Спорт
Македонија има 11 отсто шанси за директен пласман на СП, 24 отсто шанси за место во баражот

Фото/ ffm.mk
По четвртфиналните натпревари од Лигата на нациите, шпознат е конечниот изглед на квалификациските групи во европската зона за пласман на Светското првенство во 2026 година.
Популарната платформа „Фудбал Митс Дејта“, даде проценка како ќе изгледа конечниот пласман во квалификациските групи.
За нас најинтересна е прогнозата за Ј групата, во која покрај Македонија партиципираат и Белгија, Велс, Казахстан и Лихтенштајн. Македонија во саботата со победа кај аутсајдерот Лихтенштајн ги започна квалификациите.
Македонија има 11 отсто шанси дс го освои првото место во групата, а 24 отсто да избори пласман во баражот за Мундијалот во САД, Канада и Мексико. Според „Фудбал Митс Дејта“, Македонија има 48 отсто шанси да го освои третото место во групата.
Логично, според рејтингот Белгија е најголем фаворит во групата. Белгија има 55 отсто шанси да го освои првото место, наспротив Велс (33 отсто). Предвидувањата на платформата се дека, кога се работи за второто место Белгија има 31, а Велс 42 отсто шпанси.
Најголеми шанси за директен пласман на СП има Шпанија (85 отсто), потоа Германија (84 отсто), Франција (82 отсто), Холандија (82 отсто), Португалија (81 отсто), Англија (73 отсто), Австрија (70 отсто), Хрватска (68 отсто), Италија (58 отсто), Белгија (55 отсто)…
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ред Бул го донесе Цунида, Лосон го испрати во Рејсинг Булс

Тимот на Ред Бул го испрати возачот Лијам Лосон во својот втор тим Рејсинг Булс и на негово место го донесе Јапонецот Јуки Цунода, објавено е на официјалната веб-страница на Формула 1.
Цунода дојде од другиот тим на Ред Бул, Расинг Булс. Јапонскиот возач ќе биде нов тимски колега на актуелниот шампион Холанѓанецот Макс Ферстапен во Ред Бул. Лосон ќе вози за тимот на Рејсинг Булс со Исак Хаџар од Франција.
Лосон го замени Мексиканецот Серхио Перез во тимот на Ред Бул пред почетокот на сезоната.
Сепак, тимските челници решија да го заменат Лосон по две трки, незадоволни од резултатите на возачот од Нов Зеланд на почетокот на сезоната во Ф1.
Лосон не ја заврши трката за ГН на Австралија, додека Кинеското ГП го заврши на 12-та позиција.
„Беше тешко да се гледа како Лиам се бори со „РБ21“ за време на првите две трки и како резултат на тоа колективно донесовме одлука да направиме промена. Влеговме во сезоната 2025 со две амбиции, да ја задржиме титулата кај возачите и да ја освоиме титулата кај конструкторите, а ова е чисто спортска одлука“, рече директорот на тимот на Ред Бул, Кристијан Хорнер.
Следната трка во Ф1 шампионатот ќе се вози на 6. април за Големата награда на Јапонија.
Спорт
Анчелоти (повторно) преговара со Фудбалската федерација на Бразил

Карло Анќелоти (65), еден од најтрофејните тренери во историјата, кој го предводи Реал, повторно преговара со Бразилската фудбалска федерација за преземање на националниот тим. Ова го објави бразилскиот медиумски гигант „Глобо“.
„Анчелоти побара да не се разговара за конкретни работи пред завршувањето на Светското клупско првенство, кое завршува во средината на јули“.
Информациите на Бразилците ги потврди и шпански „Релево“: „Бразил повторно стапил во контакт со Анчелоти. Евентуален трансфер би се случил по Светското клупско првенство“.
Анчелоти е долгогодишна желба на Бразил, уште од Светското првенство во 2022 година, кое „кариоките“ го заврши во четвртфиналето. Оттогаш Бразилците неуспешно се обидуваат да ангажираат големо тренерско име, а репрезентацијата цело ова време бележи слаби игри и резултати, што е видливо и во актуелните мундијалски квалификации.
Бразилската федерација веќе преговараше со Анчелоти, но тој остана во Реал. Ова е негов втор ангажман во клубот и започна во летото 2021 година. Првиот траеше од 2013 до 2015 година.
Спорт
ПСЖ формира кошаркарски клуб и веднаш станува дел од НБА лигата

НБА започна официјални преговори со Qatar Sports Investments (QSI), сопственик на фудбалскиот гигант ПСЖ, за можноста за основање НБА франшиза во Париз.
Како што пишува францускиот весник „Ле Паризијен“, во игра се две опции, преземање на постоечкиот кошаркарски клуб Париз или формирање на целосно нов тим, кој би имал поддршка од моќни инвеститори од Катар.
Преговорите се во тек, а ПСЖ накратко го потврди интересот за учество во овој историски проект.
„Покажавме интерес“, изјави портпаролот на клубот.
За потсетување, челниците на НБА, наводно, веќе имаат јасна визија на кои 11 градови потенцијално би се проѓирила лигата во Европа.
Андреас Заглис, првиот човек на ФИБА, се очекува да присуствува на претстојниот состанок на Бордот на гувернери на НБА, на кој ќе се разговара на оваа тема.
НБА ги избра следните градови: Мадрид, Барселона, Минхен, Берлин, Париз, Лондон, Манчестер, Милано, Рим, Истанбул и Атина.