Спорт
Малезиски принц ја купува Валенсија

Се ближи крајот на катастрофалното работење, на Питер Лим во фудбалскиот клуб Валенсија. Клубот, кој сезонава ќе треба да се помачи за да остане во Ла Лига, го продава клубот, а потенцијален купувач би можел да биде малезискиот принц Тунку Исмаил Султан Ибрахим.
Престолонаследникот на една од 13 држави во Малезија, Јохор, бил подготвен да издвои 408 милиони евра за да го преземе клубот.
„Мотивот не ми е да правам пари, туку да испишам историја. Не сум нов во фудбалот. Основач сум на ЈДТФЦ, кој од кандидат за испаѓање го направив шампион. Освоив 16 трофеи за осум години. Ние сме најголемиот клуб во јужниот дел на Азија, ние сме еден од најголемите клубови во Азија“, рекол 38-годишниот Султан Ибрахим.
„Сакам да ја проширам мојата империја, да ги раширам крилјата, да одам кон нови предизвици. Не сум човек што би ја менувал традицијата или клупскиот грб. Тука сум поради успехот, славата, историјата. На Валенсија и е потребен некој што го познава фудбалот, некој што сака да успее, некој што ја разбира големината на клубот. Прв чекор ќе биде во Валенсија да ги вратиме фудбалските луѓе“.
Шпанските медиуми тврдат, дека Питер Лим, бил подготвен да ја направи трансакцијата, најмногу поради тоа што бил добар пријател со Султан Ибрахим.
Питер Лим, поради лошите потези, го донесе славниот клуб во долниот дел на табелата во Ла Лига. Валенсија, минатото лето не донесе ниту еден фудбалер, а клубот го напуштија девет играчи од стратната постава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Тренерот на Црвена звезда го затвори својот профил поради закани од навивачи

Кошаркарите на Црвена звезда ја завршија сезоната 2024/2025 со поразот од Спартак во вториот натпревар од полуфиналната серија во домашниот шампионат. Елиминацијата на црвено-белите е сензационална бидејќи, актуелниот првак, прв пат по 14 години не успеа да се пласира во финалето.
По елиминацијата, тренерот на Црвена звезда, Јанис Сферопулос, го деактивирал својот профил на социјалната мрежа „X“.
Според портал „Нова С“, по поразот на црвено-белите во Суботица од Спартак, навивачите на црвено-белите биле крајно незадоволни.
„Серијата лоши резултати кулминираше со дебакл во домашното првенство, а разочараните навивачи лансираа лавина од навреди на социјалните мрежи, особено на платформата „X“ (поранешен „Твитер“), која Сферопулос редовно ја користеше. За жал, во тој поплава од коментари имаше крајно несоодветни и брутални пораки, вклучително и закани со смрт, поради што тренерот на Звезда одлучи да го исклучи својот профил и да се повлече од социјалните мрежи“, пишува „Нова С“.
Спорт
(Видео) Голот на Педро Нето од камерата на судијата

Фудбалерите на Челзи го отворија Светското клупско првенство со победа. Во својот прв натпревар во Групата Д од натпреварувањето, играчите на Челзи го победија Лос Анџелес ФК со 2:0 со головите на Педро Нето (34-та минута) и Енцо Фернандез (79-та минута).
Првиот гол на натпреварот беше особено импресивен, за многумина најубав досега на турнирот во Соединетите Американски Држави. Сопственикот на правата за емитување го објави на своите социјални мрежи видеото од камерата на судијата на натпреварот.
Ref cam’s of Neto’s goal is AMAZING 🤯
Watch the @FIFACWC | June 14 – July 13 | Every game. Free. | https://t.co/i0K4eUu4lJ | #FIFACWC #TakeItToTheWorld #CHELAF pic.twitter.com/rvyja1JcQ2
— DAZN Football (@DAZNFootball) June 16, 2025
Спорт
Македнските клубови ги дознаа можните противници во европските купови

Фото/ ffm.mk
Шкендија, Вардар, Силекс и Работнички ги дознаа можните противници за првото квалификациско коло. Шкендија ќе стартува во Лигата на шампионите, ждрепката е во 14 часот во Нион, а останатите три екипи ќе се натпреваруваат во Конференциската лига. Ждрепката ќе се одржи од 16 часот во Нион.
Шкендија нема да биде носител, се наоѓа во групата 1, а моѓе да игра против: Малме (Шведска), Жалгирис (Литванија), РФС (Летонија), Купс (Финска) или ТНС (Велс).
Кога ќе се погледнат можните противници, впечаток е дека Вардар најдобро помина, а дека пред тешка задача ќе имаат Силекс и Работнички.
Во групата 2 можно противници на Силекс се Петрокуб (Молдавија), Ордабаси (Казахстан), Дечиќ (Црна Гора) и Урарту (Ерменија).
Вардар, кој по седум години се враќа во европските купови, во групата 3 за противник може да добие еден од овие тимови: Дуделанж (Луксенбург), Копер (Словенија), Сутјеска (Црна Гора), Ла Фиорита (Сан Марино).Работнички ги чека противниците во групата 6, можни ривали се Дила Гори (Грузија), Пјуник (Ерменија), Торпедо (Белорусија) и Борац Бања Лука.
Првите натпревари ќе се одиграат на 10, а реваншите на 17.јули.