Спорт
Македонија не издржа во Варшава, Полска се пласираше на ЕУРО 2020 (Видео)
Македонската фудбалска репрезентација вечерва загуби во Варшава од Полска 2-0 (0-0) во рамките на осмото квалификациско коло за пласман на ЕУРО 2020. Полјаците со оваа победа си обезбедија место на континенталниот шампионат.
Македонија немаше сила да и се спротивстави на Полска. Носени од 60.000 публика Полјаците во текот на целиот меч го контролираа ритамот на играта, а прашањето на победникот го решија во периодот од 74 до 80 минута.

Првиот дел мина во знакот на Полајците кои имаа само една сериозна шанса за гол. Зјелински во 17 минута ја погоди гредата од изгледна позиција. Имаа Полјаците до крајот на првиот дел уште неколку опасни напади но без сериозна закана кон Димитриевски.
Македонија добра можност имаше во 33 минута кога обидот на Алиоски го одбрани Шчешни.
Слично се одвиваше натпреварот и во вториот дел, Полска напаѓаше, а Макеоднија шансата ја чекаше преку контра-нападите.
Левандовски во 49 минута го затресе дирекот.

Клучни за конечниот исход се покажаа измените што ги направи полскиот селектор Брзичек. Франковски погоди во 74 минута, а на теренот влезе 30 секунди пред да го постигне голот.
Во 80 минута и вториот играч што влезе во игра постигна гол. Милик од 23 метри постигна брилијантен гол.
Во пресрет на последните две кола Полска има 19 бода, три повеќе од Австрија која победи во Словенија 1-0. Македонија и Полска останаа на 11 бода.
Македонија во ноември ќе гостува кај Австрија и ќе го пречека Израел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА го суспендира Престијани
Џанлука Престијани е суспендиран за реваншот од плејофот на Лигата на шампионите против Реал Мадрид.
Денес, УЕФА потврди во официјално соопштение дека фудбалерот на Бенфика е суспендиран поради истрагата што е започната против него.
Познато е дека Винисиус Жуниор го обвини Аргентинецот дека го навредувал на расна основа, УЕФА веднаш започна истрага, и иако таа не е завршена, има право да го суспендира, што го искористи.
УЕФА се повика на правилото од својот правилник дека може да суспендира играч против кого се води истрага, а Престијани нема да може да му помогне на својот тим, во реваншот во Мадрид.
Натпреварот Реал – Бенфика е закажан за среда во 21:00 часот.
Foto/ EPA
Спорт
Берокал: Привилегија е да бидам селектор на Македонија
Од денеска, и официјално, шпанскиот стручњак, Жозеп Мариа Берокал е селектор на машката сениорска репрезентација на Македонија.
Новиот македонски селектор веќе почна со работа, одржа два тренинга и ги изнесе своите први импресии пред претставниците на медиумите:
„Ви благодарам за можноста да бидам тука, привилегија е да бидам селектор на Македонија. Знам дека е краток периодот за подготовки, но во овие само два тренинга со репрезентацијата, видов дека има голем простор за напредок.
Мислам дека треба да размислуваме на долги патеки, да го унапредуваме тимот и важно е за иднината, кои млади играчи ќе доаѓаат во националниот тим“.
Берокал ги објасни „конекциите“ преку кои дојде до стартот на оваа, сите се надеваат, долгорочна соработка:
„Што се однесува до македонската кошарка, поврзан сум со неа преку Владо Илиевски, му бев тренер пред 23 години. Некои од играчите во репрезентацијата ги познавам, му бев тренер на Војдан Стојановски во Украина, некои ги знам од Шпанија.
Среќен сум, знам дека на почетокот нема да биде лесно, ќе биде долг процес, но ќе се обидеме да направиме максимум од овие играчи.
Кое ќе биде нивото што ќе го достигнеме, не знам, но верувам во сите. На кошаркарите им реков дека треба да се натпреваруваат сами со себе, да бидат подобри, да имаат шампионски менталитет. Да не гледаме премногу далеку во иднината, да се фокусираме на она што ни претстои“ – рече Берокал на денешната промоција.
Извор и Фото/ mkd.basketball
Спорт
Дика Адвокат повеќе не е селектор на Курасао
Холанѓанецот Дик Адвокат денес поднесе оставка од функцијата тренер на фудбалската репрезентација на Курасао. Оставката, познатиот тренер ја поднесе поради здравствените проблеми на неговата ќерка. Адвокат нема да го води тимот на претстојното Светско првенство.
„Секогаш велев дека семејството е пред фудбалот и затоа ова е природна одлука. Но, тоа не го менува фактот дека многу ќе ми недостига Курасао, луѓето таму и моите колеги“, рече адвокатот во соопштението на Фудбалската асоцијација.
На клупата ќе го замени сонародникот Фред Рутен, кој претходно ги тренираше Твенте, ПСВ, Феенорд и Шалке.
Адвокат го предводеше Курасао до историскиот пласман на Светското првенство, откако тимот го освои првото место во квалификациската група.
Курасао, карипски остров под автономија на Холандија, стана најмалата нација по население што се квалификуваше за Светското првенство, на кое ќе учествува за прв пат.
„Го сметам пласманот на најмалата земја во светот на Светското првенство за еден од најважните моменти во мојата кариера. Горд сум на моите играчи, соработници и членови на Федерацијата кои веруваа во нас“, рече 78-годишниот тренер.
Foto/ depositphotos

