Спорт
Макс Ферстапен најбрз низ улиците на Баку, Перез се погрижи за двојна победа за Ред Бул

Макс Ферстапен е победник на трката за Големата награда на Азербејџан што се одржа низ улиците на Баку. Тоа е петта победа за Холанѓанецот оваа сезона, вкупно 25. во кариерата.
Тимот на Ред Бул стигна до „еден – два“ победа на брегот на Каспиското море, откако Серхио Перез го освои второто место во Баку, а го имаше и најбрзиот круг.
Третата позиција му припадна на Џорџ Расел со Мерцедес, а трката не ја заврши Шарл Леклер. Дебаклот на Ферари го надополни и Карлос Сајнц.
Тимскиот колега на Расел од Мерцедес, Луис Хамилтон, заврши како четврти, иако на средината од трката се пожали на силни болки во грбот предизвикани од скокот „W13“ на патеката во Баку.
Пјер Гасли и Себастијан Фетел завршија на петтото и шестото место во Азербејџан, а бодови освоија и Фернандо Алонсо, Даниел Рикардо, Ландо Норис и Естебан Окон.
VERSTAPPEN WINS IN BAKU!! ????
Perez makes it a Red Bull 1-2, with Russell claiming the final podium place ???#AzerbaijanGP #F1 pic.twitter.com/739ta2h7Th
— Formula 1 (@F1) June 12, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Огромната плата на Гризман го блокираше Атлетико Мадрид
Атлетико Мадрид го доведе првиот играч во овој преоден рок. Станува збор за 33-годишниот белгиски играч за врска Аксел Витсел кој како слободен играч пристигна од Борусија Дортмунд. Сепак, „Марка“ тврди дека Атлетико не може да го регистрира својот нов фудбалер. Причината е од финансиска природа.
Имено, Атлетико е во „дебел минус“ кога е во прашање финансискиот фер-плеј, а трошоци се надминати за цели 100 милиони евра од дозволеното. Слична е ситуацијата и во Барселона, која не може да ги регистрира новите играчи, Франк Кеси и Андреас Кристенсен.
За да ја олесни ситуацијата, Атлетико е подготвен да го продаде Антоан Гризман, чија плата е преголем товар за клубот. Подготвени се да го ослободат Французинот за 40 милиони евра, а со тоа би се ослободиле од неговата плата која изнесува околу 30 милиони евра по сезона.
Спорт
ПСЖ е подготвен комплетно да го исплати Нејмар до 2027 година за да си замине од клубот

Францускиот првак Пари Сен Жермен сака да ја прекине соработката со Бразилецот Нејмар. Раководството на клубот е подготвено и комплетно да го исплати неговиот договор до 2027 година, а тој да го напушти Париз.
Шпанскиот медиум „Ел Паис“ наведува дека таткото на Нејмар и ПСЖ се договориле на фудбалерот да му биде исплатено се што е предвидено во договорот кој автоматски се продолжува до 2027 година. Нејмар треба да заработи 200 милиони евра од ПСЖ, без разлика дали ќе остане до крајот на договорот или не.
Со оваа уплата ПСЖ треба да го убеди Нејмар да си замине, а клубот го ангажирал новиот спортски директор Луис Кампос да ја спроведе целата операција.
Спорт
Камбекот на Серена на Вимблдон заврши со пораз по тричасовна драма

Освојувачката на 23 гренд слем титули, Серена Вилијамс се врати на својот омилен терен, „Централниот терен“ на Вимблдон, за во драматичен меч кој траеше повеќе од три часа да загуби со 7:5/1:6/7:6(10:6) од Французинката Хармони Тан, за да најави дека крајот на кариерата можеби е на повидок.
40-годишната Американка паузираше од тенисот речиси 12 месеци, по повредата која ја доби во првото коло на минатогодишниот Вимблдон против Алиаксандра Саснович, пред минатата недела да се врати во игра во двојки на подготвителниот турнир во Истбурн.
Против Тан, таа имаше лош почеток, губејќи на свој сервис во првиот гем, но потоа во променлива игра, таа направи два брејка, кои беа залудни и Французинката го освои првиот сет. Но, борбеноста на Американката најдобро се покажа во вториот сет, кога во маратонскиот гем од 15 минути направи брејк за 2:0 предност и потоа рутински го освои со 6:1.
И во третиот сет, Тан не се откажа, меѓутоа Серена стигна до клучниот брејк за 5:4 водство, за да сервира за победа, пред Тан да направи рибрејк и потоа да пропушти две меч топки, пред Вилијамс да примора тај-брејк, во кој имаше 4:0 предност, пред да и дозволи на Французинката да ја оствари својата најголема победа во кариерата.
Во второто коло влезе и грчкиот ас, Стефанос Циципас, кој го победи упорниот Швајцарец, Александер Ричард со 7:6(1)/6:3/5:7/6:4.