Спорт
Лукаку ја реши драмата на „Олд Трафорд“ (Видео)
Фудбалерите на Манчестер Јунајтед забележаа драматична победа над Саутемптон (3:2), со која го „прескокнаа“ Арсенал на четвртото место на табелата. Прогрес остварија и фудбалерите на Манчестер сити по триумфот над Бормут, но тие имаат натпревар повеќе од Ливерпул.
Натпреварот на „Олд Трафорд“ понуди голема борба, драматичен финиш и неколку спектакуларни погодоци.
На истекот на 26 минута Саутемптон успеа да ги шокира навивачите на Јунјатед. Спектакуларен гол постигна младиот Французин Валери.
Бразиелцот Переира во периодот од 53 до 59 минута го режираше пресврот на „црвените ѓаволи“. најпрвин постигна убав гол, а потоа му асистираше на Лукаку.
На 15 минути до крајот на натпреварот Ворд-Праус постигна гол од слободен удар за 2:2.
Во последната минута, Лукаку со удар од работ на шеснаесетникот успеа да им ја донесе победата на Манчестер Јунајтед.
Екипата на Оле Гунар Солскјер сега има 58 бода, еден повеќе од Арсенал.
Манчестер сити гостуваа кај Бормут и забележаа минимална победа, која им овозможува барем до утре да бидат на лидерската позиција. Единствениот гол на мечот го постигна Алжирецот Ријад Марез во 55 минута. Марез во игра влезе во второто полувреме.
Значајна победа на гостински терен забележа Кристал Палас. Со авто-голот на Брдсли и головите на Батшуаи и Заха, Кристал Палас ги победија Барнли со 3.1.
Вулверхемптон за 120 секунди ја обезбедија победата над Кардиф. Головите за победата 2:0, во 16 и 18 минута ги постигнаа Жота и Хименез.
Брајтон против последнопласираниот Хадерсфилд славеа со 1:0. Единствениот гол го постигна Романецот Андоне во 78 минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Бевме пијаници, а потоа дојдоа нутриционистите…“
Легендите на Манчестер Јунајтед, Рој Кин и Гери Невил, во еден подкаст открија дека дека со денови се пијанеле по натпреварите во Премиерлигата. Станува збор за периодот кој некии го нарекуваат и златна ера на тимот кој тогаш го предводеше сер Алекс Фергусон.
„Луѓето велеа дека сум добар професионалец, но некои работи што ги правев беа апсолутно срамни – покајано вели Кин.
Детално опиша како се пијанчел, особено во нефудбалските денови.
„Многу пати одев во сабота по натпреварот, во недела, понеделник, вторник… Да бидам фер, би ја поставил границата во среда“, откри освојувачот на седум Премиер лиги, четири ФА купови и Лигата на шампиони.
Во 2002 година, Ирецот во својата автобиографија „Второто полувреме“ призна:
„Имаше период, во раните 90-ти, кога бев алкохоличар. За среќа, успеав да се извлечам од тој виор. Сега пијам само вода.“
Гери Невил го надополни соиграчот, велејќи дека многу од најдобрите играчи биле озлогласени алкохоличари.
„Причината поради која се извлекувавме е што другите тимови го правеа истото. Сè додека секој можеше да испие десет големи кригли, бевме на исто ниво на кондиција“, раскажа трофејниот десен бек од „Олд Трафорд“.
„Знаете… Јас го анализирам периодот пред сезоната 1995/96 година, сите играчите го правеа истото. Помеѓу 1996 и 2000 година фудбалот стана многу професионален и дојдоа нутриционистите…“
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.
Спорт
Гасе нема да остане на клупата на Марсеј
Фудбалскиот клуб Олимпик Марсеј нема намера да го задржи актуелниот тренер Жан-Луј Гасе следната сезона.
Гасе беше донесен за да ја спаси сезоната, откако клубот го отпушти Џенаро Гатузо. Тоа му успеа до одреден степен, но како што стојат работите во клубот не се сигурни дека ќе го задржат следната сезона.
Како што пренесува „Лекип“, претседателот на Марсеј, Пабло Лонгорија тргнал по Паоло Фонсека, кој е прва желба на клубот.
Договорот на Фонсека со Лил истекува на крајот од сезоната, а клубот има намера да му понуди нов.
Марсеј веќе се обиде да го доведе во своите редови минатата сезона, но во последен момент трансферот го спречи претседателот на Лил, Оливие Летанг.