Спорт
Луис Енрике со ПСЖ ја чека „својата“ Барселона, „милионерите“ од Дортмунд на гости кај Атлетико
По синоќешните спектакуларни натпревари на „Сантијаго Бернабеу“ и „Емирејтс“, во кои немаше победници, вечерва во Лигата на шампионите на програмата се преостанатите два четвртфинални натпревари.
ПСЖ на „Паркот на принцовите“ во Париз ќе ја пречка Барселона, а Атлетико на „Сивитас Метрополитано“ во Мадрид ќе и се спротивстави на Борусија Дортмунд.
ПСЖ – Барселона
Кога ќе се спомнат овие да тима, сеќавањето не врача во минатото и спектакуларниот пресврт на Барселона, победата од 6:1 откако првиот меч го загуби со 4:0.
ПСЖ, веројатно последен пат со Килијан Мбапе го брка трофејот во Лигата на шампионите. Години и години обиди, потрошени пари и „дрим тим“ тимови беа фрлени во заборав. Барселона, тим со голема историја, ќе се обиде да се врати на патеките на старата слава и да се вклучи во борбата за трофејот.
ПСЖ, целосно може да се насочи кон овие два натпревари, бидејќи во Лига 1 се блиску до нова титула. Луис Енрике, поранешниот тренер на Барса, а денес на ПСЖ, има можност да го ротира тимот и да ги одмори носителите.
Во осминафиналето релативно лесно елиминираа уште еден шпански клуб, Реал Сосиедад, додека тимот од Каталонија го мина Наполи.
Килијан Мбапе несомнено ќе биде најопасниот играч на домашниот тим, а мотив би можел да има уште повеќе со оглед на шпекулациите за негов трансфер во Реал Мадрид на лето.
Нема да чуди доколку Барселона се повлече во првиот меч и се обиде да оствари позитивен резултат, односно да не загуби и да ги нападне парижаните во Шпанија за пласман во полуфиналето.
Атлетико Мадрид – Борусија Дортмунд
На хартија, но само на хартија, најнеинтересниот дуел, но во реалноста ова треба да биде исклучително интересен натпревар. „Јорганџиите“ предводени од Чоло Симеоне ќе се обидат да стигнат до ново полуфинале, додека „милионерите“ од Дортмунд се надеваат дека прв пат по 2013 година ќе изборат место во полуфиналето.
Атлетико, спротивно на сите прогнози, го елиминираа Интер во осминафиналето по големиот пресврт во реваншот. Сите ги отпишаа, особено по водечкиот гол на Ди Марко за Интер во реваншот, но Атлетико покажа дека е тим со карактер.
Борусија имаше малку полесна задача во претходната рунда. Против ПСВ одигра 1:1 во Ајндховен, а во Дортмунд победи со 2:0.
Атлетико е благ фаворит, но Дортмунд на неодамнешниот натпревар против Баерн покажа дека е калибар на тим кој може да победи секого.
Најголемата разлика и причината поради која „јорганџиите“ се благи фаворити е тоа што Симеоне знае да игра „на резултат“, додека Борусија цела сезона игра по системот „топло-ладно“.
Атлетико не брилјира во домашното првенство, но сигурно ќе има огромна мотивација и самодоверба пред двомечот со Дортмунд, додека Борусија нема што да загуби, моментално е можеби најслабиот тим во четвртфиналето, што доволно говори за квалитетот на екипите кои се пласираа во оваа фаза од Лигата на шампионите.
Натпреварите во Париз и Мадрид ќе започнат во 21 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Атаман повеќе да работи, помалку да зборува, Слукас нема самодоверба“
Пини Гершон,легенда на Макаби и европската кошарка, кој со Макаби ја освои Евролигата во 2004 и 2005 година, го критикуваше Панатинаикос и пред се тренерот Ергин Атаман.
Макаби води со 2-1 во четвртфиналната серија од плејофот во Евролигата, а четвртиот меч се игра вечерва во Белград.
„Атаман зборува повеќе отколку што си ја врши својата работа како тренер. Разбирам дека е под голем притисок, но мислам дека за следната сезона е поблиску до Турција отколку до Грција. Не сакам да се мешам во политика бидејќи тоа се глупости“, вели 72-годишниот Гершон и додава:
„Тој и Димитрис Јанакопулос (сопственикот на Панатинаикос) ја измислија приказната за да ги стават судиите под притисок, но однесувањето на Панатинаикос во последните години не прави Евролигата да биде на нивна страна.“
На Гершон не му се допадна говорот на телото на Атаман ниту за време на третиот натпревар.
„Некои играчи на Панатинаикос не го сакаат за тренер. Во третиот натпревар седна на клупата, а тоа испраќа лоша порака до играчите. Тренерот секогаш треба да биде активен, за играчите да почувствуваат дека е присутен“.
Вејд Болдвин, кој не играше во третиот натпревар е неизвесен и за натпреварот број 4.
„Макаби е подобар тим со Болдвин, но покажаа дека се супериорни и без него. Ако се врати по четврти натпревар, тоа може да биде големо психолошко засилување за нив“.
Исто така, Гершон смета дека на Костас Слукас му недостасува самодоверба.
„Кошаркарите на Панатинаикос ја изгубија самодовербата, видов играч од 3,5 милиони евра без самодоверба. Слукас е искусен, но ја загуби самодовербата“, заклучува Гершон.
Спорт
(Видео) Карагер заврши во „Жолтиот ѕид“ па пијан ги ги интервјуирал играчите
Џејми Карагер не можеше да одолее на привлечноста на „Жолтиот ѕид“. Првиот полуфинален натпревр во Лигата на шампионите меѓу Борусија Дортмунд и ПСЖ (1:0) го искористи од прва рака да ја почувствува атмосферата на „Вестфален“.
Карагер од трибината, со навивачите на Борусија го виде победничкиот гол на Никлас Филкруг, со кој Борусија обезбеди минимална предност пред реваншот во Париз.
Поранешниот фудбалер на Ливерпул, сега фудбалски коментатор и аналитичар одлично се забавуваше меѓу најверните навивачи на „милионерите“. Можеби малку премногу, бидејќи се врати во алкохолизирана состојба.
Од студиото го прашаа дали е доволно трезен за да го води интервјуто, кога се врати и го зазеде своето место покрај Петер Шмајхел.
„Тоа всушност има смисла, затоа што не јадев премногу. Јадев чизбургер ооколу два и пол кога стигнав до хотелот. Тоа може да објасни зошто ми се платка јазикот додека зборувам! Осум пива на „Жолтиот ѕид“, имам ново семејство, ново семејство на пријатели, тоа беше едно од најдобрите искуства во мојот живот, неверојатно“, одговори Карагер.
Во микс зоната, Карагер и Шмајхел го интервјуираа Џејдон Санчо. Карагер го праша: „Ако дојдеш до финалето можеме ли заедно да испиеме неколку пива“.
„Не пијам“, кратко му одговори Санчо.
Jamie Carragher smashed after 8 pints, interviewing Jadon Sancho…
CBS never misses 🤣🤣 pic.twitter.com/CCnsZ7ZMgA
— Project Football (@ProjectFootball) May 1, 2024
Спорт
Анадолу Ефес верува во Мијатовиќ
Хрватскиот тренер Томислав Мијатовиќ ја продолжи соработката со Анадолу Ефес, потврди од клубот од Истанбул.
Мијатовиќ го презеде турскиот тим на почетокот на февруари, истиот ден кога беше објавено дека ќе си замине Ердем Џан.
Во тој момент Ефес беше на 16. место во Евролигата, но до крајот на регуларниот дел успеа да се избори за место во плеј-ин.
Таму беа елиминирани од Виртус, но клупските челници искажаа задоволство од неговата работа, поради што и му понудија договор на две сезони.
Ефес пред три дена ја совлада Дарушафака во 29. коло од турскиот шампионат и со тоа го обезбеди првото место пред почетокот на плеј-офот.