Спорт
Мајк Тајсон ги налути Полјаците: Вашето страдање е ништо во споредба со тоа на црнците (видео)

Боксерската легенда Мајк Тајсон предизвика контроверзи на промотивната турнеја низ Полска, откако изјави дека на Полјаците „не им се случило никакво ср.ње“ во споредба на дискриминацијата низ која поминале Афроамериканците во САД.
52-годишниот поранешен апсолутен шампион во тешка категорија беше во Варшава како дел од промоцијата на енергетскиот пијалок „Блек енерџи“. Планот беше спонзорот да го однесе Тајсон на посета на историски места посветени на востанието во Варшава против нацистите во 1944 и локации поврзани со холокаустот.
Одговарајќи на критиките на полските активисти дека компанијата бесрамно ја користи историјата на Втората светска војна, Тајсон ги спореди полските трагедии со тие на црните Американци.
„На вас Полјаците не ви се случи никакво срање во споредба со тоа што се случуваше со црните луѓе во Америка. Никој не ве држеше како робови 250 ебани години. И не ви ја силуваше мајката, сестрата и братот пред тебе пред да ги убијат. Тоа што ви се случи беше навистина лошо, но никој не е повеќе прогонуван од црните луѓе“, изјави Тајсон.
„Kto wie więcej o prześladowaniach niż ciemnoskórzy?” – tak Mike Tyson odpowiada na zarzuty, że nie powinien brać udziału w filmie o powstaniu warszawskim. Wkrótce na portalu https://t.co/4oYRjx3w5F cały wywiad z amerykańskim bokserem#wieszwięcej pic.twitter.com/DR16xOOyzD
— portal tvp.info ?? (@tvp_info) June 26, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Калум Вилсон во Вест Хем

Калум Вилсон ќе го носи дресот на Вест Хем следната сезона. Вилсон се согласи на едногодишен договор со „Чеканите“.
Вислон е слободен агент од крајот на претходната сезона и завршувањето на неговата соработка со Њукасл.
Вилсон одигра 130 натпревари за Њукасл и постигна 49 гола, но клубот и играчот не успеаја да се договорат за продолжување на соработката во сезоната 2024/25.
Триесет и тригодишникот одигра само 25 натпревари, само на два беше стартер.
Според Би-Би-Си, Вилсон имал неколку интересни понуди и од Премиер лигата и од МЛС, но конечната одлука била да се пресели во Вест Хем.
Спорт
Французите открија каква улога ќе има Новак во Ле Ман

Веста дека најдобриот тенисер на сите времиња, Новак Ѓоковиќ, ќе стане косопственик на францускиот второлигаш Ле Ман дојде како гром од ведро небо.
Еден ден подоцна, со оваа тема се занимаваше и францускиот „Лекип“, кој откива каква би била улогата на познатиот тенисер во овој клуб со богата традиција.
Ѓоковиќ се приклучи на бразилскиот фонд „Оутфилд“, кој е нов инвеститор во клубот од Ле Ман, треба да има улога на советник и амбасадор на клубот.
Додека присуството на Фелипе Маса и Кевин Магнусен, добро познати имиња од Формула 1, меѓу инвеститорите на фондот „Оутфелд“ е логично со оглед на историјата на градот Ле Ман и автомобилизмот, вклучувањето на Новак Ѓоковиќ отвора повеќе прашања, пишува „Лекип“.
Србинот доаѓа заедно со бразилскиот претприемач Георгиос Франгулис, партнер на светската тенисерка број 1 Арина Сабаленка и основач на брендот „Оукбери“, кој е присутен низ целиот свет.
Инвестицијата на Ѓоковиќ не е само финансиска или симболична, што се докажува со објавата што ја сподели со своите 16 милиони следбеници на Инстаграм во петокот. Педро Оливеира.
„Тој и другите спортисти ја делат нашата визија за овој проект. Тие ќе имаат советодавна улога, но ќе бидат и амбасадори на брендот. Фелипе и Кевин ќе градат врски со светот на автомобилизмот, додека Новак ќе го донесе својот шампионски дух, својот поглед на врвното натпреварување. Тој го сака фудбалот. Тој инвестира во фудбалски клуб за прв пат и е многу возбуден.“
Според „Лекип“, Гоме се надева дека легендата на светскиот тенис би можела да игра на егзибицискиот натпревар. Сепак, прославата се случува на средина од Мастерсот во Шангај, кој Ѓоковиќ го освои четири пати, но беше поразен од Јаник Синер (7:6, 6:3) во финалето минатата година…
Спорт
Дончиќ потпиша нов договор со Лејкерси

Словенечкиот кошаркар Лука Дончиќ ја продолжи соработката со Лос Анџелес Лејкерс.
Дончиќ потпиша договор вреден 165 милиони долари за три сезони.
Лејкерси чекаа до првиот ден кога можеа да му понудат договор (2 август) и го сторија тоа веднаш.
Во 28 натпревари, за Лејкерси по шокантниот трејд од Далас, Дончиќ забележа 28,2 поени, 8,1 скока, 7,5 асистенции и 1,6 украдени топки во просек за 35 минути на паркетот.
Во поразот од пет натпревари во плејофот против Минесота Тимбервулвс, тој имаше просек од 30,2 поени, седум скока, 5,8 асистенции и една украдена топка за 41,6 минути на паркетот.
„Тукушто потпишав продолжување на договорот со Лејкерси. Возбуден сум што ќе продолжам да работам за да освојам шампионска титула во Лос Анџелес и да ги направам навивачите горди. Благодарен сум на Лејкерси, на моите соиграчи и на сите навивачи кои ми покажаа толку многу љубов од првиот ден. Ова е само почеток“, напиша Дончиќ на социјалната мрежа „X“.