Спорт
Мајк Дин, легендата меѓу фудбалските судии

Мајк Дин, еден од најчудните фудбалски судии во англиската Премиер лига, уште еднаш покажа дека знае како да прославува откога даде гол за победа во меч помеѓу англиските фудбалски судии.
53-годишниот Дин доби топка од Пол Тирни, успеа да даде гол по слабата реакција на голманот по што прославуваше како да освоил ЛШ заедно со Ентони Тејлор и Мартин Еткинсон.
Ова не е првпат Дин да прославува гол и да предизвика контроверзии. Во 2015 година на дуелот од ФА-купот помеѓу Тотенхем и Астон вила, судијата, инаку страстен навивач на Транмир и честопати е на трибините на нивните мечеви, го славеше голот на Муа Дембеле.
„Не го славев голот, туку ја славев предноста што ја дадов на Тотенхем. Малку се занесов. Беше фаул и решив да дозволам играта да продолжи. Можеби не требаше да ги кренам рацете така“, изјави тогаш Дин.
Mike Dean scoring like a prime Ruud Van Nistlerooy in a game between referees ?
It’s all about the celebration ? pic.twitter.com/mPkN0XJjZN
— Soccer AM (@SoccerAM) October 28, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Саул го одби Трабзон, се сели во Фламенго

Саул Нигез по 17 години го напушти Атлетико Мадрид. Играчот, кој претходната сезона ја мина на позајмица во Севилја, спогодбено се раздели со клубот од „Метрополитано“.
Саул како слободен играч се очекуваше да се пресели во Трабзон. Во неделата, турскиот клуб испрати авион по него во Мадрид, но тој одби да отпатува во Турција. Медиумите објавија дека во договор со семејството решил да го одбие Трабзон.
Сепак причината била поинаква. Саул кариерата ќе ја продолжи во најбогатиот бразилски клуб Фламенго.
Там тренер ќе му биде поранешниот соиграч од Атлетико, Фелипе Луис.
Фото/ Принтскрин
Спорт
По Синер, и Ѓоковиќ и Алкараз го откажа настапот во Торонто

Шпанската тениска ѕвезда Карлос Алкараз ќе го пропушти АТП Мастерсот во Торонто, кој започнува во недела. Петкратниот освојувач на Гренд слем турнири го објави ова преку социјалните мрежи.
Претходно, настапот во Торонто го откажаа првиот тенисер во светот Јаник Синер, петтиот Џек Дрејпер и рекордерот Новак Ѓоковиќ, инаку шести на АТП листата.
„По многу недели континуирано натпреварување без пауза, не можам да играм во Торонто оваа година. Имам мали мускулни проблеми и треба да се опоравам физички и психички за она што следи во сезоната. Многу ми е жал за турнирот и за моите фанови во Канада. Се гледаме следната година“, објави Алкараз преку социјалните мрежи.
Третиот тенисер во светот, Германецот Александар Зверев, кој сега е прв носител, се чини дека има отворен пат до победа. По раната елиминација од Вимблдон, Зверев откри дека имал ментални проблеми и објави дека нешто во него мора да се промени.
Турнирот во Торонто ќе се одржи од 27 јули до 7 август.
Спорт
Нено Димитријевиќ се враќа во Русија

Репрезентативецот на Македонија, Ненад Димитријевиќ, ќе ги напушти редовите на Олимпија Милано и ќе се врати во руската лига, тврдат италијански инсајдери.
Новинарот Андреа Калцони објави дека Димитријевиќ ќе потпише двегодишен договор за вкупно три милиони евра со Зенит. Пред да дојде во Италија, 27-годишникот играше за Уникс, со кого ја освои ВТБ лигата во 2023 година.
Според Калцони, Олимпија ќе му плати на Димитријевиќ 500.000 евра, што треба да претставува разлика во договорот и на тој начин Димитријевиќ ќе стане слободен агент.
Димитријевиќ беше MВП на Суперкупот на Италија, кој Армани го освои во 2024 година, а во последната сезона во Евролигата имаше просек од 7,6 поени, 1,6 скока и 2,9 асистенции по натпревар.
Foto/ X