Изминатиот викенд Берово три дена живееше во духот на спортот и музиката. Успешно заврши третиот меѓународен турнир во пинг понг Зегин Опен 2024 година.

И оваа година сите учесници на турнирот си заминаа со прекрасни спомени и одлични впечатоци од организацијата и дочекот од страна на домаќинот и организатор на овој голем меѓународен настан – компанијата Зегин.

Дека од година во година овој настан зема помасовни размери докажува и фактот што оваа година Зегин Опен беше домаќин на 11 земји учеснички. Покрај Македонија, учество земаа и Аргентина, Косово, Бугарија, Киргистан, Србија, Турција, Украина, Грција, Германија, Хрватска и Белорусија.

Натпреварите се одржуваа во повеќе категории и тоа:

Ветерани- од 40-49 години
Ветерани- од 50-59 години
Ветерани- од 60-69 години
Ветерани- 70+
Сениори- апсолутна категорија
И за младите категории 13, 15 и 19 години

Хрватите Јосип Хузјак и Ивана Милобабиќ се победници во сениорска конкуренција. Милобабиќ на турнирот во Берово доаѓа по неодамнешното учество на Олимписките игри во Париз и е една од најеминентните пингпонгарски имиња кои настапиле на Зегин Опен.

Турнирот беше инспирација и за претставникот на Киргистан, Сапарбаев кој помина 6000 километри со својот автомобил за да учествува на меѓународниот настан.

Оваа спортска манифестација дополнително беше збогатена со музичка програма. Во саботата на плоштадот во Берово групата Некст Тајм за сите Беровчани и учесници во турнирот одржа концерт во чест на Зегин Опен.

Зегин Опен е настан кој се одржува еднаш годишно, но за него се зборува цела година!

ПР

Баерн Минхен во следните неколку дена ќе ги интензивира преговорите за продолжување на соработката со Џошуа Кимих и Џамал Мусијала.

Макс Еберле, спортскиот директор на Баварците, истакна дека и двајцата фудбалери се подеднакво важни за клубот и дека повеќекратниот европски шампион ќе направи се што е во нивна моќ да ги задржи и двајцата.

Поминувајќи низ школите на Саутемптон и Челзи, како и помладите репрезентативни селекции на Англија, 21-годишниот Мусиала дојде во Баерн во 2020 година и има договор до јуни 2026 година. Најчесто Мусиала се поврзува со Манчестер сити.

Осум години постариот Кимих е во Баерн од 2015 година кога го напушти Лајпциг, а последните две години се поврзува со Барселона.

Баерн со три победи во три натпревари ја отвори новата сезона во Бундеслигата, вечерва од 21 часот, во Минхен го игра натпреварот од првото коло во Лигата на шампионите против Динамо Загреб.

Пред почетокот на новата сезона од Лигата на шампионите во новиот формат, се случи несекојдневна ситуација во Минхен, пред дуелот помеѓу Баерн и Динамо Загреб.

Челниците на баварскиот гигант им забранија на играчите на Динамо да тренираат на теренот каде вечерва од 21 часот ќе го одиграат натпреварот од првото коло во елитното натпреварување.

Причината е многу лошата состојба на теренот на „Алијанц арената“, кој датира од Европското првенство кое заврши пред два месеци.

Хрватските медиуми пренесуваат дека теренот е полн со дупки и прилично нерамен и затоа Баерн не дозволи гостите да тренираат на овој терен.

Баерн двапати ја менуваше подлогата од полуфиналето на ЕП на 10 јули, но тоа не помогна, бидејќи високите температури ја уништија тревата.

Затоа Динамо не тренираше во Минхен, туку тоа го направи во текот на денот во Загреб, а во вечерните часови во понеделник играчите можеа само да се фотографираат на стадионот.