Спорт
Македонија без услугите на Лазаров, пак ја порази Грузија, 29-28

Македонската ракометна репрезентација денеска повторно славеше победа против селекцијата на Грузија на втората контрола во рамки на ЕХФ-неделата. Резултатот на мечот кој се одигра во Скопје, без присуство на публика беше 29-28.
Селекторот Данило Брестовац реши шанса да се докажат да им даде на помладите ракометари, па капитенот Кире Лазаров и втората контрола ја проследи од клупата.
„Сликата за секој репрезентативец е поширока, точно можам да видам кој колку може да придонесе. Така и ги поделив улогите, не само за овој и за наредниот собир туку и за подалечна иднина. Ќе продолжиме со теркот да имаме вака почесто собири и натпревари. Тоа е можност да се одигра на високо ниво, да се пробаат некои варијанти, можност да се отиде и чекор понапред“ – рече селекторот Брестовац по натпреварот.
На денешниот меч пријателски меч со Грузијците Филип Талески постигнал 7 гола, од кои 5 во првото полувреме.
Бекот Филип Кузмановски денеска не беше во составот, поради тоа што прави свадба. Присутен од репрезентативците на неговата свадбена веселба беше и крилото Дејан Манасков, кој исто така доби поштеда од селекторот.
ЕХФ-неделата на која Македонја одигра 4 меча, 2 со Грузија и по еден со Турција, односно Италија е дел од подготовките за ЕП 2020. Нашата репрезентација во јануари следната година во Виена, во групната фаза ќе ги одмери силите со Австрија, Чешка и Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Капитенот го напушта Тотенхем

Сон Хјонг-мин, капитенот и еден од најдобрите играчи на Тотенхем, е на излезната врата од лондонскиот клуб.
Според англиските медиуми, репрезентативецот на Јужна Кореја има понуда од Лос Анџелес, како и неколку покани од Саудиска Арабија.
Сон има договор со победникот на Лига Европа и за оваа сезона, а неговата вредност се проценува на 20 милиони евра.
Тој дојде во Тотенхем во 2015 година од Баер Леверкузен и е една од легендите на тимот од Северен Лондон. Одигра 333 натпревари во дресот на Тотенхем и постигна 127 голови.
Фото/ Принскрин
Спорт
(Видео) Браќата Морис ги предизвикаа браќата Јокиќ на бокс-меч

Браќата Маркис и Маркиф и предизвикаа браќата Јокиќ на пресметка во ринг.
Ссемејствата Јокиќ и Морис не се трпат од пред четири години, кога Никола се судри со Маркиф во натпревар против Мајами Хит.
Потоа, по натпреварот, Маркус застана во одбрана на својот брат и му се закани на Србинот на социјалните мрежи, за браќата на Никола, Страхиња и Немања, да креираат профил за да му одговорат на Морис.
„Маркус, требаше да дозволиш да биде како што е, наместо јавно да му се закануваш на нашиот брат. Твојот брат беше првиот што почна да игра валкано. Ако сакаш да направиш чекор понатаму, биди сигурен дека ќе те чекаме. Браќата Јокиќ“.
Оттогаш, тензиите продолжуваат секогаш кога Нагетс ќе се сретнат со тимовите за кои играат браќата Морис, кои сега тие смислија нова идеја.
Гостувајќи во еден подкаст, Маркиф и Маркус ги предизвикаа браќата Јокиќ да влезат во ринг и таму да се соочат.
„Колку се поголеми, толку посилно паѓаат. Но, ние сме големи. Па, јас сум поголем од нив“, рече Маркиф, а Маркус се согласи, и заедно рекоа дека ги предизвикуваат Страхиња и Немања на бокс меч.
The Morris twins say they’re willing to do a boxing match against the Jokic brothers 😳
“The bigger they are, the harder they fall. We big too.” 👀
(🎥 @bigpodwithshaq / https://t.co/xlVhD8nvp2) pic.twitter.com/KsYv5CBzJ4
— NBACentral (@TheDunkCentral) July 24, 2025
Браќата на Никола Јокиќ, Страхиња (43) и Немања (40) се високи околу два метра, Маркиф е висок 206, а Маркус 203 сантиметри.
Моментално, двајцата се без НБА клуб по 14 години, па сега би сакале малку да боксуваат со браќата Јокиќ.
Фото/ Принскрин
Спорт
Расел: Мерцедес преговараше со Ферстапен

Возачот на Мерцедес, Џорџ Расел, отворено зборуваше за преговорите на германскиот тим со четирикратниот светски шампион Макс Ферстапен.
Шефот на тимот на Мерцедес, Тото Волф, по отпуштањето на Кристијан Хорнер од Ред Бул, ја отфрли можноста Ферстапен да се пресели во „Сребрените стрели“.
На прашањето дали откривањето на разговорите е дел од играта на Мерцедес, Расел одговори: „Тоа е сериозна теорија на заговор!“
„Имаше преговори. И тоа е во ред. Сите зборуваат. Постојат и долгорочни перспективи. За возачите и тимовите, тие не размислуваат само за следната година, туку за две, три, четири, пет години однапред. Сè се менува брзо. Знам дека сè додека возам добро, немам за што да се грижам. Но тоа не значи дека останувам, не останувам или дека се случува нешто конкретно. За мене, последните неколку месеци беа интересни во однос на тоа како го обработив сè она што се случуваше“, рече Британецот и дополни.
„Сега решив едноставно да не се грижам за тоа. Знам дека сè додека возам брзо на патеката, тоа е најважното нешто. Што и да се случи, ќе се случи“, рече Расел.
Расел ќе има можност повторно да се докаже на патеката Спа Франкошамп, каде што ќе се одржи нова трка во календарот на Формула 1.
Foto/ EPA