Спорт
ЛШ: Вечер на луди пресврти – Интер со колапс на „Вестфален“, Челси „сврте“ од 1:4 на 4:4 со Ајакс (видео)
Вечерната програма од четвртото коло на Лигата на шампионите донесе два неверојатни мечеви – Борусија Дортмунд се врати од 0:2 негатива и мизерна игра во првото полувреме против Интер за 3:2 победа, додека во Лондон, Челси губеше со 1:4 од Ајакс, пред по двата црвени картони за гостите, да направи пресврт и да стигне до 4:4 реми.
Во Дортмунд, Борусија почна ужасно слабо, откако Лаутаро Мартинез уште во петтата минута ја продолжи својата голгетерска форма за предност на Интер, пред Матијас Весино во 40-тата минута да донесе 2:0 за „нераѕурите“.
Меѓутоа, потоа на сцена стапи младиот талент од Мароко, Ашраф Хакими. Тој во 51. минута намали на 1:2, а Јулијан Брант 13 минути подоцна донесе израмнување за „милионерите“. Хакими, кој вчера го прослави 21. роденден во 77. минута го комплетираше пресвртот.
Со овој резултат, Интер ќе има многу тешка задача да се пласира понатаму – Барселона е прва со 8 поени, Борусија сега има 7, а Интер само четири поени, а му престојат уште дуелите со Барса дома и со Славија на гости.
На „Стемфорд Бриџ“ беше уште полудо! Ајакс одигра неверојатно прво полувреме во режија на уште еден Мароканец, Хаким Зијеш, кој со гол и асистенција им донесе 1:3 водство на „копјаниците“ по првите 45 минути.
Дони ван де Бек зголеми на 1:4 во 55. минута, пред Цезар Азпиликуета да намали на 2:4 во 63. минута. Тука следуваше клучниот момент – Ајакс остана со 9 играчи на теренот откако Дејли Блинд и Џоел Фелтман добија по втор црвен картон, пред Жоргињо, со својот втор гол од пенал да намали на 3:4 во 71. минута. Само три минути подоцна „сините“ израмнија преку Рис Џејмс и тргнаа по победа. ВАР-системот им поништи гол на Челси во 78. минута од мечот (преку Азпиликуета), откако беше утврдено играње со рака на Теми Абрахам пред голот.
Во другите мечеви, актуелниот шампион Ливерпул со головите на Вајналдум и Окслејд-Чембрлен стигна до 2:1 победа над Генк да избие на првото место во групата Е пред Наполи, кои дома одиграа само 1:1 со расположените Салцбург.
ЛИГА НА ШАМПИОНИ, 4.КОЛО
ГРУПА Е
Ливерпул – Генк 2:1
Наполи – Салцбург 1:1
Табела: 1.Ливерпул 9, 2.Наполи 8, 3.Салцбург 4, 4.Генк 1
ГРУПА Ф
Барселона – Славија Прага 0:0
Борусија Дортмунд – Интер 3:2
Табела: 1.Барселона 8, 2.Борусија Д. 7, 2.Интер 4, 4.Славија 2
ГРУПА Г
Зенит – РБ Лајпциг 0:2
Лион – Бенфика 3:1
Табела: 1.Лајпциг 9, 2.Лион 7, 3.Зенит 4, 4.Бенфика 3
ГРУПА Х
Челси – Ајакс 4:4
Валенсија – Лил 4:1
Табела: 1.Ајакс 7, 2.Челси 7, 3.Валенсија 7, Лил 2
БОРУСИЈА – ИНТЕР
ЧЕЛСИ – АЈАКС
ЛИВЕРПУЛ – ГЕНК
НАПОЛИ – САЛЦБУРГ
ВАЛЕНСИЈА – ЛИЛ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ленгле ќе паузира два месеци
Фудбалерот на Атлетико Мадрид, Клемент Ленгле, нема да игра два месеци поради повреда, објавува „Марка“.
Ленгле се повреди во средата, на натпреварот од Купот против Атлетико Балеарес (3:2), кога го напушти натпреварот по 10 минути.
Клубот од Мадрид не објави колку долго Ленгле ќе биде отсутен од теренот.
„Ленгле претрпе тешко истегнување на медијалниот колатерален лигамент без придружни повреди, што беше дијагностицирано од медицинскиот персонал на клубот по тестовите извршени врз дефанзивецот, кој беше подложен на магнетна резонанца и дополнителна евалуација во четвртокот. Неговата состојба ќе се следи за понатамошен развој на ситуацијата“, се наведува на веб-страницата на Атлетико.
Францускиот фудбалер одигра 12 натпревари за Атлетико во сите натпреварувања оваа сезона.
Атлетико е на четвртото место на табелата во шпанското првенство со 34 бода, а во недела ќе гостува во Џирона во 17-то коло.
Спорт
Навивач на ПАО го удрил сопственикот на Хапоел
Панатинаикос, во дерито во Атина, синоќа го победи го победи Хапоел Тел Авив со 93:82, но натпреварот го засени инцидентот што се случи за време на паузата помеѓу двете полувремиња.
На полувремето, навивач на ПАО го удри, а потоа упати вербални закани до сопственикот на израелскиот клуб, Офер Јанај, кој се најде во многу непријатна ситуација.
Веднаш по натпреварот, атинскиот клуб се огласи и остро го осуди овој гест, и доживотно му забрани на неименуваниот навивач да присуствува на натпревари.
Како што беше објавено, на навивачот му бил конфискуван сезонскиот билет и доживотно му е забранет влез во арената „ОАКА“ каде што игра ПАО.
Клубот соопшти дека насилното и расистичкото однесување немаат место во салата на Панатинаикос, нагласувајќи нулта толеранција за инциденти што ја нарушуваат безбедноста и угледот на клубот.
Во многу возбудлив натпревар во Атина, видовме неколку серии и пресврти, но на крајот ПАО го зададе последниот удар на почетокот на четвртат четвртина, по што Хапоел немаше сили да се врати уште еднаш во натпреварот.
Најефикасен во тимот на Панатинаикос беше Кендрик Нан со 19 поени, Чеди Осман помогна со 17, додека Јуцевен заврши со 11.
Во тимот на Хапоел се истакна Енис со 16 поени, Блекни и Брајант постигнаа по 14.
Спорт
(Видео) Јокиќ го скокна Џабар, испиша историја во НБА – Дончиќ со брилијантна партија и пресуди на Јута
Никола Јокиќ, испиша историја во НБА лигата, во победата на Денвер над Орландо 126:115, а Лука Дончиќ одигра спектакуларен меч во Солт Лејк Сити, каде Лејкерси ја победија Јута со 143:135.
Никола Јокиќ стана центарот со најмногу асистенции во историјата на НБА лигата.
Србинот го заврши натпреварот со 23 поени (10/17 од поле), 11 скока и 13 асистенции за 35 минути на паркетот.
Со тие 13 успешни додавања, Јокиќ го престигна Карим Абдул Џабар на вечната листа на центри и сега е прв по тој параметар во историјата на лигата.
NEW NO. 1 ASSISTS LEADER 🔥
Nikola Jokic passed Kareem Abdul-Jabbar for most assists by a center in NBA history‼️ pic.twitter.com/IW0BSHczNZ
— ESPN Insights (@ESPNInsights) December 19, 2025
Џамал Мареј исто така одигра одлична натпревар, постигнува 32 поени.
На спротивната страна, Паоло Банкеро постигна трипл-дабл со 26 поени, 16 скока и 10 асистенции, но дури ни тоа не беше доволно против силните Нагетси.
Солт Лејк Сити сведочеше на брилијантна партија на Лука Дончиќ. Словенецот ги предводеше Лејкерси до победата со трипл-дабл. Дончиќ постигна 45 поени, со 14 асистенции и 11 скока, но и клучни поени за победата.
Во последниот дел, Словенецот погоди тројка речиси од центарот, со која Лејкерси ги скришија Џезерите, а потоа го решија натпреварот.
Дончиќ, помош доби од Леброн Џејмс, кој забележа 28 поени, 10 асистенции и седум скока.
Во тимот на Јута, Кајод Џорџ имаше 34 поени, додека Јусуф Нуркиќ додаде 15, со осум скока и седум асистенции.
Спроведени 262 контрли на безбедноста на новогодишните пакетчиња, утврдени се минимални недоследности
Во пресрет на новогодишните празници, Агенцијата за храна и ветеринарство (АХВ) спроведе 262 вонредни инспекциски надзори за контрола на безбеднста...
Макрон: Дојде време да се обнови дијалогот со Путин
Францускиот претседател Емануел Макрон изјави дека дојде време тој и европските лидери повторно да влезат во дијалог со рускиот претседател...
(Видео) Осомничениот за масовното пукање на Универзитетот Браун пронајден мртов: го убил и професорот на МИТ
Маж осомничен за масовното пукање на Универзитетот Браун од минатата недела е пронајден мртов по шестдневна потрага што се протегаше...
Трамп ја прогласи марихуаната за помалку опасна дрога
Американскиот претседател Доналд Трамп потпиша извршна наредба со која марихуаната на федерално ниво се класифицира како помалку опасна дрога, во...
ЕУ конечно постигна договор за Украина: три членки одбија да учествуваат
Лидерите на ЕУ ги откажаа плановите за невиден заем за репарации за Украина и наместо тоа ќе соберат 90 милијарди...
(Видео) Приватен авион се урна во Северна Каролина, повеќе загинати
Повеќе луѓе загинаа откако приватен авион Цесна С550 поврзан со возачот на НАСКАР, Грег Бифл, се урна во близина на...
(Видео) Хаос и туркање во албанскиот парламент: драматични сцени во Тирана
Во албанскиот парламент денес избувна хаос кога пратениците од опозицијата запалија факели и фрлаа вода за време на седницата, а...
(Видео) Украинските дронови уништија „неуништливи“ руски С-400
Украинските оператори на беспилотни летала уништија два руски ракетни системи С-400 Триумф заедно со нивната муниција во рускиот регион Белгород,...
„Драги нелегални имигранти, вратете се дома за празниците!“, порача американско министерство
Министерството за внатрешна безбедност на САД објави графика слична на божиќна честитка на X, повикувајќи на депортација на луѓе кои...
Во наредните десет дена изменет сообраќаен режим на автопатската делница во изградба од селото Требеништа до селото Мешеишта
СВР Охрид информира дека од денеска во наредните десет дена, на сила ќе бидат измените на сообраќајниот режим на автопатската...
(Видео) Зеленски: Искористете ги руските средства за одбрана, не плашете се од закани
Украинскиот претседател Володимир Зеленски, по денешната прес-конференција во Брисел, се огласи на социјалните мрежи за дополнително да го разјасни својот...
(Видео) Собрани над 2,5 милиони долари за херојот што го спречи напаѓачот од Сиднеј
Ахмед ал-Ахмед, 43-годишен продавач на овошје од сириско потекло, стана национален херој по неговата храбра интервенција за време на масакрот...
МОН: Младите во Македонија ја менуваат перцепцијата за тутунот, неговата употреба се намалува, но се зголемува на електронските цигари
„Во образовниот систем во Македонија одамна е поставен механизам за превенција од употреба на психоактивни супстанци, но тој мора да...
(Фото) Сиљановска-Давкова ја посети шивалната во КПД Идризово: Секој заслужува втора животна шанса – работењето е клучно за ресоцијализација на осуденичките
Претседателката Гордана Сиљановска-Давкова ја посети шивачката работилница, којашто функционира во рамките на женското одделение во КПУ-КПД Идризово, Скопје, каде оствари...
Недостасуваат 204 судии, Филков најави кадровско зајакнување во 2026 година
Во присуство на претставници на Делегацијата на Европската Унија, на амбасадите во земјава, судии, јавни обвинители, адвокати, Советот на ИКТ,...
(Видео) Петрушевски: Обвинителството треба да истражи каде завршиле речиси 1 милион евра од „Државната лотарија“
Криминалите во Лотарија под раководство на Бајрами и неговиот гуру Груби, а дозволено од страна на СДС се потврди и...
(Видео) Филипче во Брисел ќе бара поддршка за одбрана на демократијата во Македонија
Лидерот на СДСМ, Венко Филипче, најави дека во Брисел ќе бара поддршка за одбрана на демократијата во Македонија по изгласаната...
Скопје меѓу најзагадените градови во светот, не сакаме огномет за Нова година: „Зелен хуман град“ со апел до скопските градоначалници
Активисти на граѓанската иницијатива „Зелен хуман град“ со апел до сите скопски градоначалници да се откажат од огномет за Нова...
Обвинение за директорот на „Комунална хигиена“ – Скопје поради преполните контејнери во главниот град
По спроведена истражна постапка, Основното јавно обвинителство Скопје поднесе обвинителен акт против две лица, кои се товарат дека како соизвршители...
Поднесено обвинение за упадот во просториите на редакцијата на „Инфомакс“
Јавен обвинител ја заврши постапката за прибирање докази и до Основниот кривичен суд Скопје поднесе обвинение против едно лице за...
