Ромелу Лукаку, според зборовите на менаџерот на Челси, Томас Тухел беше само последно парче во слагалката на „сините“. Но, мечот против Манчестер сити во саботата, кога Белгиецот беше изолиран со 21 допир, 33 отсто успешни додавања и ниту еден удар на голот, го покажа проблемот – иако тој само што пристигна на „Стемфорд бриџ“, тимот премногу зависи од него.

Челси беа „задушени“ од тактичкиот план на Пеп Гвардиола, и скапиот Лукаку беше нешто повеќе од обичен гледач во западен Лондон. Ова беше и слатка одмазда за Гвардиола, откако претходно ги загуби претходните три дуели со Томас Тухел минатата сезона, вклучувајќи го и финалето на Лигата на шампионите.

За Тухел, останува главоболката дали неговиот 3-5-2 систем, кој функционираше фантастично против Тотенхем минатата недела, овојпат спектакуларно не успеа. Покрај Лукаку напред беше и Тимо Вернер, но со тројца дефанзивни играчи од средниот ред зад напаѓачката двојка, домашниот тим не најде простор за нив.

„Мислам дека нема потреба да зборуваме за маките на Ромелу денеска. Кога топката стигнуваше до Лукаку, нападот веќе беше пола завршен и немаше доволно луѓе напред, доволно верба во системот и доволно поврзаност. Затоа мислам дека се работеше за тимски проблем, не за индивидуален проблем“, изјави Тухел по мечот.

Родри, Ајмерик Лапорт и Рубен Дијаш го ставија во „кутија“ Лукаку, додека Вернер треба да го крене нивото ако сака да биде партнер на Лукаку како Лаутаро Мартинез во Интер во 3-5-2 системот на Антонио Конте минатата сезона.

Графика: Sofascore за Топспорт.мк

Манчестер сити го освои „Стемфорд Бриџ“

Елен Фокема влезе во историјата на холандскиот фудбал во саботата, кога стана првата жена која играла за сениорски машки тим во лигашки меч.

20-годишната Фокема влезе како замена за ВВ Фоарут во мечот против Слеат, откако Холандската кралска фудбалска федерација дозволи жените да играат во сениорските машки тимови по тестот минатата сезона.

Фокема е дел од ВВ Фоарут од својата петта година, но холандската федерација претходно дозволуваше мешани тимови до У-19 нивото. Минатата сезона им беше дозволен тест-периоид за Фокема да биде дел од тимот, и таа одигра седум меча, пред во март 2021 федерацијата да ги смени правилата.

„Се надевам дека нема да сум последната жена која ќе игра, бидејќи во спротивност моето достигнување е безвредно“, изјави Фокема.

Ленон Кастилјо излезе од болница и е свесен, откако во саботата навечер доби брутален нокаут од Британецот Калам Смит во пред-мечот на дуелот Олександер Усик-Ентони Џошуа.

Со фантастична десница на Смит, Кастилјо (21-1-4) остана на подот, а судијата Боб Вилијамс веднаш го прекина мечот. Смит (28-1) почна да прославува, но ведаш му беше јасно дека нешто не е во ред со противникот, кому му се тресеа нозете.

33-годишниот Кастилјо, ветеран од Доминиканската Република, доби медицинска помош неколку минути, по што беше изнесен на носилки, а промотерот Еди Херн потврди дека тој е свесен и во добра состојба.

Страшен нокаут во Тотенхем арена