Ливерпул е подготвен да го продаде уругвајскиот напаѓач Дарвин Нуњез (25) бидејќи не се вклопува во фудбалската филозофија на тренерот Арне Слот, објавија во понеделникот британските медиуми.

Иако ги чинеше 100 милиони евра (со бонуси) кога пристигна од Бенфика во 2022 година, управата на „црвените“ би била среќна доколку некој им понуди 60 милиони евра за Нуњез, чиј договор е до летото 2028 година, истакнуваат британските дневни весници.

Уругвајскиот интернационалец не се вклопи во плановите на тренерот Слот, чиј супермодерен фудбал го воодушеви светот.

Во оваа напредна фудбалска шема, напаѓачката тројка, која ги „малтретира“ противниците, ја сочинуваат Коди Гакпо, Мохамед Салах и Луис Дијаз, додека Нуњез во игра најмногу влегува од клупата за резерви.

Меѓу оние кои би можеле да бидат заинтересирани за Нуњез, според британските медиуми, е и Њукасл.

Напаѓачот на Манчестер Јунајтед, Маркус Рашфорд (27) одбил три профитабилни понуди од Саудиска Арабија бидејќи сака да се врати во репрезентацијата на Англија, која сега ја предводи Германецот Томас Тухел, објавија британските медиуми.

Еден од трите клуба му понудил годишна плата од 42 милиони евра.

Новиот тренер на „црвените ѓаволи“, Рубен Аморим не смета на него и клубот сака да го продаде во зимскиот преоден рок. И покрај тоа што клубот сака да се ослободи од него, Рашфорд е подготвен да остане на „Олд Трафорд“ до крајот на договорот, односно до летото 2028 година.

Рашфорд е свесен дека заминувањето во Саудиска Арабија би му ја затворило вратата на репрезентацијата на Англија, а тој има желба повторно да го облече дресот на „гордиот Албион“ откако не отпатува на минатогодишното евро.

За англиската репрезентација одигра 60 натпревари, а последниот настап го имаше пред девет месеци.

Јанис Тима, на 17 декамври минатата година беше пронајден мртов во хостел во Москва. Кошаркарот оставил проштална порака на својот моблен телефон поради што случајот беше прогласен за самоубиство.

Сепак како што пишуваат медиумите во Латвија, се случил пресврт во случајот. Наводно, полицијата и обвинителството ги истражуваат наводите дека неговата поранешна сопруга Ана Седокова го нарачала неговото убиство.

Јанис Тима беше пронајден мртов на 17 декември минатата година во Москва. Првично се веруваше дека кошаркарот извршил самоубиство затоа што покрај неговото тело била пронајдена белешка на која пишувало „Јави се Ана“, но и поради деталите дека оставил порака на објавата на својата поранешна сопруга на Инстаграм претходната вечер со неговиот датум на раѓање и денот на неговата смрт.

Тогаш медиумите пишуваа дека неговата поранешна сопруга ќе ги плати трошоците за погребот, но неколку дена подоцна пристигна информација дека никој не се јавил за да го преземе телото од мртовечницата.

Сега порталот „Championat.com“ носи сосема поинаква приказна.

Овој портал тврди дека на телеграмскиот канал „Маш“ кружи изјава на Марко Пугачев, пријателот на Тима, кој рекол дека станал сведок во истрагата за убиството на кошаркарот.

„Пријателот на кошаркарот Марк Пугачев ни кажа дека тој стана сведок во случајот и ќе сведочи против Ана Седокова. Наводно, таа е таа што го организирала и нарачала убиството на Тима, а сето тоа поради неговиот имот и становите шти ги купил во Москва за 180 милиони рубљи“, објави каналот „Маш“.