Спорт
Манчестер jунајтед го помилува Aнтони
Фудбалерот на Манчестер јунајтед, Антони може повторно да тренира со првиот тим и ќе биде во конкуренција за следните натпревари, соопштија од клубот од „Олд Трафорд“.
Бразилецот се најде на удар на јавноста бидејќи е осомничен за насилство врз поранешните партнерки. Неговата поранешна девојка Габриела Кавалин го обвини за физичко насилство, а слично обвинувања повторно дојдоа и од Рејес де Фреитас и Ингрид Лана. Антони ги негира обвинувањата.
Поради обвинувањата тој беше отстранет од списокот на репрезентацијата на Бразил, а не играше ниту за Манчестер јунајтед. Од Јунајтед изјавија дека Бразилецот за тоа време ќе ја добие целата плата.
Антони претходниот период го помина во својата татковина, но во средата се врати во Англија и доброволно отиде во една од станиците на полицијата во Манчестер за да даде изјава и да ги побие обвинувањата. Крилниот напаѓач им го предал мобилниот телефон на инспекторите, за да ја олесни истрагата и да ја докаже својата невиност.
„Како работодавец на Антони, Манчестер јунајтед одлучи дека тој ќе се врати на тренинзите во Карингтон и ќе може да биде дел од тимот додека полицијата истражува. Ќе ја следиме целата ситуација и го задржуваме правото да го промениме нашиот став поради евентуални нови сознанија. Клубот го осудува насилството. Ја разбираме потребата сите инволвирани страни да останат заштитени и да го препознаат влијанието што ваквите обвинувања го имаат врз жртвите на насилство“, се вели во соопштението на „црвените ѓаволи“.
Антони не беше во конкуренција на претходните четири натпревари на неговиот тим.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024