи,, со клубот освоил 18 трофеи.
Фото/ Принтскрин
Спорт
Санчо ја одби Рома

Џејдон Санчо нема да ја продолжи кариерата во Рома, пишува „Скај Спортс“.
Италијанскиот клуб испрати понуда од 23,6 милиони евра за напаѓачот на Манчестер jунајтед, а Санчо во меѓувреме разговарал и со Римјаните. Сепак, тој одлучил дека сака да истражи други опции.
Како што објави „Скај Спортс“, одлуката не е поврзана со личните услови. Неколку клубови сè уште се заинтересирани за Санчо, меѓу кои се издвојува Борусија Дортмунд.