Барселона избегна да и се случи слична судбина како на Реал Мадрид во Кралскиот куп, откако по два утнати пенали во регуларните 90 минути, стигна до 2:0 победа над третолигашот Корнелја со голот на Усман Дембеле.

Во 39. минута, обидот на Миралем Пјаниќ од пенал заврши во рацете на 21-годишниот голман на малиот каталонски клуб Рамон Хуан Рамирез, за потоа во 79. минута, по едно крајно соминтелно досуден пенал, Дембеле да има комично лоша изведба и да примора мечот да се реши во продолженија.

Дембеле, на крајот, беше човек на одлука, кога во 92. минута постигна одличен гол од огромна далечина, пред Мартин Брејтвајт во 121. минута да ги постави конечните 0:2.

ript>

Луис Суарез постигна два гола, својот 10. и 11. оваа сезона во Ла лига, за Атлетико Мадрид да стигне до 2:1 победа кај Еибар и да направи разлика од дури 7 поени пред градскиот ривал Реал Мадрид и тоа со уште еден натпревар помалку.

Домаќините дојдоа до рано водство, кога во 12. минута, беше досуден пенал, а голманот на Еибар, Марко Дмитровиќ успеа да го совлада Јан Облак од белата точка. Израмнувањето дојде во 40-тата минута преку Луис Суарез, за кого ова е фантастичен 10-ти гол во шпанскиот шампионат оваа сезона. Уругваецот го додаде својот 11. гол во 88. минути за голема победа на тимот на Диего Симеоне.

Атлетико е лидер со 44 поени, седум повеќе од Реал Мадрид, кои имаат и меч повеќе, и дури десет пред Барселона на третото место. Еибар се на 15. место со 19 поени.

Иако цела сезона се мачат со повредите на дефанзивците, кризата во нападот на Ливерпул продолжи откако и покрај поседот од речиси 70 отсто загубија на „Енфилд“ со 0:1 од Барнли, прекинувајќи ја неверојатната домашна низа на англискиот шампион од 2017 година.

Со 13 обиди на голот само во првото полувреме, Ливерпул најголемата шанса ја пропушти преку Дивок Ориги, кој излезе само пред голманот Поуп, но не го погоди голот, туку само пречката.

#Origi Nooooooooooooooooooooooooo pic.twitter.com/BeaK02pYNO

— @Khaltsha_tv (@Khaltsha_tv) January 21, 2021

Во второто полувреме, тој беше сменет со Мохамед Салах, а во игра влезе и Роберто Фирмино, но голот на Барнли остана сочуван, за во 81. минута да биде досуден пенал, кој Ешли Барнс го реализираше за Ливерпул да биде поразен дома првпат од 23 април 2017 година (кога Кристал палас победи со 2:1).

Ливерпул останува на четвртото место на табелата со 34 поени, дури 6 зад лидерот Манчестер јунајтед и 4 зад второпласираниот Манчестер сити, кој има натпревар помалку. Барнли пак, се 16-ти со 19 поени, седум над зоната за испаѓање.