Спорт
(Видео) Mакедонија пред промоција во Б дивизијата во Лигата на нации
Фудбалската репрезентација со две победи го заокружи октомврискиот циклус во Лигата на нации.
Вечерва во Ереван, Македонија ја победи Ерменија со 2-0. Головите ги постигнаа Миовски во 72. и Алими во 85.минута.
Ова беше осма победа на Македонија во 15.пресметка со Ерменија.
Со победата над Ерменија, Македонија речиси обезбеди пласман во Б дивизијата во Лигата на нации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Македа како Луис Суарез, среде натпревар го гризна противникот
Ракометното дерби на Полска, мечот меѓу љубителите на ракометот меѓу Висла Полок и Киелце и етикетиран како „света војна“ повторно е во центарот на вниманието, не поради играта туку поради инцидентите што се случија. Поранешниот играч на Вардар, Хорхе Македа доби син картон што значи дека мора да паузир на еден натпревар, но веројатно ќе добие поголема казна.
Осмото коло од ракометната Суперлига на Полска им донесе задоволство на ракометните фанови, големо дерби во кое Висла го победи вечниот ривал со 29:25. За самиот ракомет најмалку се зборува после натпреварот.
Дури 21 исклучување имаше на овој натпревар, а беше покажан и син картон, најстрога казна во ракометот. Синиот картон го доби играчот на Кјелце, Шпанецот Хорхе Македа, кој го гризна ривалот Мирсад Терзиќ на теренот, во текот на натпреварот. Судиите беа блиску кога Македа го гризна Терзиќ, а синиот картон му беше покажан по видео проверка на ситуацијата.
Maqueda apparently just bit Terzic – and got the blue card after a video review.
🎥: Polsat#handball pic.twitter.com/ydSITScy4v— Rasmus Boysen (@RasmusBoysen92) October 13, 2024
По мечот, кај записничката маса се скараа и двајцата тренери, легендарните Чаби Сабате и Талант Душебаев.
Тренерот на Висла, Чави Сабате подоцна на прес-конференцијата изјави дека бил пллукнат од неговиот колега од Кјелце. Додека Талант Душебаев, рече дека Сабате му рекол дека е „еб.н Кинез“.
Panie Tałancie dlaczego Pan tak się denerwuje zawsze jak przegrywacie mecz? Sędziowie źle gwizdali? o co chodzi?? pic.twitter.com/lwyVMP7FaC
— Hubert (@hubertklimektt) October 13, 2024
Спорт
Кенијка постави нов светски рекорд во Чикаго: „Многу сум горда на себе, работев напорно“
Кениската атлетичарка Рут Чепнгетич победи на маратонот во Чикаго и постави нов светски рекорд.
Чепнгетич победи за два часа, девет минути и 57 секунди, соборувајќи го рекордот на Тигист Асефа од Етиопија од 2:11,53 секунди.
„Се чувствувам одлично. Многу сум горда на себе, работев напорно за победата и светскиот рекорд. Ми се оствари сонот“, изјави Чепнгетич.
Тоа е втор светски рекорд во последните две години на маратонот во Чикаго, откако лани најдобриот резултат го постави Кениецот Келвин Киптум, кој загина во сообраќајна несреќа во февруари.
„Овој светски рекорд му го посветувам на Келвин Киптум, бидејќи можеби ќе можеше да ја одбрани титулата и повторно да постави нов рекорд. Овој светски рекорд се враќа во Кенија. Многу сум среќна, не знам како да го искажам тоа“, рече Чепнгетич.
Таа додаде дека добро се подготвила за оваа трка.
„Оваа година времето беше совршено. Бев подобро подготвен, се подготвував уште од Лондон. Овој светски рекорд ми беше целта“, изјави 30-годишната Кенијка.
Второто место на денешната трка го зазеде Сутуме Кебеде од Етиопија со седум минути и 36 секунди заостанување, а трета беше Кенијката Ирина Чептај со 2:17.51.
Во машка конкуренција победи Кениецот Џон Корир со време од 2:02.43 часа.
Спорт
Ѓоковиќ: Планирам да се натпреварувам и да играм и следната сезона
Српскиот тенисер Новак Ѓоковиќ изјави дека планира да се натпреварува и игра и следната сезона и додаде дека е задоволен од годината иако не освои ниту еден грен слем куп, но освои злато на Олимписките игри во Париз.
„Во однос на резултатите, ова беше една од најлошите сезони. Во одреден момент мораше да има година кога не освоив Грен слем и не можев да го задржам тоа високо ниво по толку многу години. И тоа е во ред, среќен сум со златниот медал на Олимпијадата, тоа беше мојата главна цел оваа година. Се разбира, би сакал да го освојам грен слем, но тоа е тоа“, изјави 37-годишниот Ѓоковиќ на прес-конференција по поразот од Јаник Синер во финалето на Мастерсот во Шангај.
Синер го совлада Ѓоковиќ, но Србинот смета дека имало и добри моменти во неговата игра.
„Мислам дека има некои позитивни работи што можам да ги извлечам. Прво, моето ниво на тенис беше навистина добро на овој турнир, веројатно најдоброто од Олимпијадата во однос на тоа како се чувствував, како играв, како се борев. Денеска направив сè што можев, но Синер заслужи да победи во важните моменти. Исто така, мислам дека одиграв прилично добро во финалето, што ми дава причина да верувам дека сè уште можам да играм против овие момци кои се најдобри во светот. Се надевам дека ќе го задржам тоа ниво во наредните месеци и во иднина“, додаде Ѓоковиќ.
Освојувачот на 24 грен слем купови сака да биде на врвот и следната година.
„Сакам да бидам во позиција да играм против најдобрите во светот на најголемите сцени. Тоа е она за што работам и зошто сè уште ги поместувам моите граници. Не знам што ќе донесе иднината, ќе се обидам да се адаптирам, но сепак планирам да се натпреварувам и да играм следната сезона, ќе видиме до каде ќе стигнам“, додаде Ѓоковиќ, пренесува „Танјуг“.