Спорт
Македонија напладне ги чека ривалите за ЕВРО 2024
![](https://makfax.com.mk/wp-content/uploads/2022/10/makedonija-timska-so-bugarija.jpg)
Фудбалската репрезентација на Македонија денеска напладне ќе ги добие ривалите во квалификациите за ЕВРО 2024. На ждребот во Франкфурт, нашиот национален тим е сместен во четвртиот барабан.
Натпреварите ќе се играат од март до ноември следната година.
Ќе има десет групи, седум со по пет репрезентации, а три со шест. Познато е дека првите две екипи од секоја група ќе изборат пласман на ЕВРО 2024 година.
Барабан 1: Холандија, Хрватска, Шпанија, Италија, Данска, Португалија, Белгија, Унгарија, Швајцарија, Полска
Барабан 2: Франција, Австрија, Чешка, Англија, Велс, Израел, БиХ, Србија, Шкотска, Финска
Барабан 3: Украина, Исланд, Норвешка, Словенија, Р. Ирска, Албанија, Ц. Гора, Романија, Шведска, Ерменија
Барабан 4: Грузија, Грција, Турција, Казахстан, Луксембург, Азербејџан, Косово, Бугарија, Ф. Острови, МАКЕДОНИЈА
Барабан 5: Словачка. С. Ирска,Кипар, Белорусија, Литванија, Гибралтар, Естонија, Летонија,Молдавија, Малта
Барабан 6: Андора, Сан Марино, Лихтенштајн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Страхиња Стојачиќ, нашата цел на ОИ е злато
![](https://makfax.com.mk/wp-content/uploads/2024/07/str.jpg)
Репрезентацијата на Србија во кошарка 3х3 на Олимписките игри во Париз ќе ја претставуваат Страхиња Стојачиќ, Дејан Мајсторовиќ, Михаило Васиќ и Марко Бранковиќ.
Најдобриот светски кошаркар Страхиња Стојачиќ изјави дека за него е голема чест што ја претставува Србија и дека очекувањата се големи.
Фиба на социјалните мрежи објави дека Србија на Олимписките игри во Париз ќе ја претставува истата репрезентација која претходната година ги освои Светските и Европските првенства.
„Секако е голема чест и привилегија да се претставува Србија на ваков натпревар. Ова е најголемиот настан на кој учествуваат најдобрите спортисти и убаво е да се биде меѓу нив“, изјави Стојачиќ.
Најдобриот светски кошаркар Страхиња Стојачиќ изјави дека репрезентацијата има најголема цел и дека ќе даде се од себе да ги исполни.
„Целта е јасна, одиме на златен медал, и ќе дадеме се од себе да ја оствариме. Прво ќе ја одработиме групната фаза според планираното , ќе се потрудиме да бидеме на првите две места и да се пласираме директно во полуфиналето.
Србија во Париз ќе игра во група со САД, Литванија, Кина, Холандија, Франција, Летонија и Полска.
Српските кошаркари освоија бронзен медал на претходните Игри во Токио во 2021 година.
Игрите во Париз ќе се одржат од 26 јули до 11 август.
Спорт
Напаѓачот, секогаш сигурен во себе
![](https://makfax.com.mk/wp-content/uploads/2024/07/toni.jpg)
Поранешниот англиски репрезентативец Бен Фостер зборуваше за пеналот на Иван Тони против Швајцарија.
Напаѓачот на Брентфорд беше сигурен при изведувањето на пенали и начинот на кој го изведе пеналот привлече внимание.
„Тој прави да изгледате како да не е тука. Додека стоите и гледате во него, тој ве гледа и оди кон топката“, рече Фостер и додаде:
И тогаш си мислиш: „Знаеш ли што правиш овде?“. Потоа тој повторно те чека додека да донесеш одлука. Мора да имате самодоверба за да го направите тоа“, а тој навистина ја има.
Во 2020 година, на натпреварот помеѓу Брентфорд и Ватфорд, Тони така и го изведе пеналот, а на голот беше Фостер
Спорт
Необична приказна за големите гиганти
![](https://makfax.com.mk/wp-content/uploads/2024/07/pivo.jpg)
Полуфиналните двојки на Европското првенство во Германија се Шпанија – Франција и Холандија – Англија.
Покрај приказната за борбата на европските гиганти за шампионската титула, во фокусот се најде и една несекојдневна, која не е поврзана со фудбалот.
Англичаните и Холанѓаните својот меч го играат во домот на Борусија, Дортмунд. A холандскиот новинар Марсел ван дер Краан за „Sky Sports“ носи необична информација која веројатно ќе ги загрижи двете навивачки бази лоцирани во тој град.
Имено, се проценува дека на денот на натпреварот во Дортмунд ќе се испијат приближно 1,2 милиони пива.
Тој додава дека се очекуваат меѓу 80 и 85 илјади холандски навивачи, што е нивна најголема инвазија досега.
„Имаме страв дека ќе снема пивото“, рече новинарот, а потенцираше и дека фан зоните го немаат капацитетот што се очекува од здружените навивачи на двата тима.
Извесно е дека нема сите да бидат на стадионот, но атмосферата на плоштадите ќе биде вжештена.
Натпреварот е закажан за в среда 10.07.2024. во 21 часот.