Спорт
Мајер ја одбрани олимписката титула во супер-џи
![](https://makfax.com.mk/wp-content/uploads/2022/02/3308533-67650928-2560-1440.jpg)
Матијас Мајер ја одбрани олимписката титула во супер-џи. Австриецот победи на патеката „Рок“, на Зимските олимписки игри во Пекинг.
Во исклучително возбудлива трка, Мајер победи со време 1:19,94 минути. За него ова е втор медал во Пекинг, откако пред два дена освои бронза во спуст. Само четири стотинки зад Мајер беше младиот Американец Рајан Кохрејн-Зигл.
Рајан во Пекинг ја продолжи семејната традиција, неговата мајка Барбара е олимписка шампионка во слалом од 1972 година.
Бронзата ја освои Норвежанецот Александар Омот Килде. Лидерот во светскиот куп во супер-џи имаше послабо време од Мајер за 42 стотинки.
Матијас Мајер со златото во Пекинг влезе во олимписката историја. Тој е првиот маж со три златни медали на олимпијади по ред. Покрај златните медали во супер-џи, во Пекинг и Пјончанг, во Сочи во 2014 година тој победи во спуст.
Кај дамите ваков подвиг остварила само Дебора Компањони од Италија.
It’s a second straight #Gold for Matthias Mayer of Austria in the #AlpineSkiing Men´s Super G.
He won the same event at #PyeongChang2018❗
Congratulations!#Beijing2022
— Olympics (@Olympics) February 8, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(ВИДЕО) Среќата е на негова страна
![](https://makfax.com.mk/wp-content/uploads/2024/06/1639321549-Max-Verstappen-scaled-e1639321570945.jpg)
Актуелниот трикратен светски шампион во Формула 1, Холанѓанецот Макс Ферстапен изјави дека и следната сезона ќе вози за Ред Бул.
„ Да, работиме на болидот за следната сезона. А кога сте фокусирани на тоа, значи дека возите за тој тим“, изјави Ферстапен.
Холандскиот возач има договор со Ред Бул до 2028 година.
Некои медиуми објавија дека Ферстапен следната година би можел да го замени Луис Хамилтон во тимот на Мерцедес, кој на крајот од сезоната се сели во Ферари.
„Се разбира, луѓето кажуваат секакви работи, но најважно е што имаме многу конкурентен болид за иднината. Работиме и се фокусираме на следната сезона за да се обидеме повторно да бидеме конкурентни“, изјави возачот на Ред Бул.
Ферстапен моментално е на првото место во генералниот пласман на возачи со 219 бодови. Следната трка во Ф1 шампионатот ќе се вози на 30 јуни за Големата награда на Австрија.
Спорт
Милиони за канадскиот кошаркар Мареј
Канадскиот кошаркар Џамал Мареј доби нов договор од Денвер Нагетс.
Соиграчот на Никола Јокиќ ќе добие 209 милиони долари од поранешниот шампион во НБА во следните четири години.
Тоа е максимален договор за поранешниот студент од Кентаки кој минатата сезоната имаше просек од околу 21 поен, 6 асистенции и 4 скока.
Мареј беше избран од Нагетс на драфтот во 2016 година од седмата позиција и во 2023 година беше дел од тимот кој стана шампион во НБА.
Спорт
Монако со ново засилување
Монако претстави ново засилување, а тоа е Вито Браун, поранешниот кошаркар на Пинар Каршијака.
Браун, кој ги покрива крилните позиции на центарот, потпиша двегодишен договор со тимот на Саша Обрадовиќ, а следната сезона во Евролигата ќе биде негово деби.
Досега имаше искуство само во европските натпреварувања во Лигата на шампионите на ФИБА.
Кариерата ја изгради преку развојната лига во Америка, а потоа замина во Европа, каде играше за Ле Ман, а потоа и за Реал Бетис.
Во Пинар Каршјак пристигна во 2022 година, каде запиша две солидни сезони. Во Лигата на шампионите на ФИБА, тој имаше просек од 13,3 поени со 4,6 скока.
Монако досега го доведе само Ник Калатес, но исто така направи добра работа во тимот бидејќи Мајк Џејмс и Џејрон Блосомгејм потпишаа нови договори.