Спорт
Манчестер јунајтед го тргна ликот на Роналдо од „Олд Трафорд“

Кристијано Роналдо веќе не е икона на Манчестер јунајтед. Англискиот премиерлигаш по скандалозното интервју со Пирс Морган, одлучи да го тргне ликот на Португалецот од „Олд Трафорд“.
На интернет се појави видеоснимка како работници го тргаат постерот на Роналдо од стадионот. Ова се толкува и како дефинитивна одлука на клубот да ја прекине соработката со Роналдо.
Португалската ѕвезда во првиот дел од интервјуто со Пирс Морган откри дека е изневерен од Манчестер јунајтед и посочи дека нема почит кон менаџерот Ерик тен Хаг. Следниот дел од интервјуто треба да се појави во јавноста во текот на оваа вечер.
Retiran a @Cristiano Ronaldo de Old Trafford
Como dijo @piersmorgan se está estableciendo un récord, incluso si a la gente no le gusta escuchar la verdad#CR7𓃵 #CristianoRonaldo #Ronaldo #VIVARONALDO #MUFC #GOAT𓃵 #Bicho #CR700𓃵 #CRISWIN #RESPECTCR7 #ronaldointerview pic.twitter.com/40QRSoN0FM
— Elia Maria VL 𓃵 (@eliamvl1) November 16, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Марко Трајаноски со историско злато за Македонија на Европското првенство во ММА

Македонија испиша историја на Европското првенство во ММА, кое се одржа во Белград, Србија.
Македонскиот репрезентативец Марко Трајаноски, член на клубот „Д Стронгест“ Скопје, го освои првото европско злато за нашата земја, постигнувајќи извонреден успех на најголемата европска сцена во аматерскиот ММА.
Тој освои четири победи против Бугарија, Романија, Украина и Италија за само еден ден.
Овој подвиг е огромен чекор за македонскиот ММА.
Спорт
Леброн Џејмс: Наскоро ќе ставам крај на мојата професионална кариера

Кошаркарот на Лос Анџелес лејкерс, Леброн Џејмс наскоро ќе ја заврши кариерата.
– Не останува уште многу време. Едноставно тоа е реалноста и треба да се прифати. Наскоро ќе ставам крај на мојата професионална кариера, изјави Џејмс за американските медиуми.
Во тековната сезона, 40-годишниот Леброн Џејмс одигра 48 натпревари во регуларниот шампионат на НБА, на кои имаше просек од 24,3 поени, 7,7 скока и 9 асистенции.
Големата НБА-ѕвезда во текот на својата богата кариера има настапувано и за Кливленд кавалирс и Мајами хит.
Спорт
Крстијан Киву ја презеде Парма

Парма го реши проблемот со главниот тренер и за нов тренер назначи романски стручњак.
Како што пренесуваат италијанските медиуми, финализирани се преговорите меѓу управата на клубот и 44-годишниот Крстијан Киву. Романецот доаѓа на местото на Фабио Пекија.
Парма е во серија од седум натпревари без победа во Серија А и падна во зоната за испаѓање.
Раководството на Парма првично беше заинтересирано за Игор Тудор, но сепак го избра Киву, чие тренерско искуство досега беше ограничено само на младинските тимови на Интер, со кои работеше од 2018 година до минатото лето.
Според пишувањата на медиумите, Киву во понеделникот вечерта пристигнал во Парма на разговори со раководството на клубот.
Парма нема победа во Серија А од декември, по 25 кола има 20 бода на 18. место и заостанува еден бод зад Емполи, кој е на 17. место.
Киву ја започна кариерата во родната Романија, а играше за Ајакс, Рома и Интер, каде ја заврши кариерата во 2014 година.
Играше за романските млади селекции, а за А тимот од 1999 до 2011 година одигра 75 натпревари и постигна три гола.