Спорт
Мајорка го суспендира капитенот – се пожалил што не играл против Реал

Мајорка го суспендираше Дани Родригез и му ја одзеде капитенската лента по дуелот со Реал Мадрид и целата сага што се одвиваше на социјалните мрежи.
Дани Родригез се пожали на Инстаграм затоа што не добил шанса да влезе во игра на гостувањето против Реал во Мадрид. Неговото семејство беше на трибините, а тој сакаше да биде виден на теренот на „Сантијаго Бернабеу“.
Мајорка објави соопштение во кое се наведува дека Родригез е суспендиран на неодредено време без плата и му е одземена капитенската лента. По натпреварот, Родригез објави фотографија од своето семејство на Инстаграм со коментар дека патувал во Мадрид со семејството и дека неговите деца се разочарани што тој не играл:
„Важна лекција и совет за нив: Никогаш не очекувајте ништо од другите, особено во денешно време на просечност кога нема почитување на напорната работа. Не очекувајте ништо за возврат. Правете сè сами и со страст“, напиша Родригез, кој исто така достави отворено писмо до медиумите.
Во писмото, тој наведува дека ја почитува одлуката на тренерот да не влезе во игра, но дека бил потресен затоа што неговите деца не може да разберат зошто нивниот татко не играл.
„Она што не можам да го прифатам е недостатокот на почитување на обврските и посветеноста.“
„Боли кога играч кој штотуку пристигнал, кој одработил еден тренинг, добива можност да игра пред оние кои се таму со години, кои ги бранат овие бои и кои се потат и покажуваат посветеност и секогаш го ставаат клубот на прво место, пред сè“, се вели во писмото.
Оваа забелешка се однесуваше на Јан Вирџилио, за кого Родригез рече дека се надева дека „ќе биде успешен и дека тимот може да му помогне“.
Foto/ EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Црвениот картон ќе го чини Екетике 600.000 евра

Ливерпул жестоко ќе го казни Уго Екитике, за црвениот картон во натпреварот против Саутемптон. Францускиот репрезентативец, го постигна голот за победа во третото коло во Лига купот, за да прослави го соблече дресот и доби жолт картон. Бидејќи веќе имаше еден, мораше да го напушти теренот.
Екитике нема да биде во протоколот за натпреварот со Кристал Палас во Премиер лигата. Англичаните тврдат дека Ливерпул ќе го казни со одземање на две неделни плати, во превод за црвениот картон ќе плати 600.000 евра.
„Секогаш е најдобро да ги контролираш емоциите, а ако не можеш, тогаш прави го тоа на начин што нема да доведе до жолт картон. Кога бев исклучен против Евертон минатата сезона, реков дека е глупаво, но ако добиеш црвен картон по жолтиот картон, тогаш тоа е и непотребно и глупаво“, рече менаџерот на Ливерпул, Арне Слот.
Ливерпул зз Екитике на Ајнтрахт му плати 80.000.000 евра, според договорот на годишно ниво неговата бруто плата изнесува 15.000.000 евра.
Фото/ Принтскрин
Спорт
Фреди Бобиќ втор пат го доби судскиот спор против поранешниот клуб

По речиси две и пол години правна битка, познатиот германски фудбалер Фреди Бобиќ конечно ја доби пресудата од Окружниот суд во Берлин. Судот одлучи дека Херта Берлин мора да му плати повеќе од 4 милиони евра, што го направи Бобиќ повторно победник во неговиот правен спор против клубот.
„Многу сум среќен што е донесена јасна и фер одлука. Се надевам дека ова е крај, но на Херта е да одлучи дали ќе биде крај. Ова можеше да биде решено многу порано со ист резултат“, рече Бобиќ по пресудата.
Овој случај датира од 2023 година, кога Бобиќ беше отпуштен од Херта, каде што ја извршуваше функцијата спортски директор. Во тоа време, тој не можеше ни да замисли дека тоа ќе стане долг правен процес во кој ќе бара исплата на неговата отпремнина.
За време на постапката, Херта се обиде да го оспори износот на отпремнината и да ја намали платата на Бобиќ за 40 проценти поради испаѓање во втората лига, но судот пресуди дека клаузулата во неговиот договор не е јасна. Барањата на клубот за дисквалификација на судијата и намалување на износот исто така беа одбиени.
Исто така, судот ги отфрли тврдењата на Херта дека Бобиќ открил доверливи информации или дека вербална закана кон новинар можела да биде причина за неговото отпуштање. Ова е веќе втор пат Бобиќ да го добие правниот спор против Херта, а судијата одлучи дека клубот мора да плати повеќе од 4 милиони евра.
Бобиќ ја започна својата кариера во Штутгартер Кикерс, а потоа играше за Штутгарт, Борусија Дортмунд, Хановер, Херта и Болтон Вондерерс, додека кариерата ја заврши во Риека. Во германската репрезентација одигра 37 натпревари и постигна 10 гола, а беше дел и од тимот што го освои Европското првенство во 1996 година.
Спорт
Лоши вести за Реал, Салиба го продолжи договорот со Арсенал

На големо разочарување на Реал Мадрид, Вилијам Салиба реши да остане во Лондон.
Арсенал успеа да постигне договор со стоперот од Франција и да ја продолжи соработката до 2030 година.
Реал Мадрид го таргетираше францускиот репрезентативец, со цел да го доведе следната сезона за малку пари, со оглед на тоа што неговиот договор со Арсенал истекуваше во 2027 година.
Сепак, „Топџиите“ реагираа брзо и му обезбедија на Салиба нов, петгодишен договор.
Заедно со Габриел, Французинот е единствениот стандарден играч во одбраната на Арсенал. Играчите на позициите лев и десен бек се менуваат, во зависност од тактичките барања на играта, но Микел Артета има целосна доверба во двајцата стопери.
Ова не е крајот на добрите вести за Арсенал. Конечните преговори во врска со продолжувањето на соработката со Букајо Сака се во тек. Англискиот репрезентативец исто така треба да остане на „Емирати“ во следните пет години.
Foto/ „X“