Спорт
„Mamba Night“: Споменик за Коби и специјални црни дресови

На 8 февруари на програмата е НБА натпревар во кој Лос Анџелес Лејкерс го пречекуваат актуелниот шампион Денвер Нагетс. Тоа ќе биде можност за златно-виолетовите да му оддадат почит на починатиот Коби Брајант, една од најголемите легенди во богатата историја на франшизата.
По тој повод Лејкерси ќе носат специјално дизајнирани дресови „Black Mamba“ во чие создавање учествувал и самиот Коби. Дресовите ќе бидат црни и ќе имитираат змиска кожа, за да бидат што подоследни на прекарот на славниот кошаркар.
The Lakers will wear their black mamba jerseys on Thursday 🔥 pic.twitter.com/h9UEQd7Aq9
— NBACentral (@TheDunkCentral) February 6, 2024
Лејкерси досега двапати ги носеа овие дресови – еднаш во јануари 2018 година и вторпат во плејофот во 2020 година.
Дополнително, пред овој дуел Лејкерси пред арената „Crypto.com“ ќе откријат статуа посветена на Брајант.
Така, Коби ќе биде осмиот играч во историјата на Лејкерс кој добил споменик, а пред него таа чест ја добија Елџин Бејлор, Шекил О’Нил, Карим Абдул-Џабар, Меџик Џонсон, Џери Вест и Чик Херн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Расел рутински победи во Сингапур, Ферстапен заврши пред возачите на Мекларен

Возачот на Мерцедес, Џорџ Расел, победи на трката за Големата награда на Сингапур. Британецот ја забележа втората победа оваа сезона (петта во кариерата), прва по Големата награда на Канада.
Џорџ Расел, во победа го претвори брлијантниот крг в квалификации и рутински славеше на „Марина Беј“. Британецот создаде предност од 10 секунди во првите 15 кругови, а потоа не форсираше и дојде до победата.
Зад него се пласираа Макс Ферстапен и Ландо Норис.
Норис избори место на подиумот благодарение на добриот старт, кога успеа да се пробие од петтата на третата позиција. На самиот почеток имаше близок контакт со тмскиот колега Оскар Пјастри.
Пјастри на крајот заврши на четвртото место, пред Андреа Кими Антонели од Мерцедес, возачите на Ферари Шарл Леклер и Луис Хамилтон, Фернандо Алонсо од Астон Мартин, односно Оли Берман (Хас) и Карлос Саинц (Вилијамс).
Покрај Расел, во Сингапур слави и тимот на Мекларен. Папаја тимот ја одбрани титулата во конкуренција на конструкторите.
Пјастри ја задржа предноста во генералниот пласман има 22 поени повеќе од Норис и 63 од Ферстепен.
Следната трка за две недели се вози во Тексас.
Foto/ EPA
Спорт
Ѓоковиќ се мачеше но успеа да го победи Ханфман во Шангај

Новак Ѓоковиќ вложи многу труд и на крајот успеа да се пласира во четвртото коло на Мастерсот во Шангај. Србинот, во третата рунда го победи Јаник Ханфман со 4:6, 7:5, 6:3.
Новак Ѓоковиќ десет гема се мачеше во сервис гемовите на Јаник Ханфман, 150-от тенисер во светот. Германецот не му дозволи на Ѓоковиќ ниту една брејк топка.
Кога Новак ја создаде првата, во 12-от гем во втроиот сет, тој ја презеде контролата врз мечот и се пласираше во осминафиналето на Мастерс турнирот во Шангај.
Германецот во првиот сет искористи брејк топка во петтиот гем, што му беше доволно да го освои сетот. Откако Ѓоковиќ успеа да изедначи, во решаваќкиот сет клучен беше брејкот во четвртиот гем.
Ѓоковиќ во следната рунда за противник го има Хауме Мунар, кој беше подобар од Јошихито Нишиока. Доколку Новак слави, во четвртфиналето го чека подобриот од дуелот Дијало-Бергс.
Foto/ EPA
Спорт
Дарио Ивановски победи на 21-то издание на Скопскиот маратон

Македонскиот репрезентативец, Дарио Ивановски е победник на 21-то издание на Скопскиот атлетски маратон. Мараонската трка се одржа во неделата во Скопје со рекорден број на учесници, 14.000 од 58 земји.
Дарио Ивановски во драматичен финиш, успеа да го мине фаворизираниот Кениец, Џулиус Кипкоеч. Лидерската позиција Ивановски ја презеде на два километри пред целта, на крајот победи со резултат од 2 часа 14 минути и 50 секунди. Кениецот мораше да се задоволи со втората позиција со резултат од 02:15:20 часа, а третото место му припадна на Грузиецот Давити Каразишвили (02:24:48 часа).
Ова е втора победа за Ивановски на Скопскиот маратон, претходно триумфираше во 2021 година. Со оваа победа најдобриот македонски маратонец стана и балкански и национален шампион.
Во женска конкуренција втора година по ред победи Ирине Черуто. Атлетичарлата од Кенија патеката ја мина со време од 2 часа, 38 минути и 31 секунда. Втора на целта пристигна Бугарката Маринела Нинева (2.45.36 часа), со што стана и балаканска шампионка. Третата позиција и припадна на атлетичарката од Азербејџан Ана Јусупова (2:36:13 часа).
Албон Имери од Косово, победи на полумаратонската трка. Делницата од 21 километар ја мина за со време од 1:07.57 часа. Имери победи пред македонските атлетичари Иван Пешовски (1:11.30 часа) и Александар Арсов (1:12:52).
И во женска конкуренција, во полумаратонот победи, редоследот беше ист како и кај мажите.
Победи Греша Бакрачи од Косово(1:20.50), пред македонските натпреварувачки Теа Божиновска (1:21.10) и Миљана Ристиќ Стојческа ( 1:22.13 часа).
Foto/ Instagram