Спорт
Македонските ракометари патуваат за Краков, селекторот Лазаров го одреди тимот на СП
Македонската ракометна репрезентација денеска со чартер лет патува за Краков, еден од градовите домаќини на Светското првенство кое стартуваше синоќа со мечот меѓу Полска и Франција (24:26). Селекторот Кирил Лазаров го одреди списокот на патници за Мундијалот, а од конечниот составот отпаднаа три имиња Марко Кизиќ, Цветан Кузманоски и Давид Савревски.
Лазаров на Мундијалот ќе смета на 18 ракометари, но и тие што отпаднаа ќе бидат на готовс доколку бидат потребни.
Македонија ќе го стартува Светското првенство на 13. јануари кога ќе се сретне против Норвешка, два дена подоцна е мечот со Холандија, а групната фаза ја завршува на 17 јануари против Аргентина. Најдобрите три селекции од секоја група ќе обезбедат место во главната рунда, последнопласираната ќе игра во Президент Куп.
На списокот на селекторот Кирил Лазаров се најдоа следните ракометари:
Голмани: Никола Митревски (Порто) Мартин Томовски (Вардар)
Леви крила: Дејан Манасков (Вардар) Петар Атанасијевиќ (Е. Пелистер 2)
Леви бекови: Филип Талески (Вардар) Иван Џонов (Т. Пролет)
Среден бек: Филип Кузмановски (Хановер) Игор Ѓоргиев (Алкалоид) Павле Атанасијевиќ (Е. Пелистер)
Десен бек: Томислав Јагуриновски (Т. Пролет) Мартин Серафимов (Алкалоид)
Десно крило: Гоце Георгиевски (Вардар) Ненад Костески (Е. Пелистер)
Пикери: Никола Маркоски (Алкалоид) Жарко Пешевски (Е. Пелистер) Марко Стојковиќ (Алкалоид) Костадин Петров (Тор)
Дефанзивец: Михајло Младеновиќ (Алкалоид).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.