Синер победи против Ѓоковиќ по нешто повеќе од еден час и повремен тенис, во сетови – 7:6, 6:3. Со оваа победа Италијанецот и дефинитивно потврди дека е најдобриот тенисер на планетата, откако неколку дена претходно го обезбеди првото место на АТП-листата.

Шангај му е 17-та титула во кариерата, а четврта во серијата Мастерс 1.000, додека Ѓоковиќ допрва ќе треба да ја чека 100-та титула откако влезе во професионалните води.

Покрај тоа, Синер сега трет пат во низа го победи Ѓоковиќ, по Дејвис купот и Австралија опен и израмни на 4-4. Тој од понеделник ќе има 11.920 бодови во рангирањето, дури 4.700 повеќе од првиот вицешампион Карлос Алкараз, додека Србинот со финалето во Шангај го обезбеди четвртото место.

Маурисио Покетино успешно го започна мадатот на клупата на Соединетите Американски Држави.

САД ја совлада Панама со 2:0 во пријателски натпревар.

Поранешниот тренер на Тотенхем, ПСЖ и Челзи со овој меч официјално дебитираше на клупата на Америка.

Четата на Покетино до победата ја предводеа Јунус Муса и Рикардо Пепи, кои ги постигнаа головите.

„Многу добро чувство. Беше навистина тежок натпревар за нас. Малку по малку градиме нешто. Целта е 2026 година, но мислам дека сме среќни бидејќи бевме солидни, со многу професионални перформанси. Ова е само првиот чекор“, рече Покетино.

На Американците сега им претстои уште еден подготвителен дуел, против Мексико на 16 октомври.

Двајца играчи на Ливерпул, најдобриот стрелец Мохамед Салах и капитенот Вирџил ван Дајк се вратија во клубот порано од планираното.

И двајцата ги напуштија своите репрезентации Холандија и Египет, но од различни причини, јавува Би-Би-Си.

Капитенот на портокаловите, Ван Дајк, доби црвен картон на крајот од натпреварот против Унгарија во третото коло од Лигата на нации на УЕФА.

Тоа автоматски значи дека тој нема право да игра за Холандија во понеделник против Германија, па поради тоа предвреме го напушти репрезентативниот табор.

Капитенот на Египет, Мо Салах постигна гол во петокот во победата од 2-0 над Мавританија во квалификациите за Купот на африканските нации. Се очекуваше тој да го игра реваншот во вторник, но доби зелено светло порано да се врати во клубот.

Тоа е добра вест за менаџерот на Ливерпул, Арне Слот пред неделното дерби од осмото коло во Премиер лигата со Челзи на „Енфилд“.

„Црвените“ моментално се први на табелата со 18 бодови, еден повеќе од Манчестер Сити и Арсенал.