Спорт
Макс шест месеци чекал да му се освети на Чеко Перез

Каков ќе биде расплетот во Ред Бул, откако Макс Ферстапен одби да му помогне на трката во Бразил, на колегата Серхио Перез, кој се бори за второто место во шампионатот? Ова повлекува и уште едно прашање, дали овие двајца ќе можат да функционираат заедно во тимот?
Една перфектна сезона на Ред Бул (Ферстапен е шампион, го собори рекордот на Михаел Шумахер и Себастијан Фетел, а тимот ја освои конструкторската титула), може да прерасне во фијаско поради нарушените односи меѓу колегите.
Ферстапен во финишот на трката ја игнорираше тимската наредба да му ја препушти шесттата позиција на Перез, кој со Шарл Леклер се бори за втората позиција во генералниот пласман.
„Ова само покажува каков е Ферстапен. Не знам што се случи, многу сум изненаден и разочаран по се што направив за него…Мислам дека моја заслуга е што Макс има две титули“, изјави по трката Перез.
„Немој повторно да го повторите тоа, дали е јасно? Веќе ви ги кажав причините!“, му одговори Холанѓанецот на тимот во радио-пораката.
По трката, репортерот на „Скај Спортс“ го праша Ферстапен дали неговиот конфликт со Перез се „влече“ од минатото.
„Дали“, беше одговорот на Ферстепен.
Холандскиот новинар, Ерик ван Харен, потоа потврди дека се започнало на крајот на мај во Монте Карло, кога Перез наводно намерно се судрил во квалификациите, за да не може Ферстапен да се бори за пол-позицијата.
Половина година подоцна, гневот кај Холанѓанецот остана иако доминантно ја одбрани шампионската титула. Тој не го заборави што направи Перез во Монте Карло и прашање е како двајцата ќе можат понатаму да функционираат.
„Сè ставивме на маса. Имам свои причини и нема да ги кажам, но мислам дека луѓето во тимот ќе разберат. Ги објаснив претходно, така што ова не е ништо ново за мене, ниту за нив. Мислам дека сега е важно како тим, да останеме заедно и да продолжиме во тој правец. Одиме во Абу Даби, сакаме да победиме и ако има можност да му помогнам, ќе му помогнам“, изјави Холанѓанецот.
Наредната недела во Абу Даби ќе заврши сезоната во Формула 1. Перез и Леклер на второто место имаат по 290 поени.
#BrazilGP This Radio exchange of Verstappen REFUSING to let Perez pass tells you everything you need to know about his behavior and that of his father…an apple doesn't fall far from the tree indeed.
Its Shocking but not surprising #F1 pic.twitter.com/NiUQ6nwdad
— 🇿🇦 🇿🇦 (@UnfazedWarReady) November 13, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Драма во Шпанија: Тренерот на Жирона итно префрлен во болница

Фудбалскиот тренер на Жирона, Мичел Санчез, напиша на социјалната мрежа X дека е хоспитализиран, но не ги наведе причините поради кои е примен во болница.
„Морав да бидам хоспитализиран и ќе бидам под лекарски надзор неколку дена“, напиша Санчез, додавајќи дека се чувствува добро и со нетрпение очекува да се врати на клупата.
Поради здравствената состојба, Санчез нема да го предводи тимот на натпреварот против Виљареал во сабота. Жирона моментално е на 15-то место на табелата, шест бода над зоната за испаѓање, а до крајот на првенството остануваат уште четири кола.
Ниту клубот, ниту тренерот не објавија повеќе детали за неговата здравствена состојба.
„Се чувствувам добро, под надзор сум на лекар и ги бројам деновите до враќањето на работа за да можеме да ја продолжиме борбата до крајот на сезоната. Ќе бидам отсутен од теренот, но во постојан контакт со стручниот штаб“, рече Санчес.
Минатата сезона, Санчез го предводеше каталонскиот клуб до историско трето место во шпанското првенство. Сепак, тимот се соочи со проблеми оваа сезона откако клучни играчи го напуштија клубот за време на летниот преоден рок, па Жирона е само 15-та на табелата со 38 бода, и сè уште не ја надминала борбата за опстанок.
Спорт
Средба која се чека со години: Ана Ивановиќ и Ѓоковиќ повторно заедно?

Ана Ивановиќ и Новак Ѓоковиќ би можеле повторно да се сретнат за прв пат по долго време.
На турнирот во Женева, најдобриот тенисер на сите времиња, Новак Ѓоковиќ, ќе ги направи последните подготовки за Ролан Гарос, а се очекува да пристигне и некогашната српска тенисерка Ана Ивановиќ во својство на почесна гостинка и поранешна шампионка, пренесуваат српските медиуми.
Нивната средба би можела да се случи во многу деликатен момент за двајцата.
Имено, се повеќе се шпекулира дека Ана поминува низ брачна криза со Бастијан Швајнштајгер и дека развод е на повидок.
Од друга страна, Новак поминува низ чуден период. Од почетокот на годината, тој е далеку од препознатливо ниво, се откажа од мастерсот во Рим без конкретна причина, а се повеќе се шпекулира за крајот на неговата кариера.
Турнирот во Женева е закажан од 17 до 24 мај.
Спорт
Алонсо се збогуваше со Леверкузен: „Разговарав со играчите“
Веќе нема никаква дилема, Чаби Алонсо јавно потврди дека ја напушта клупата на Баер Леверкузен и дека ќе стане нов тренер на Реал Мадрид.
Официјална потврда дојде и од главниот актер.
На прес-конференцијата пред натпреварот од Бундеслигата против Борусија Дортмунд, Алонсо откри пред јавноста дека веќе разговарал со играчите и дека ќе се збогува со клубот во преостанатите два натпревари од сезоната.
„Оваа недела, клубот и јас се согласивме дека ова ќе бидат моите последни два натпревари во Леверкузен. Ова е вистинско време да го објавам тоа бидејќи секогаш имавме добра комуникација. Мораме да уживаме во овој момент со измешани емоции. Разговарав со играчите и персоналот, не беше лесно. Имавме одличен однос и тоа беше клучот. Тие веруваа во мене и ме следеа. Сакам да се збогувам на вистински начин овој викенд“, рече Алонсо.
Алонсо, поранешен шпански репрезентативец, играше за Реал Мадрид од 2009 до 2014 година за време на својата играчка кариера и освои бројни трофеи со Реал, вклучувајќи ја и Лигата на шампионите во 2014 година.