Спорт
Македонија во третиот шешир во квалификациите за СП 2026

Фудбалската репрезентација на Македонија од третиот шешир ќе ги чека противниците во кавлификациите за пласман на Светското првенство цо 2026 година, чии домаќини ќе бидат САД, Мексико и Канада. Ждрепката ќе се одржи на 13.декември во Цирих.
УЕФА го промени квалификацискиот систем, бидејќи Европа ќе обезбеди 16 претставници за следното Светско првенство. Затоа во квалификациите ќе има 12 групи, победниците ќе одат директно во САД, Мексико или Канада, додека сите второпласирани ќе играат плеј-оф со четирите најдобри селекции од Лигата на нации, од кои четири ќе изборат пласман на Мундијалот.
Шеширите за квалификациската ждрепка ќе бидат одредени кога ќе се одигра последниот натпревар од Лигата на нации.
Најдобрите осум репрезентации од А-дивизијата во Лигата на нации влегуваат во првиот шешир, заедно со четирите преостанати најдобро пласирани тимови на ФУФА листата. Многу генијален систем, па Англија сигурно ќе биде во првиот шешир, иако е во Лигата на нации во Б-дивизијата, со оглед на тоа што го зазема четвртото место на ФИФА листата.
Во пресрет на последниот циклус од Лигата на нации, 38 од 54 земји кои ќе играат во квалификациите веќе знаат во кој шешир ќе ја чекаат ждрепката.
Носители ќе бидат: Франција, Шпанија, Англија, Белгија, Холандија, Португалија, Италија, Германија и Хрватска.
Според проекцијата, најблиску до првиот шешир се Швајцарија, Данска (поради рангирањето на ФИФА) и Австрија.
Во вториот шешир сигурни се само четири репрезентации: Украина, Турција, Шведска и Велс.
Според проекцијата во вториот шешир ќе бидат: Унгарија, Србија, Полска, Грција, Словачка, Романија, Чешка и Норвешка.
Покрај Македонија сигурни во третиот шешир се: Република Ирска, Финска, Грузија, Албанија, Исланд, Северна Ирска и Црна Гора.
Проекцијата вели дека во третиот шешир ќе бидат и: Шкотска, Словенија, БиХ и Израел.
Четвртиот шешир е речиси завршен и тука се: Луксембург, Белорусија, Ерменија, Косово, Казахстан, Азербејџан, Естонија, Кипар, Летонија, Фарски Острови и Литванија. Има само едно слободно место, а прогнозите се дека ќе го пополни Бугарија.
И конечно во петтиот шешир се: Молдавија, Малта, Андора, Гибралтар, Лихтенштајн и Сан Марино.
Репрезентациите од А-дивизијата во Лигата на нации кои ќе се пласираат во четвртфиналето на натпреварувањето ќе учествуваат во квалификациските групи со четири екипи, додека другите групи ќе имаат по пет екипи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Бетис за полувреме ја реши Џирона – Миовски повторно не играше

Фудбалерите на Бетис убедливо ја победија Џирона на гости со резултат 3:1 (3:0) во последниот натпревар од 32.коло на шпанската Ла Лига. Македонскиот репрезентативец, Бојан Миовски, поразот на својот тим го гледаше од клупата за резерви.
Полуфиналистот од Конференциската лига ја продолжи добрата форма на стадионот „Монтилви“ и до крајот на сезоната ќе води голема борба за пласман во Лигата на шампионите. .
Веќе во шестата минута Џони Кардосо на додавање на Иско ја најави победата на тимот од Андалузија.
Во 39. минута Антони го удвои водството, а три минути подоцна Иско зголеми на 3:0.
Џирона во вториот дел успеа само да постигне утешен гол преку Кристијан Стуани во 86. минута.
Бетис, сега е на шестата позиција со 51 освоен бод, додека Џирона е на 16. место со 34 бодови и до крајот на сезоната ќе се бори за опстанок во лигата.
Спорт
(Видео) Форест ја продолжи мизеријата на Тотенхем – „Шумарите“ се чекор поблиску до ЛШ

Фудбалерите на Нотингем Форест славеа над Тотенхем во Лондон (2:1), во последниот натпревар од 33. коло на Премиер лигата.
Тимот на Нуно Еспирито Санто се врати на третото место кое го држи со 60 бодови и е во добра позиција во борбата за Лигата на шампионите. „Шумарите имаат бод повеќе од Њукасл, два од Манчестер сити и три од Челси и Астон Вила.
Тотенхем продолжи ужасните резултати оваа сезона, го забележа 18.пораз и се наоѓа на на 16. место со 37 бодови.
Форест во првите 16 минути постигна два гола кои на крајот беа довлни за тимот на Еспирито Санто да ја забележи 18. победа во сезоната.
Во петтата минута Елиот Андерсон го постигна првиот гол, а само 11 минути подоцна Крис Вуд да го совлада Викарио со глава и да ја удвои предноста.
Тој резултат долго време беше на сила, домашните се обидоа да ја намалат предноста, имаа неколку добри шанси во вториот дел, но само Ришарлисон постигна гол во 87. минута.
Интересно ова е четврти гол за Бразилецот во сезоната, сите четири натпревари Тотенхем ги загуби.
Форест во следното коло го чека Брентфорд, додека Тотенхем ќе му гостува на Ливерпул.
Спорт
Сензација во финалето – Го Ахед Иглс го освои холандскиот куп

Фудбалерите на Го Ахед Иглс вечерва го освоија својот прв трофеј во 122-годишната историја на клубот. Во финалето на Купот на Холандија, Иглс го победија АЗ Алкмар.
Финалето одиграно на стадионот „Де Кајп“ во Ротердам аутсајдерот победи по подоброто изведување пенали.
Пред речиси 43.000 гледачи резултатот по 90 минути беше 1:1, а двата гола беа постигнати од белата точка.
Трој Перо го доведе АЗ Алкмар во водство во 54. минута, а израмни Матс Дејл во деветтата минута од судиското надополнување.
Во продолженијата од два пати по 30 минути немаше голови, па започна пенал-рулетот каде резултатот беше 4:2 за „орлите“.
АЗ промаши два пенали, односно: Бурместер и Лахдо, додека кај новиот освојувач на трофејот прецизен беа четворицата кои шутираа.