Спорт
„Манчестер е ср..е од град, а ние завршивме таму“
Сопругата на Анхел Ди Марија, Хорхелина Кардосо, не сака да се сеќава на периодот од животот кое семејството го минало во Манчестер. Ди Марија, во 2014 година за сума од 75 милиони фунти, од Реал се преслеи во Манчестер Јунајтед. Тогаш тоа беше најголемиот трансфер во англискиот фудбал.
„Живеевме во прекрасниот Мадрид, Анхел играше за најголемиот и најдобриот клуб во светот. Таму се беше совршено: начинот на живот, климата, храната…И еден ден доаѓа Анхел дома и ми вели дека добил неверојатна понуда од Манчестер Јунајтед. Збеснав, му кажав дека таму може да оди сам, дека јас и нашата ќерка ќе останеме во Мадрид. Инсистираше сите да одиме и на крајот тоа го направивме“, им раскажала на аргентинските медиуми Хорхелина Кардосо.
Сопругата на Ди Марија открила дека веднаш се сочиле со непријатности во Мадрид и шпанските медиуми.
„Шпанците не нарекуваа платеници. И знаете што, бевме платеници! Доколку работите во некоја компанија и конкурентот ви понуди двојно поголема плата, секако дека ќе прифатите“.
Таа истакнала дека животот во Манчестер бил вистинско ср..е.
„Манчестер е ужасен, ужасен, ужасен…Немам зборови да опишам колку е гаден. Најлоѓо во сето тоа беше што една година бевме таму, во посета кај Агуеро и неговата сопруга (ќерката на Марадона) и имав можност да видам колку е градот грозен. Кога излеговме од нивната куќа, на патот кон аеродромот му кажав на Анхел: „Ако треба некогаш да заминеш од Реал оди каде сакаш само не во Англија. Ова е хорор’. И една година подоцна ние завршивме во Англија и тоа во најгрдиот дел“, рекла Хорхелина Кардосо.
Ди Марија не успеа да се снајде во Манчестер Јунајтед, за „црвените ѓаволи“ во сезоната 2014/2015 одигра 27 натпревари на кои постигна три гола. По една сезона Аргентинецот се пресели во Пари Сен Жермен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Олимпијакос е финалист во Конференциската лига, за трофејот ќе игра против Фиорентина
Ривал на Фиорентина во финалето на Конференциската лига ќе биде Олимпијакос. Црвено-белиот тим ја совлада Астон Вила со 2:0 во реваншот од полуфиналето во Пиреја.
Грчкиот тим се пласираше во првото финале во натпреварување организирано од УЕФА, благодарение на Ајуб Ел Каби, кој погоди двапати во 11. и 79. минута. Репрезентативецот на Мароко во двата натпревари против Астон Вила постигна пет од шестте голови на Олимпијакос.
Домашните брзо поведоа пред своите гледачи, во 11.минута Ел Каби го прифати додавањето во шеснаесетникот, брзо реагираше и упати удар кој заврши во долниот десен агол.
Со оглед на тоа што грчкиот тим имаше 4:2 од првиот натпревар, овој резултат им одеше во прилог во текот на целиот натпревар. За нов гол се чекаше до 79.минута и повторно стрелец беше Ел Каби.
Олимпијакос за трофејот ќе се борис со ланскиот финалист Фиорентина. Финалето ќе се игра на 29.мај, на стадионот на АЕК во Атина.
Спорт
(Видео) Непобедливиот Баер израмни во 97.минута, во финалето со Аталанта
Баер Леверкузен и Аталанта ќе се борат за трофејот во Лига Европа. Вечерва, Аталанта постигна историски успех, се пласира во своето прво европско финале, откако во ревашот го победи Марсеј со 3:0. Баер ја продолжи серијата без пораз, урна рекорд стар 59 години, откако уште еднаш на волшебен начин избегна пораз. До 82.минута новиот шампион на германија губеше од Рома 0:2, на крајот со голот на Станишиќ во 97.минута избори реми 2:2. Баер нема пораз на 49 натпревар во низа.
Баер во Леверкузен доминираше против Рома, но до 82.минута не успеа да го совлада одличниот Миле Свилар кој натпреварот го заврши со 12 одбрани. Рома успеа да ја наулира негативата од првиот меч, два пати од белата точка погоди Паредес, откако аматерски пебали направија Та во 43. и Хложек во 66.минута.
Во 82.минута Манчини си постигна авто-гол, а на истекот на 97.минута Станишиќ ги постави конечните 2:2.
Баер се избори за првото европско финале по пауза од 22 години, кога играше финале во Лигата на шампионите.
Во Бергамо, Аталанта го прегази Олимпик Марсеј. По првиот меч резултатот беше 1:1, а во реваншот Аталанта славеше со 3:0. Стрелци на головите беа Лукман во 30., Руџери во 52. и Туре во 85.минута.
Финалниот натпревар во Лига Европа ќе се одигра на 22 мај во Даблин.
Спорт
Феликс во голем проблем, за Барса непотребен, во Атлетико непожелен
Жоао Феликс на лето би можел да се најде во нов проблем, Барселона не е подготвена да го купи, додека во Атлетико Мадрид никој не сака да се врати.
Извори од Мадрид денеска пишуваат дека Диего Симеоне јасно им ставил до знаење на раководството дека преговара или со Барселона или со кој било друг клуб за продажба или нова позајмица на Португалецот. Но, за прв пат се додава и дека ниту неговите соиграчи не сакаат тој да се врати во својот тим и во соблекувалната.
Очигледно, на ниту еден од играчите не му се допадна што Жоао Феликс прослави гол против нив и патем, навивачите прилично го замразеа поради тоа.
На играчите им е доста од неговото недолично однесување, веруваат дека не се вклопува во тимот и дека е премногу егоцентричен и дека и со своите квалитети не прави разлика на теренот.
Инаку, Атлетико Мадрид постави цена од 60 милиони евра, но Барселона нема намера да плати толку. Дополнително, Чави Ернандез изјави дека на позицијата лево крило повеќе би сакал Дани Олмо и Никo Вилијамс.