Спорт
Махачев против Поарие ја одбрани титулата
ММА настанот УФЦ 302 се одржа во Њуарк во текот на изминатата ноќ. Сите погледи беа насочени кон главната борба. Ислам Махачев ја одбрани титулата во лесна категорија (до 70 килограми).
Махачев во петтата рунда, со зафатот “brabo choke” го принуди трикратниот предизвикувач за појасот на УФЦ, Дастин Поарие да се предаде.
32-годишниот Ислам Рамзанович Махачев,трет пат во кариерата ја одбрани титулата која ја освои против Чарлс Оливеира. Претходно два пати ја одбрани титулата против Александар Волкановски.
Сега има 26 победи и еден пораз во професионалната кариера.
„Беше многу добар. Тој одбрани многу од моите обиди за соборување, ме изнамачи“, рече Махачев за неговиот ривал, а потоа ги откри плановите за понатамошната кариера.
„Сакам да се борам за вториот појас. Не е исто кога браниш појас и кога напаѓаш нов“, изјави Дагестанецот.
Вториот појас на кој се повикува Махачев му припаѓа на Лион Едвардс, Британец кој е шампион на УФЦ во категоријата до 77 килограми. „Роки“ Едвардс ќе ја брани титулата на УФЦ 304, а предизвикувач ќе му биде Белал Мухамед,
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
ФА бара доживотна суспензија за Лукас Пакета
Ѕвездата на Вест Хем и репрезентативец на Бразил, Лукас Пакета би можел да добие доживотна суспензија поради вмешаност во скандал со обложување.
Пакета е официјално под истрага од 18. август 2023 година, а беше обвинет од Фудбалската асоцијација на Англија (ФА) на 23. мај 2024 година.
Иако Пакета тврди деја не е виновен, еден настан доведе до сериозен скандал по кој ФА побара доживотна казна за овој фудбалер.
Имено, според британските медиуми, откако телефонот му бил вратен по првичната проверка (која наводно траела околу осум недели), тој го фрлил уредот и купил нов, без да ги извести надлежните.
Истражувачкиот тим по неколку недели повторно се обидел да го земе телефонот на Пакета за да направи дополнителни анализи, но бил спречен во тоа, поради што Пакета е обвинет за „попречување на истрагата“ и несоработка со истражителите.
Пакета оваа сезона одигра седум натпревари за Вест Хем.
Спорт
Кампацо сепак ќе игра против Партизан
Челниците на Реал ја обжалија суспензијата од еден натпревар за Факундо Кампацо во Евролигата и Аргентинецот доби дозвола да игра против Партизан.
Дисциплинската комисија на Евролигата го прифати барањето на Реал Мадрид и со тоа плејмејкерот помина без санкција поради нападот врз судиите на мечот против Баерн.
Реал утре од 20.45 часот ќе го пречека Партизан во второто коло, во Евролигата.
Спорт
Распишана потерница по Слотер – Доколку биде прогласен за виновен, Реал може да го загуби трофејот
Шпанското обвинителство покрена постапка против Маркус Слотер за фалсификување документи, а полицијата распиша потерница по Американецот бидејќи користел лажен пасош.
Реал Мадрид имаше проблем со странците во сезоната 2014/2015, еден беше вишок. Тука беа Факундо Кампацо, Густаво Ајон и Маркус Слотер. Американецот доби пасош на Екваторијална Гвинеја пред почетокот на завршниот турнир во Купот на кралот.
Подоцна било утврдено дека документите се фалсификувани, идентичен пасош имал и Енди Панко од Фуенлабрада.
„RAC1“, пишува дека доколку центарот роден во Калифорнија биде прогласен за виновен му се заканува затворска казна до 16 месеци.
Иако Реал Мадрид не е обвинет во целиот случај, може да сноси последици, бидејќи во составот тимот имал тројца странци. Или, поконкретно, титулата во првенствот и пехарот во Купот од сезоната 2014/2015. Доколку тоа се случи трофеите ќе ги добие Барселона.
Случајот се одолговлекува, но во догледно време се треба да се расчисти и да се донесе правосилна пресуда.