Спорт
Малерот Азар на нова операција, во аут до крајот на сезоната!
Еден Азар ќе мора да оди на нова операција на десната нога, потврдија од Реал Мадрид по што, најверојатно, белгиското крило ќе го пропушти остатокот од сезоната во уште еден малер што го следи на „Сантијаго Бернабеу“.
Азар немаше играно за Реал повеќе од еден месец откако беше замена за пет минути од мечот против Алавес на 19 февруари по што постојано беше на клупата, но ниту еднаш не доби шанса од Карло Анчелоти.
„Во следните неколку дена нашиот фудбалер Еден Аар ќе оди на операција за отстранување на плочката во десната фибула“, се вели во објавата на Реал Мадрид.
31-годишниот Белгиец оваа сеона има само 8 старта во 21 меч, кој ги одигра под Карло Анчелоти. Од скапиот трансфер од Челси во јули 2019 година, Азар има само 65 настапи за „кралевите“ по што шпанските медиуми тврдат дека ова лето ќе се обидат да го продадат и да се ослободат од неговата висока плата. Азар има договор до 2024 година.
Parte médico de Hazard. #RealMadrid
— Real Madrid C.F. (@realmadrid) March 25, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Галатасарај не успеа да го победи РФС Рига
Второто коло во Лига Европа започна со големо изненадување. Еден од фаворитите во ова натпреварување, Галатасарај, не успеа да победи во Рига, против РФС, тим чија вкупна вредност според „Трансфермаркт“ изнесува девет милиони евра, колку што изнесува годишната плата на Мауро Икарди.
Турскиот тим добро влезе во мечот стекна предност од два гола, преку Мертенс во 12. и Акгун во 38.минута и тука застана. Две минути подоцна РФС намали преку Икауниекс, а во 55.минута Одишерија го постави конечниот резултат.
Резултати:
Олимпијакос – Брага 3:0 (1:0)
/Ел Каби 45, 59, Есе 53/
Ференцварош – Тотенхем 1:2 (0:1)
/Варга 90 – Сар 23, Џонсон 86/
Карабаг – Малме 1:2 (1:1)
/Жунињо 15 – Ботејм 19, 47/
Макаби Тел Авив – Митјиланд 0:2 (0:1)
/Франкулино 39, Чилуфја 89/
Лацио – Ница 4:1 (2:1)
/Педро 20, Кастеланос 35, 53, Закањи 67пен – Бога 41/
Славија Прага – Ајакс 1:1 (0:1)
/Чори 67 – Ван ден Бомен 18пен./
Хофенхајм – Динамо Киев 2:0 (1:0)
/Хложек 22, 60/
Реал Сосиедад – Андерлехт 1:2 (1:2)
/Пабло Марин 5 – Луис Васкез 28, Леони 39/
Спорт
(Видео) Германците „удрија“ по Ноер: Тој е виновен за поразот на Баерн
Германската јавност жестоко удри по голманот на Баерн, Мануел Ноер. Тој е виновникот за поразот на Баварците од Астон Вила (1:0) во второто коло, во Лигата на шампионите.
Ноер само беше Ноер претходната вечер во Бирмингем, тој беше надвор од шеснаесетникот за време на акцијата на Астон Вила и беше казнет поради тоа.
Колумбиецот Џон Дуран додека се уште беше на дуелот со Упамекан ја забележа „дупката“ што ја остави Ноер и фин лоб го совлада германскиот голман.
Баерн по којзнае кој пат настрада поради несериозноста на својот голман, кој не бега од вината, туку вели дека според планот бил поставен токму онаму каде што требало да биде.
„Сите кои ги гледаат нашите натпревари знаат дека генерално стојам подалеку од голот. Така играме и тоа го бара тренерот. Можеби требаше да застанам два метри поблиску до голот, но не сум сигурен дека и во тој случај ќе можев да стигнам до топката и да спречам гол“, изјави Ноер.
„Голот очигледно е негова вина“, изјави поранешниот играч на Ливерпул Дитмар Хаман за „Скај Спортс“ и дополни.
„Не знам што правеше надвор од 16 метри. Немаше опасност бидејќи Упамекано се уште беше во дуел со Дуран“.
Со Хаман се согласил и Михаел Балак.
„Ману е виновен за голот што го прими Баерн“, кратко и јасно изјави поранешниот германски репрезентативец.
Спорт
ФИФА би можела да ги исфрли Израелците од сите натпреварувања
ФИФА наскоро може да го суспендира Фудбалскиот сојуз на Израел, фудбалската репрезентација на Израел и клубовите од своите натпреварувања. Во екот на војната во Појасот Газа во март оваа година, Израелците беа пријавени од Палестинскиот фудбалски сојуз. Одлуката за евентуална суспензија требаше да биде донесена во мај, но таа беше поместена за следниот четврток.
Советот на ФИФА ќе се состане и ќе донесе важна одлука. Составен е од претставници на фудбалски асоцијации од целиот свет. Палестинските фудбалски функционери сметаат дека Израелците ги прекршиле правилата на ФИФА и сакаат санкции за израелските клубови и репрезентацијата, кои овој месец треба да играат во Лигата на нации против Франција и Италија.
„Се соочуваме со циничен непријателски политички обид на Палестинците кои сакаат да му наштетат на израелскиот фудбал“, ја пренесува изјавата на првиот човек на израелскиот фудбал, Шин Моше Зуарес, британскиот јавен медиум Би-Би-Си.
Доколку ФИФА одлучи да ги исклучи Израелците од сите натпреварувања, тоа ќе биде втор пат во последните неколку години да биде донесена ваква одлука. На почетокот на војната во Украина, беа исфрлени руските клубови и репрезентацијата.
Израел започна воена операција во Појасот Газа како одговор на нападот на Хамас што се случи на 7 октомври минатата година, во кој загинаа 1.200 луѓе, а 250 беа заробени.