Спорт
ЛШ преглед: Монпелје со победа во Полска го помина Вардар
И покрај отсуството на ракометари како Мелвин Ришардсон, Диего Симонет, Јонас Трухановичиус и Жилберто Дуарте, поранешните европски шампиони Монпелје стигнаа до 29:27 победа на гости кај Виве Кјелце, поминувајќи го Вардар на второто место во групата Б во ЕХФ Лигата на шампиони.
Одличната одбрана на Монпелје ја заврши работата, додека во нападот Мохамед Соуси со 6 гола и Килијан Вилјемино со четири гола ја направија предноста, која вториот голман, Кевин Бонефоа успеа да ја заддржи со три одбранети пенали. По победата над Веспрем, Монпелје покажува дека и оваа сезона ќе се бори за висок пласман и настап на Фајнал фор, а ќе имаат шанса да ги докажат амбициите следното коло кога го пречекуваат „крвникот“ на Вардар, Кил.
Во третиот денешен меч од групата Б се сретнаа старите познаници на Вардар од СЕХА лигата, Мешков Брест и Мотор Запорожје. Украинскиот тим имаше предност од три гола на полувреме, но на крајот Мешков ја забележа првата победа во ЛШ оваа сезона (33:31).
Во групата А, Барселона ја забележа третата победа во низа, совладувајќи го норвешкиот Елверум со 33:24, за да се искачат на второто место на табелата. Флензбург останува прв со седум поени, пред Каталонците со шест, колку што имаат и Алборг и Пари Сен-Жермен, кои имаат натпревар помалку.
ЕХФ ЛИГА НА ШАМПИОНИ
ГРУПА А
Барселона – Елверум 33:24 (15:12)
Табела: 1.Флензбург 7, 2.Барселона 6, 3.Алборг 6, 4.ПСЖ 6, 5.Пик Сегед 3, 6.Елверум 0, 7.Целје 0, 8.ППД Загреб 0
ГРУПА Б
Вардар – Кил 20:31 (4:16)
Виве Кјелце – Монпелје 27:29 (12:14)
Мешков Брест – Мотор Запорожје 33:31 (16:19)
Табела: 1.Кил 7, 2.Монпелје 6, 3.Вардар 6, 4.Порто 4, 5.Виве Кјелце 3, 6.Веспрем 2, 7.Мешков Брест 3, 8.Мотор З. 0
ГРУПА Ц
Татран Прешов – Савехоф 23:28 (10:16)
Спортинг Лисабон – Бидасоа Ирун 30:30 (16:17)
Табела: 1.Савехоф 8, 2.Бидасоа Ирун 7, 3.Спортинг Л. 5, 4.Рихимаки Кокс 2, 5.Еурофарм Работник 0, 6.Татран Прешов 0.
ГРУПА Д
Чеховски медведи – Динамо Букурешт 20:30 (10:16)
Табела: 1.Динамо Б 7, 2.ГОГ 4, 3.Висла Плоцк 4, 4.Кадетен 4, 5.Чеховски м. 2, 6.Кристијанштад 1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.
Спорт
Покетино: Лукаку е играч на Челси
Ромелу Лукаку, во целост ја оживеа кариерата во Рома. Клубот има можност да го откупи неговиот договор, но прашање е дали има пари да вложи во трансферот на Белгиецот.
Лукаку не успеа да се наметне во Челси, самиот побара да замине, а неколку пати изјави дека нема намера да се враќа во Лондон. Минатата сезона ја мина во Интер, а оваа е во Рома.
За статусот на курпулентниот Белгиец проговори и тренерот на сините, Маурисио Покетино.
„Тој е играч на Челзи, па ќе обрнеме внимание на него. Ваков став во овој момент има клубот, но се уште немаме донесено никаква одлука“, изјави Покетино.
Лукаку оваа сезона постигна 18 гола на 41 натпревар за Рома во сите натпреварувања.
Спорт
Инзаги по освојувањето на титулата: Неверојатно чувство, момците се исклучителни
Со победата од 2:1 над градскиот ривал Милан, фудбалерите на Интер синоќа ја освоија 20. титула во италијанската Серија А и ја сошија втората ѕвезда над грбот на својот клуб.
Интер ја круниса доминантна сезона во Италија и на пет кола до крајот има 17 бода повеќе од Милан.
„Нероаѕурите“ беа убедливи во текот на целата сезона, на 33 натпревари претрпеа само еден пораз, и тоа на домашен терен од Сасуоло.
Тренерот Симоне Инзаги конечно стигна до Скудетото во неговата трета сезона во Интер.
Едвај ја задржа работата на крајот од првата сезона, кога во финишот на сезоната 2021/2022. му ја предаде титулата на Милан, но минатата сезона го одведе Интер до финалето на Лигата на шампионите, а сега ја освои Серија А.
„Неверојатно е чувството, постигнавме нешто извонредно. Има многу протагонисти во овој успех. Пред се, играчите, исто така и директорите, а потоа и Стивен Жанг, за се што ни овозможи на ова патување. Моите мисли одат и кај моето семејство, сопругата и децата, родителите… Мојата мана е што понекогаш не можам да ја напуштам работата и да ја носам дома, но моето семејство е основата на сè“, рече Инзаги.