Сакраменто Кингс ставија крај на серијата од десет победи во која се наоѓаа кошаркарите на Бостон Селтикс. Во драматичен меч Кингс славеа со 100:99. Кингс имаат пет победи на последните седум натпревари, откако сезоната ја отворија со пет порази.

Натпреварот го реши Холмс кој погоди од линијата за слободни фрлања на 13 секунди до крајот на мечот. Во последниот напад за Бостон Смарт се обиде со флоутер, но топката излезе од обрачот.

Бади Хилд одигра брилијантен меч за Сакраменто постигна 35 поени (7/12 за три). Забележителни беа и Србите Богдан Богдановиќ, односно Немања Бјелица. Богдановиќ постигна 10 од своите 12 поени во последниот период, а забележа и 10 асистенции, додека Бјелица имаше 12 поени и 14 скока.

Денвер Нагетс убедливо ги победија Мемфис Гризлис 131:114. Дуелот го решија во втората четвртина која ја добија со 44:17. Џамал Мареј го одигра најдобриот меч во сезоната, постигна вкупно 39 поени.

Никола Вучевиќ г предводеше Орландо со 30 поени и 17 скока до победата над Вашингтон Визардс 125:121.

ЛА Лејкерс забележаа нова победа. Пред „езерџиите“ падна Атланта 122:101. Леборн Џејмс предводеше група од шест кошаркари со двоцифрен број на поени. Џејмс забележа 33 поени, седум скока и 12 асистенции.

Женската кошаркарска репрезентација на Македонија доживеа уште еден катастрофален пораз во квалификациите за пласман на Европското првенство. Во Скопје Летонија ја декласира Македонија 98:39 (25:4, 21:7, 27:19, 25:9).

Каков тек ќе има натпреварот беше јасно уште по првите десет минути во кои избраничките на селекторот Ѓоровиќ постигнаа само чети поени, а примија 25. На полувреме Летонките водеа со 46:11. Некаквва преодна оценка може да добие третиот период во кој Македонија уфрли 19 поени.

Единствена со двоцифрен број на поени кај македонија беше Селцова со 11 кошеви.

За сениорките следи официјална пауза од една година, до вториот прозорец од евроквалификациите.

фото/kfsm.mk

Луис Хамилтон остана без третото место на трката за Големата награда на Бразил. На патеката Интерлагос победи Макс Ферстапен пред Пјер Гасли.

Светскиот првак доби казна од пет секунди поради инцидентот со Александер Албон во последниот круг. Хамилтон се обиде да го престигне возачот на Ред Бул во борбата за третото место, иницираше контакт, поради што Албон заврши на 14 место.

A first podium was in sight for Alex Albon, until this 😱

Lewis Hamilton received a post-race penalty, dropping him from third to seventh#BrazilGP 🇧🇷 #F1 pic.twitter.com/s3tkcHVL7C

— Formula 1 (@F1) November 17, 2019

Третото место на трката му припадна на Карлос Саинц од Мекларен, а Хамилтон во конечниот пласман го освои седмото место.

Конечен пласман во Бразил: Ферстапен, Гасли, Саинц, Раиконен, Џовинаци, Рикардо, Хамилтон, Норис, Перез и Квјат.