Спорт
ЛШ: Вардар на терен по цел месец пауза, ПИК десеткуван оди кај Порто
Вчера немаше изненадување во ракометната ЛШ, Барса, Веспрем и Киелце немаа проблем со своите противници. Денеска дербито е во Скопје, во „Јане Сандански“.
Вардар од 20.45 часот го дочекува Фленсбург кој е со максимални 3 од 3 на стартот на ЛШ. Се уште актуелниот европски шампион – Вардар 1961 од почетокот на сезоната мака мачи со повреди и со позитивни играчи.
Фленсбург сезонава се наметнува како кандидат за Ф4. Проблем за Вардар е што ова е прв меч за „црвено-црните“ по цел месец, откако поради пандемијата на коронавирусот беа одложени дуелите со со Елверум, односно ПИК Сегед.
Фленсбург доаѓа во Скопје без левиот бек Ласе Кјер Мелер, но на голот германскиот тим има одлично дуо – Бенјамин Буриќ и Тобјерг Бергеруд. Норвежанецот смета дека предноста за Фленсбург е што нема да има навивачи во Скопје.
Фленсбург никогаш не го победил Вардар во Скопје во ЛШ. Трипати германската екипа беше поразена, а еден меч заврши нерешено.
Порто на свој терен е голем фаворит против ПИК Сегед (мечот започнува во 20.45 часот) кој има голем број заразени играчи. И унгарската екипа, исто како и Вардар, одигра само еден меч од новата сезона во ЛШ.
Ракометарите на ПИК се вратија на тренинзи по карантинот, но тренерот Хуан Карлос Пастор се уште не може да смета на услугите на Деан Бомбач, Бенце Банхиди, Рикардо Бодо, Борут Мацковчек кои се позитивни на Ковид 19. Повредени се и Марио Шоштариќ, Лука Степанчиќ и Стефан Сигурмансон.
Порто, пак, нема вакви проблеми пред денешниот дуел.
Од истиот термин ПСЖ во Париз го пречекува Елверум. Француските шампиони против норвешкиот тим ќе бараат рехабилитација за слабиот старт во ЛШ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Линдзи Вон се јави по шест часовната операција, објави рендгенски снимки од ногата
Американската скијачка ѕвезда Линдзи Вон (41) објави рендгенски снимки од нејзината нога по последната операција, која траеше шест часа. Да ве потсетиме, пред 12 дена таа доживеа тежок пад и комплексна фрактура на ногата по само 13 секунди од трката во спуст на Зимските олимписки игри во Милано и Кортина.
По падот, проследен со вресок од болка, Вон беше префрлена со хеликоптер во болница, каде што беше подложена на четири операции. Тоа беше крајот на нејзиниот настап на Игрите, а веројатно и на нејзината кариера.
Вон, кој пред неколку дена се врати во САД, откри дека сè уште се опоравува во болница откако ѝ беа вметнати бројни плочи и завртки во ногата.
Таа се здоби со сериозна повреда само една недела откако претрпе руптура на предниот вкрстен лигамент на трка од Светскиот куп, во Кран Монтана, но сепак одлучи да се натпреварува на ЗОИ.
„Како што можете да видите, беа потребни многу плочи и завртки за да се состави сè повторно, но д-р Хакет направи неверојатна работа. Со оглед на сериозноста на повредата, закрепнувањето од операцијата е малку потешко и сè уште не сум излегла од болница… Но, блиску сум. Чекор по чекор. Наскоро ќе навлезам во повеќе детали за повредата и што значи сето тоа.“
Заедно со објавата, таа прикачи две рендгенски снимки на кои се гледаат најмалку 20 плочки и завртки вградени во нејзината нога. Таа исто така сподели видео снимено на пат кон операционата сала и фотографија од неа како одмара во болнички кревет.


Вон е олимписки шампион во спуст на Игрите во Ванкувер во 2010 година, а освои злато во истата дисциплина на Игрите во Пјонгчанг во 2018 година. Американката освои 20 кристални глобуси во Светскиот куп: 8 во спуст, 5 во супер-велесламо, 3 во комбинација и 4 Гоеми кристални глобуси за вкупна победа во Светскиот куп.
Foto/ depositphotos
Спорт
Неочекуван епилог на последната трка во бијатлон, Дале-Шјевдал ја растури конкуренцијата
Изненадувачки епилог доби бијатлонската трка на 15 кимолемтри, масовен старт, на Зимските олимписки игри во Милано и Кортина. Норвешка го освои своето трето злато на Олимписките игри во биатлон, новиот шампион е Јоханес Дале-Шјевдал. Поврфила Французите, лоши беа на стрелиштетот, честа им ја спадси Фијон Маје, додека Перо и Жакелан завршија на 20-то и 21-то место.
Јоханес Дале-Шјевдал , 28-годишникот од Лоренского го постигна најголемиот успех во својата кариера, бидејќи досега имаше две сребра и една бронза од Светските првенства во 2020 и 2021 година, а забележа и три триумфи во Светскиот куп.
Наследникот на големиот имењак Тингнес Бо, кој го освои златото во оваа дисциплина во Пекинг пред четири години, ја заврши „трката во кариерата“ без промашување (20 од 20 во целта), добар беше на скиите и не им даде никаква шанса на своите ривали да го загрозат во последниот круг.
Дале-Шјевдал триумфираше пред сонародникот Стурла Холм Лагрејд, кој со освојувањето на среброто дојде до петтиот медал во пет трки на овие Олимписки игри. Тој Игрите и заврши со три сребра и две бронзи. Лагрејд заостануваше 10,5 секунди, со едно промашување.
Со брилијантен финиш, во кој „прелета“ покрај Германецот Филип Хорн, легендарниот Французин Контан Фијон Маје го освои бронзениот медал, својот трет медал, по две злата. Неговото заостанување беше 25,6 секунди, но со четири промашувања на стрелиштето.
Foto/ EPA
Спорт
(Видео) Тежок пад на малдиот Новозеланѓанец во квалификациите во халфпајп
Репрезентативецот на Нов Зеланд, Финли Мелвил Ивс, главен фаворит во дисциплината скијање во слободен стил, беше изнесен од снегот на носилка во петокот по тежок пад за време на неговиот втор настап во квалификациите на ЗОИ во Милано и Кортина.
Младиот, 19-годишен Ивс, светски шампион во 2025 година, веднаш доби лекарска помош, откако го промаши слетувањето, силно удри на земјата и остана без скиите и стаповите.
Натпреварот беше прекинат неколку минути, пред спортистот да биде изнесен од патеката.
Please pray for Finley Melville Ives 🙏 pic.twitter.com/KjctijLYpa
— Denzel Updates Sports (@DenzelEmpire1) February 20, 2026
Претходниот ден, Канаѓанката, Кејси Шарп исто така доби медицинска помош по спектакуларниот пад за време на квалификациите за жени.
Двократната олимписка шампионска сега е во стабилна состојба, објави Канадската скијачка асоцијација.
Foto/ X

