Спорт
Луди моменти во Чиле – се урна дел од трибината на отворен тренинг на Коло-Коло
Отворениот тренинг на чилеанскиот фудбалски гигант Коло-Коло можеше да заврши трагично, откако дел од трибината на „Естадио Монументал“ се урна, повредувајќи неколку навивачи.
Фановите на еден од најпознатите чилеански клубови ги поздравија своите миленици на тренингот пред неделното дерби против Универзидад Католика, и на атмосферата можеа да позавидат клубови со многу поголемо реноме, кога дел од конструкцијата на стадионот се урна.
Според весникот „Ла терсера“, за среќа сите навивачи поминале без посериозни повреди – осум луѓе имаат минимални повреди, а двајца од навивачите завршиле со фрактури.
„Естадио Монументал“ беше модернизиран во 1993 година по низа инциденти, и тогаш капацитетот беше намален на 47.000 гледачи.
????????????????URGENTE: Parte da estrutura de uma arquibancada do estádio Colo-Colo NO CHILE desabou enquanto estava lotado de torcedores. pic.twitter.com/sI2q969zss
— Abimael Reis Cardoso (@AbimaelReisCar2) September 30, 2022
#ÚltimaHora | Durante el tradicional Arengazo que se lleva a cabo días antes de que se juegue el clásico del futbol entre Colo Colo y la Universidad Católica de Chile, se registró el desplome de una tribuna que dejó ocho heridos y dos fracturados en el Estadio Monumental. pic.twitter.com/9VxykgT59W
— La Crónica de Hoy (@LaCronicaDeHoy) September 30, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Заврши сезоната за Енцо Фернандес
Играчот од средниот ред на Челзи, Енцо Фернандес, ја заврши сезоната, бидејќи наскоро ќе мора да оди на операција на препоните, пишува аргентинскиот весник „Оле“. Според овој извор на Фернадес ќе му бидат потребни неколку недели за рехабилитација.
Поранешниот фудбалер на Ривер Плејт и Бенфика, извесно време се жалеше на болки, но сепак играше. Постоеше опција лекувањето да се одложи до лето, но по консултација со лекарите на Челзи и аргентинската репрезентација тој одлучи веднаш да биде опериран.
Планот е Фернандес да има доволно време целосно да се опорави за претстојната Копа Америка која започнува на 20 јуни.
Светскиот шампион пристигна на „Стемфорд Бриџ“ од Лисабон во јануари 2023 година во трансфер вреден 121 милион евра. Неговите настапи оваа сезона, сепак, се во склад со перформансите на повеќето играчи на Челзи – неубедливи и нестабилни.
Енцо оваа сезона одигра 40 од 45 натпревари за „сините“.
Спорт
Ла Лига од следната година ќе се игра во САД
Претседателот на шпанската Ла Лига, Хавиер Тебас, даде неколку интересни коментари во интервју за „Експансион“. Тамошната јавност најмногу ја коментира изјавата во која тој отворено призна дека навива за Реал Мадрид. Овој факт е познат одамна, но сега за прв пат е и јавно потврден. Тебас го откри овој детал коментирајќи ја приказната за доаѓањето на Килијан Мбапе во Реал.
Сепак, претседателот на една од најдобрите светски лиги донесе и по малку шокантна вест за сите љубители на традиционалниот фудбал. Имено, од сезоната 2025/26, некои натпревари од Ла Лига ќе се играат во Соединетите Американски Држави.
Тоа значи дека веќе следната година би можеле да го видиме првиот натпревар од шпанското првенство на американска почва.
„САД е втор најголем пазар за нас, веднаш по Шпанија. Тоа ќе ја зајакне нашата позиција таму. Другите европски лиги веќе работат таму и немаме избор, во спротивно ќе не избришат“, рече Тебас.
Инаку, уште во 2018 година имаше предлог да се игра каталонското дерби меѓу Барселона и Џирона во САД, но УЕФА го блокираше тој потег.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.