Спорт
Лудост на „Месталја“ – Солер со пенал хет-трик ги „урна“ Реал Мадрид

Во еден необичен меч на „Месталја“, Валенсија со три гола од пенал и еден автогол на Рафаел Варан стигна до шокантна 4:1 победа над Реал Мадрид за да ја прекине лошата низа од четири меча без победа.
А работите почнаа толку добро за „кралевите“ – Карим Бензема во 23. минута постигна фантастичен гол за водство на тимот на Зинедин Зидан. Меѓутоа до крајот на полувремето, „лилјаците“ направија пресврт – прво Карлос Солер го постигна првиот од трите гола од пенал во 35. минута, пред Варан да си постигне смешен автогол во 43. минута за 2:1.
Во второто полувреме беа досудени уште два пенали во 54. и 63. минута, кои Солер мирно ги реализираше за необичен триумф. Солер е првиот фудбалер во историјата кој постигнал хет-трик од удари од белата точка против Реал Мадрид.
Со победата, Валенсија скокна на деветтото место на табелата со 11 поени, додека Реал остана четврти со 16 поени, четири помалку од лидерот Реал Сосиедад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Здодевен „Олд Фирм“ – Миовски дебитираше за Ренџерс

Поладнево во Глазгов, вечните ривали Ренџерс и Селтик го одиграа 447-ми „Олд Фирм“. Прв пат во кариерата Македонија имаше претставник во еден од најголемите дерби мечеви во светот на фудбалот. Бојан Миовски дебитираше за Ренџерс.
Дербито ги разочара сите буквално ништо не се случи на теренот за 90 минути игра. Без шанси, без интензитет, дури и без „оган“ на теренот меѓу играчите.
Во првото полувреме, Ренџерс беа малку поконкретни, додека Селтик не упатија ниту еден удар кон голот на Батланд. Единствениот момент во што вреди за се забележи се случи во 32-та минута, домашните ја затресоа мрежата преку Сутар, но голот беше поништен поради офсајд.
Бојан Миовски одигра солидно, ако се знае дека одработи само еден тренинг со новите соиграчи, по трансферот од Џирона. Македонскиот напаѓач играше 70.минути кога беше заменет со Десерс.
По четири рунди Селтик има 10, а Ренџерс само четири бода (четири нерешени), поради што се шпекулира дека менаџерот Расел Мартин ќе добие отказ.
Фото/ Принтскрин
Спорт
Филип Поповски го истрча маратонот во Сиднеј: Доживување е да трчаш заедно со Кипчоге и Шифан Хасан

Листата од најголеми шест светски маратони од годинава е зголемена за уште еден – маратонот во Сиднеј. Со тоа овој град се додаде на листата најголеми маратони во светот, заедно со оние во Токио, Берлин, Лондон, Чикаго, Бостон и Њујорк.
Првото издание на маратонот во Сиднеј, како дел од светската маратонска елита се одржа денес, учествуваа дури 35.000 луѓе од целиот свет, а меѓу нив беше и Македонецот Филип Поповски, од клубот „091 Run Crew“.
Маратонската трка, Поповски ја заврши со време од 3 часа и 53 минути.
„На маратонот трчаа и Кипчоге и Шифан Хасан, најдобрите во светот во оваа дисциплина, па самото тоа што трчаш иста трка со нив е доживување. Се обидов да ги стигнам но без успех, ха, ха.
Целта не ми беше да постигнам некое време, туку со нашето друштво „091 Run Crew“ да ја шириме трчачката култура и да се поврзуваме со здруженија и трчачки друштва од целиот свет. Кога одиме на трки ја имаме таа можност да се дружиме и да разменуваме мислења и идеи, да ги поканиме да ни дојдат во Македноја, тие да нè поканат нас (како што им бев сега јас гостин 2-3 дена во Сиднеј).
Јас бев единствениот претставник од нашето здружение, а имаше претставници од здруженија од целиот свет и, секако, ги поканив да дојдат на некој од нашите маратони.
Интересно е што тука ни беа поделени пасоши, кои се викаат „United Nations of Crews“, со кои и официјално „091 Run Crew“ стана член на светското здружение на трчачки друштва, како единствени претставници од Македонија“ – вели Поповски.
Финиш линијата на маратонот беше поставена пред Операта во Сиднеј.
Победник во машка конкуренција е Хаилемаријам Киорос од Етиопија, додека кај жените најдобро време имаше Шифан Хасан од Холандија.
Спорт
Неверојатната сума Жозе Мурињо во кариерата заработил од отказите

Жозе Мурињо, пред три дена доби отказ, повеќе не е тренер на Фенербахче. Откакзот ќе внесе дополнителна и не мала сума пари на неговата сметка.
Португалскиот стручњак една година се задржа на клупата на Фенербахче. елиминацијата од Бенфика, во плеј-офот за пласман во Лигата на шампионите, но е неколкуте изјави што ги даде на почетокот на сезоната беа доволни да добие отказ.
Мурињо има уште една година од договорот, што значи дека добро ќе го наплати отказот. Според турскиот новинар Јагиз Сабунџуоглу, Мурињо ќе добие 8,9 милиони евра отпремнина. Пресметано, од отказите Мурњо во кариерата заработил неверојатни 102,78 милиони евра.
Листа на клубови од кои Мурињо ги наплатил отказите:
Челзи (прв отказ) – 20,88 милиони евра
Реал Мадрид – 19,72 милиони евра
Челзи (втор тказ) – 9,63 милиони евра
Манчестер јунајтед – 22,74 милиони евра
Тотенхем – 17,40 милиони евра
Рома – 3,48 милиони евра
Фенербахче – 8,93 милиони евра
Foto/ EPA