Ко-сопственикот на Манчестер јунајтед, Џоел Глејзер одговори на отвореното писмо од навивачките групи на клубот, согласувајќи се да ја разгледа опцијата навивачите да бидат делумни сопственици на клубот и најавувајќи инвестиции на „Олд Трафорд“.

Трастот на навивачи на Манчестер јунајтед (МУСТ) му дадоа рок до петок на Глејзер да одговори на нивните барања, поставувајќи четири точки на кои мора да се работи за „интересите на клубот“. Тие бараа нова структура на сопствеништво, вклучувајќи независни директори, дозвола на фановите да гласаат и консултации за големи промени во клубот.

Глејзер одговори со долго писмо во кое се согласува со дел од нивните барања.

„Ги прочитав сите коментари и се познава вашата љубов и страст за клубот. Сакам да отворам јасен канал на консултации меѓу фановите и клубот, а како што кажав и јавно, сакам ова врска да биде посилна. Вашето писмо го улови уникатниот дух на Манчестер јунајтед, создаден со децении триумфи, но и трагедии, кој уште се гледа во сегашниот возбудлив тим на Оле и големиот број на навивачи. Искрено се извинувам за грешките кои беа направени со Европската Суперлига и ја сфаќаме потребата за промени, со консултација со навивачите. Сакам да ве уверам дека моето семејство и јас се грижиме за Манчестер јунајтед и имаме одговорност да работиме за долгорочната иднина на клубот, во исто време грижејќи се за историјата и традицијата. Врвниот приоритет останува натпреварувањето за најголемите трофеи, играње на возбудлив фудбал со тим составен од врвни засилувања и домашен талент. Сфаќаме дека мора да инвестираме на ‘Олд Трафорд’ и во тренинг  центарот, и за тоа ќе се консултираме со вас“, пишува Глејзер.

Рафаел Надал нема да се бори за својата шеста титула од Мадрид опен, откако Александер Зверев во фантастичен меч со 6:4/6:4 го изненади светскиот рекет број 2 и закажа полуфинале со Австриецот Доминик Тим, кој се намачи за 3:6/6:4/6:4 победа над Американецот Џон Изнер.

Овој резултат значи дека од понеделник, Надал ќе го загуби второто место на АТП листата од Русинот Данил Медведев, и не е совршена подготовка пред походот по 13-та титула од Ролан Гарос.

На силното сонце во Мадрид, Надал првиот сет го започна одлично и направи брејк за 4:2 водство, но Германецот се врати веднаш со рибрејк, и потоа освои четири последователни гема за да го запечати првиот сет. Надал, конечно, освои гем за 1:1 во вториот сет, но потоа неговото ниво на игра падна и Зверев направи брејк за импресивна победа.

Во другите два четвртфинални дуели играат Кристијан Руд и Александер Бублик, односно Матео Беретини и Кристијан Гарин.

Ако минатата трка во Португалија не беше доволен показател, Мерцедес уште еднаш покажа дека ќе биде многу тешко да се симне од тронот оваа сезона, откако Луис Хамилтон постави најдобро време на вториот тренинг пред Шпанското ГП, пред својот колега Валтери Ботас (кој беше прв во првата сесија), додека главниот ривал, Макс Ферстапен во Ред бул беше само на деветтото место.

Хамилтон постави најдобар круг од 1:18.170, за 0.139 секунди побрз од Ботас, по што неочекувано на третото место беше Шарл Леклер во Ферари со 0.165 секунди заостанување. Во топ 5 беа и двајцата возачи на Алпине, Естебан Окон и Фернандо Алонсо.

Во топ 10 беа и Пјер Гасли (Алфа Таури), Јуки Цунода (Алфа Таури) и Карлос Саинс Јуниор (Ферари), по што следуваа двајцата возачи на Ред бул, Ферстапен и Серхио Перез.

FP2 CLASSIFICATION 👀#SpanishGP 🇪🇸 #F1 pic.twitter.com/2Njb6vRUvw

— Formula 1 (@F1) May 7, 2021