Спорт

Македонскиот „брод“ во Виена потона за едно полувреме, куферите се спакувани

Објавено пред

7 месеци

- 14 јануари, 2020

Од

Македонската ракометна репрезентација неславно го заврши Европското ракометно првенство во Автрија, Шведска и Норвешка, уште по групната фаза, откако попладнево нашата селекција загуби од Австрија со 32-28.

Иако конечниот резултат покажува релативно поднослив пораз, ситуацијата на теренот во „Штадхале“ не беше воопшто пријатна за гледање за вистинските љубители на ракометот во земјава.

Нашите ракометари уште на стартот го разбранија противничкиот голман, Ајхбергер, па Австријците брзо стигнаа до предност од 4-1.

Со головите на Стоилов и Георгиевски Македонија успеа да фати приклучок, па следуваше израмнување 4-4.

epa08127983 Robert Weber of Austria (R) in action against Martin Popovski of North Macedonia (L) during the EHF Handball Men European Championship match between Belarus and Serbia in Vienna, Austria, 14 January 2020. EPA-EFE/VALDRIN XHEMAJ

Австријците посебно внимании во одбраната посветуваа за капитенот Лазаров, но нападот не функционираше.

Голманот Ајхбергер со своите интервенции ги деморализираше Манасков и посебно Кузмановски, па преку ударното бековско дуо Билик-Божовиќ Австрија стигна до предност од +4, 10-6.

Во сличен ритам продолжи мечот и во последната третина од првиот дел, па на пауза се отиде со резултат 18-12.

Во второто полувреме слична слика, контрата на Австријците беспрекорна, па на семафорот стоеше двоцифрена предност за домаќините, 24-13.

Селекторот Брестовац започна ротации во составот, па Македонија успеа да го ублажи поразот.

Во Македонија најефикасен на овој меч кој брзо треба да се заборави е Стојанче Стоилов со 5 гола, а дури шест наши ракометари (Лазаров, Кузмановски, Георгиевски, Поповски, Пешевски и Маџовски) мечот го завршија со по 3 гола.
Кај Австрија, стандардно Билик постигна 6, а Божовиќ 5 гола.

Македонија ги заврши настапите на ЕП, а место во следната фаза обезбеди Австрија, и со голема веројатност Чешка која вечерва од 20.30 ја чека дуел со Украина.

Nikola Bilyk continues to be talismanic for @HandballAustria 🇦🇹 – they are on their way to the main round! 👏👏👏#ehfeuro2020 #dreamwinremember pic.twitter.com/XALqHx1077
— EHF EURO (@EHFEURO) January 14, 2020

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Франција со победа го заврши разочарувачкото ЕП, Словенија со стил во втора фаза

Претходно

Катица Јанева останува во куќен притвор, Апелација ѝ ја одби жалбата

Спорт

Два позитивни случаи на КОВИД-19 кај Атлетико Мадрид

Објавено пред

6 часа

- 9 август, 2020

Од

TopSport.mk

Атлетико Мадрид, еден од четврт-финалистите во Лигата на шампионите потврди дека двајца нивни членови биле позитивни на корона вирусот пред фајнал ејт турнирот во Португалија.

Завршницата на Лигата на шампионите стартува во среда во Лисабон со дуелот Атлетико-Пари Сен-Жермен, по што во четврток Атлетико играат со РБ Лајпциг.

Не е јасно дали позитивните членови на тимот се дел од фудбалерите или од придружниот тим на „рохибланкос“, кои објавија дека двајцата се изолирани во своите домови и повторно се тестирани сите кои биле во контакт со нив.

Comunicado oficial: La expedición a Lisboa se someterá a nuevas pruebas PCR tras la aparición de dos casos positivos https://t.co/GztEhGvQQZ
— Atlético de Madrid (@Atleti) August 9, 2020

Прикажи повеќе...

Спорт

Првата ВТА титула по пет месеци кај Французинката Фиона Феро

Објавено пред

7 часа

- 9 август, 2020

Од

TopSport.mk

Новата француска тениска надеж, 23-годишната Фиона Феро го освои својот втор ВТА трофеј во кариерата на првиот женски турнир по рестартот на тенисот по долгата пауза, победувајќи ја со 6:2/7:5 Анет Контавеит за трофејот од Палермо лејдис.

Феро беше непоразена на двата регионални егзибициски турнири кои се оддржуваа за време на пандемијата на КОВИД-19, и заработи уште пет победи во Палермо, каде што загуби само еден сет, за да ја победи Контавеит по тешка борба од час и 43 минути.

Контавеит, која ја започна 2020 со првиот пласман во гренд слем четврт-финале на Австралија опен, немаше одговор за „чистата“ игра на Феро во првиот сет, губејќи два брејка. Таа имаше подобар старт на првиот сет, поведувајќи со 2:0, пред Французинката да врати со брејк и со уште еден брејк да го запечати триумфот.

Princess Fiona 👸@fioferro wins a second career WTA title capturing the crown over Anett Kontaveit 6-2, 7-5 at @LadiesOpenPA #PLO20 pic.twitter.com/6notROv4bQ
— wta (@WTA) August 9, 2020

Прикажи повеќе...

Спорт

Шкендија со луд пресврт до реми со Шкупи, Пелистер се вратија во елитата со победа

Објавено пред

9 часа

- 9 август, 2020

Од

TopSport.mk

Шкендија успеа да се врати од 0:2 негатива и да стигне до 2:2 реми на гостувањето кај Шкупи во најинтересниот меч при рестартот на Првата лига, додека Силекс се „загреа“ за квалификациите за ЛШ со 6:0 победа над Беласица.

Пелистер пак, одбележувањето на враќањето во елитата, го прослави со 1:0 победа над Академија Пандев, Силекс се загреа за европскиот предизвик против Карабаг со 4:0 победа во Струмица над вториот нов прволигаш, Беласица, додека Македонија Ѓорче Петров во градското дерби со Работнички стигнаа до победа од 2:1 во последните минути од мечот.

Гамбиецот Дембо Дарбо во четвртата минута и во 44. минута донесе 2:0 водство за Шкупи, пред Шкендија да се „разбуди“ во второто полувреме – Љупче Дориев во 60. минута намали на 2:1, пред Ваљон Ахмеди шест минути подоцна да израмни на 2:2.

Анес Хот со одличен гол им донесе импресивна 1:0 победа на Пелистер при камбекот во Првата лига, додека Силекс доминираше против Беласица за 6:0 победа со двата гола на Денис Ристов.

ПРВА ЛИГА, 1.КОЛО

Беласица – Силекс 0:6

Македонија Ѓорче Петров – Работнички 2:1

Пелистер – Академија Пандев 1:0

Ренова – Струга Трим Љум 0:0

Шкупи – Шкендија 2:2

ВЧЕРА

Вардар – Борец Велес 0:1

Фото: ФК Шкендија

Прикажи повеќе...