Аргентинскиот фудбалер Лионел Меси продолжи да блеска во МЛС лигата.

Меси беше клучен играч на натпреварот помеѓу Интер Мајами и Њујорк Сити, кој тимот од Флорида го доби со 4:0.

Со оваа победа, Интер официјално се квалификуваше за плејофот во МЛС, со скор од 16 победи, шест нерешени резултати и седум порази.

Со асистенција во првото полувреме, Меси стана првиот играч во историјата на МЛС кој имал најмалку 35 гола (голови + асистенции) во две последователни сезони, а до крајот на натпреварот, тој постигна два гола и стана четвртиот играч кој имал осум натпревари со два или повеќе гола во една сезона.

Ankara Messi, Ankara Messi, Ankara Messi Ankara Messi, Ankara Messi . 🐐 pic.twitter.com/8yTgHhkPOC

— Major League Soccer (@MLS) September 25, 2025

Борис Бекер е една од најголемите легенди на Вимблдон, тој е и негов најмлад шампион во историјата, а тоа искуство можеше да му го пренесе на Новак Ѓоковиќ на најдобар начин.

Кога Германецот стана тренер на Ѓоковиќ, кон крајот од 2013 година, Србинот имаше една титула на Вимблдон (2011), но и два болни порази. Првиот беше во полуфиналето во 2012 година против Роџер Федерер, во кој Швајцарецот речиси рутински победи со 6:3, 3:6, 6:4, 6:3, а вториот беше уште потежок во финалето во 2013 година против Енди Мареј, кога не освои ниту еден сет, иако имаше многу шанси.

Истото може да се каже и за елиминацијата од Британецот во полуфиналето на ОИ на Вимблдон 2012, како и за неуспехот во борбата за бронзениот медал против Хуан Мартин дел Потро.

Овие порази беа решавачки во одлуката Ѓоковиќ да го изненади целиот свет и да го покани Бекер да му биде тренер. Соработката веднаш вроди со плод. Новак ги освои следните две титули на Вимблдон, двата пати во финалето го победи Роџер Федерер, најуспешниот шампион на овој турнир во историјата со осум трофеи. Федерер никогаш повеќе не го победи Ѓоковиќ на Вимблдон.

„Роџер беше најголемиот непријател на Новак на Вимблдон од две причини. Прво, затоа што знаеше како да игра на трева, и второ, затоа што публиката го обожаваше. Морав да му објаснам на Ѓоковиќ дека луѓето на трибините не се против него, туку се за Федерер, и дека не треба да го сфаќа премногу сериозно, туку да најде начин да ги натера и тие луѓе да го сакаат – објасни тој во емисијата „High Performance“ на YouTube.

Можеби Новак не успевал секогаш да го прифати овој совет, имаше жестоки реакции на сметка на публиката, но тоа веќе не е случај.

„Мило ми е што на крајот успеа да ја добие почитта на целиот свет што ја заслужува. Тој успеа да се справи со сите предизвици, да освои 24 гренд слем титули, да ги сруши сите можни рекорди, а сето тоа го должи на својот карактер и личност“.

Фото/ Принтскрин

Аукцијата се одржа за време на викендот на Големата награда на Италија во специјалниот простор „Шумахер Лаунџ“ на патеката Монца. Дел од приходите одат во хуманитарни цели преку „Фондацијата Продолжи да се бориш“.

За време на Големата награда на Италија, колекција од скапоцени предмети поврзани со Михаел Шумахер привлече големо внимание од колекционерите.

Највредниот експонат беше тркачкото одело на Ферари од 2000 година.

Токму во таа сезона Шумахер ја освои својата прва титула со Ферари. Со тој успех, тој започна неверојатна серија од пет последователни шампионски титули, завршувајќи со седмата титула во 2004 година.

Оделото беше користено на Големата награда на Унгарија во 2000 година, а на аукцијата достигна импресивни 95.650 евра. Значителен дел од приходите се трансферирани во фондацијата „Продолжи да се бориш“, која е поддржана од семејството на Шумахер.

Покрај комбенизонот од 2000 година, беа понудени и други ретки парчиња.

Тркачкото одело Бенетон што го носеше седумкратниот шампион во 1995 година беше продадено за 61.360 евра.

Реплика на кацигата на „Scuderia Ferrari RF1“ од 2003 година со потпис на визирот на Шумахер е продадена за 11.520 евра.

Самата аукција се одржа во сосема новиот салон на Шумахер, кој беше отворен за прв пат оваа година во Монца.