Спорт
ЛШ: Звезда го „пукна“ Каират, Селтик испадна по драмата во Данска
Црвена звезда ја надополни негативата од 1:2 од првиот меч, за дома со 5:0 да го „растури“ казахстанскиот Каират Алмати во второто коло од квалификациите за Лигата на шампиони.
Работата беше завршена уште во првото полувреме, кога со двата гола на Александар Катаи дојдоа до 3:0 предност, пред во второто полувреме, веќе до 56. минута да биде 5:0. Следен противник за српскиот шампион е молдавскиот Шериф Тираспол, кој вторпат го победи ерменскиот Алашкерт (3:1).
Во третото коло на квалификациите нема да биде шкотскиот вицешампион, Селтик, откако на гостувањето кај Митјиланд во Данска загубија со 2:1 во продолжението, откако во Шкотска беше 1:1. Бугарскиот шампион Лудогорец ја елиминираше словенечка Мура со 3:1 победа откако во Словенија беше 0:0, а во третото коло се и фаворитите Олимпијакос, ПСВ Ајндховен и Спарта Прага.
ЛИГА НА ШАМПИОНИ, КВАЛИФИКАЦИИ
Нефчи Баку (Азе) – Олимпијакос (Грц) 0:1, прв меч 0:1, вкупно 0:2
Шериф Тираспол (Мол) – Алашкерт (Ерм) 3:1, прв меч 1:0, вкупно 4:1
ЦФР Клуж (Ром) – Линколн (Гиб) 2:0, прв меч 2:1, вкупно 4:1
Митјиланд (Дан) – Селтик (Шко) 1:1, 2:1 по продолженија, прв меч 1:1, вкупно 3:2
Галатасарај (Тур) – ПСВ Ајндховен (Хол) 1:2, прв меч 1:5, вкупно 2:7
Лудогорец (Буг) – Мура (Сло) 3:1, прв меч 0:0, вкупно 3:1
Јанг Бојс (Шва) – Слован Братислава (Свк) 3:2, прв меч 0:0, вкупно 3:2
Црвена звезда (Срб) – Каират Алмати (Каз) 5:0, прв меч 1:2, вкупно 6:2
Спарта Прага (Чеш) – Рапид Виена (Авт) 2:0, прв меч 1:2, вкупно 3:2
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Енис Барди: Шпанците ме споредуваа со Меси
Капитенот на фудбалсата репрезентација на Македонија, Енис Барди, во интервју за „haber61.net“, зборуваше за периодот кога беше во Леванте. Потенцираше дека во еден период бил подбар изведувач на слободните удари од Лионел Меси.
„Навистина, бев подобар од Меси. Постигнав седум гола од 25 слободни удари, а Меси имаше осум од 52, имав многу подбар процент на реализација. Според процентот бев подобар. Да бидеме сериозни, прекрасно беше чувството што луѓето ме споредуваа со еден од најдобрите фудбалери на сите времиња. Се гордеев со тоа“, рече Барди.
Спорт
Клубовите се против – Шведска нема да воведе ВАР
Системот за видео анализа (ВАР) нема да биде воведен во Шведска, откако на оваа идеа се спротивтавиле фудбалските клубови, изјави во петокот претседателот на Шведската фудбалска федерација (SvFF), Фредрик Рајнфелд.
ВАР постојано беше во центарот на контроверзноста во лигите каде што беше воведен, со поплаки поврзани со неговата обемна анализа и одложувања кои често траат неколку минути.
Во јули 2023 година, Шведската професионална фудбалска лига, која ги претставува клубовите во првите две дивизии на шведскиот фудбал, соопшти дека мнозинството клубови во земјата „активно се противат“ на воведувањето на ВАР.
Рајнфелд, кој минатата година рече дека ВАР е „иднината“, беше критикуван од навивачите за неговиот став по ова прашање.
„Ако броев правилно, имаме 18 елитни клубови и два региони кои рекоа дека не сакаат да воведат ВАР. Ние тоа го почитуваме. Поради тоа не излеговме со овој предлог на претходниот состанок, а тоа нема да се случи ниту во иднина. Јас сум за почитување на демократските правила на играта“, изјави Рајнфелд, инаку поранешниот премиер на Шведска.
Спорт
Иџе во поход по нова европска титула: „Очекувам добра трка“
Трикратниот европски шампион, Игор Стефановски Иџе овој викенд со трката во Австрија започнува нова сезона во која ќе се обиде да стигне до четвртата титула во Европскиот шампионат на ридски патеки (еHC).
Летечкиот Македонец, Игор Стефановски викендов пред нов предизвик. Во Австрија, на патеката Рекбер тој ќе го започне својот најнов поход на Европскиот шампионат на ридски патеки, кој и годинава има 10 трки. Шампионатот започнува на 28.04.2024, а ќе заврши во септември со трката во Хрватска.
Стефановски и оваа сезона не ги крие своите шампионски амбиции, за кои верува дека ќе може да се реализираат, особено затоа што годинава на патеката ќе управува со новиот автомобилски ѕвер од Ферари 488 B8, специјално дизајниран за овие патеки.
„Очекувам добра трка. Посакувам да постигнеме одличен резултат. Би сакал да се заблагодарам на мојот тим, како и на тие кои го препознаа потенцијалот и ме поддржуваат за натпреварувањата во оваа сезона, особено моите спонзори кои веруваат во мојот потенцијал “- вели Стефановски.
Минатата година Иџе во текот на целата сезона беше во сигурна доминација со седум победи на 10 трки.