Спорт
Луис Енрике: Лео Меси е излезен од „Матрикс“!
Поранешниот тренер на Барселона, Луис Енрике направи интересен опис на Лионел Меси и неговите фудбалски вештини, велејќи дека Аргентинецот како да е излезен од филмскиот хит „Матрикс“ (Матрица).
Енрике, кој сега е шпански селектор, со Меси ја освои тројната титула со Барселона во 2015 година и 48-годишниот Шпанец зборувајќи за „Радио Каталуња“ ги опиша квалитетите на Аргентинецот.
„Зборуваме за гениј, зборуваме за Матрикс, како кога сликата одеднаш се успорува и тој може да прави што сака. Ете тоа го прави Меси. Не верувам дека има некој друг кој го може тоа. Андрес Иниеста имаше слична периферна видливост. Само тие двајца го имаа тоа чувство“, вели Енрике.
Сепак, тој признава дека имал и конфликти со Меси, по конфликтот на тренинзите кога Енрике не му дал на Меси да шутира слободен удар. По ова, Меси беше оставен на клупата при поразот од Реал Сосиедад (1:0), пред двајцата да се смират.
„Имаше тензија, која јас не ја барав, но на крајот морав да се справам со тоа. Сега, можам да гледам само добри работи за него“, вели Енрике.
? [LaTdT] | Luis Enrique: “Messi is Matrix. He’s able to stop the time and do whatever he wants. Apart from him, I have never seen anyone doing that.” pic.twitter.com/33TbQ5QY0e
— BarçaTimes (@BarcaTimes) March 7, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва