Спорт
Манчестер јунајтед ќе платат 80 милиони евра за Кунде

Манчестер јунајтед имаа оптимизам дека оваа сезона можат да го прекинат седум годишниот пост во Премиер лигата. „Црвените ѓаволи“, на табелата имаат натпревар и три бода помалку од лидерот Ливерпул. Последен пат Манчестер јунајтед биле шампиони во ерата на Алекс Фергусон, во сезоната 2012/2013.
Челниците на клубот од „Олд Трафорд“ и менаџерот Оле Гунар Солскјер, веруваат дека мора да се засилат во одбраната, доколку сакаат да се борат за титулата. Јунајтед бараат парнер во одбраната за Хари Мегваер. Виктер Линделоф и Ерик Баи, не се квалитет кој носи титули.
Изборот на Јунајтед, според англиските и шпанските медиуми е Жил Кунде, 22-годишникот од Севилја. Според овие извори, Манчестер јунајтед биле подготвени да ја активираат неговата откупна клаузула, која изнесува 80 милиони евра.
Овој млад фудбалер, кој игра одлично кај Хулен Лопетеги, минатото лето беше трансфер-цел на Манчестер сити, но во Севилја не ја прифатија понудата од 56 милиони евра.
Кунде, од почетокот на сезоната одиграл 11 натпревари во Ла Лига и пет во Лигата на шампионите, во двете натпреврувања постигнал по еден гол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Барса предводена од Де Јонг сврза четири победи во низа

Барселона стигна до 2:0 победа на гостувањето кај Елче, за нивна четврта победа во низа во шпанската Ла лига, за да се вратат на третото место на табелата.
Човек на одлука беше Холанѓанецот Френки де Јонг во 39. минута од мечот, кога во последна секунда спречи автогол на Диего Гонзалез сместувајќи ја топката во мрежата во последните сантиметри пред голот. Ова е петти гол на Де Јонг оваа сезона, со што ја помина бројката од 4 гола постигнати во пет сезони со Ајакс. Де Јонг ја продолжи одличната форма со асистенција на Рики Пуиг во 90-тата минута за потврда на триумфот.
Со победата, Барса се врати на третото место на табелата со 37 поени, три помалку од Реал Мадрид на второто место, и далечни седум зад лидерот Атлетико Мадрид, кои вечерва играат со Валенсија.
ЛА ЛИГА, 20.КОЛО
Осасуна – Гранада 3:1
Елче – Барселона 0:2
Спорт
Левандовски влезе во клубот 500, нова победа на Баерн

Роберт Левандовски стана четвртиот активен фудбалер со 500 постигнати голови покрај Златан Ибрахимовиќ, Кристијано Роналдо и Лео Меси, откако уште еднаш беше стрелец за Баерн при 0:4 победата на гости кај „фенерџијата“ Шалке.
Левандовски сега има апсолутно неверојатни 23 гола во 18 кола во Бундеслигата, и стана првиот фудбалер во историјата на германската лига кој постигнал гол на осум последователни гостувања.
Томас Милер го отвори резултатот на „Велтинс арената“ во 33. минута, по што Левандовски стрелаше во 54. минута за осигурување на победата, пред Милер (88.) и Давид Алаба (90.) да го комплетираат убедливиот триумф на Баварците. Баерн е прв со 42 поени, сега дури 7 пред РБ Лајпциг по нивниот пораз од Мајнц вчера, додека Шалке се последни со 7 поени, десет поени под зоната за испаѓање.
Спорт
Наполи дадоа гол за 9 секунди, па загубија во Верона!

Верона по шест порази во низа против Наполи, стигна до 3:1 победа над тимот на Џенаро Гатузо, и покрај тоа што гостите поведоа по неверојатни 9 секунди на „Марк’Антонио Бентегоди“.
Ирвинг „Чаки“ Лозано по грешката на Федерико Димарко, даде гол по само 9 секунди од стартот на мечот, што претставува трет најбрз гол во историјата на Серија А. Наместо овој добар старт да го надополнат, Верона прво израмни во 34. минута токму преку Димарко, за во 62. минута Антонин Барак да направи целосен пресврт за 2:1 водство за Верона, пред Матија Ѕакањи во 79. минута да стави точка на натпреварот. Елиф Елмас доби мала шанса во 83-тата минута кога исходот веќе беше одлучен.
Наполи се шести со 34 поени, додека Верона сега е на деветтото место со 30 поени.
Џенова, пак, со 1:0 го победи Каљари и го турна клубот од Сардинија во зоната за испаѓање. Матија Дестро го постигна единствениот гол по 10. минути игра, а од 62. минута шанса доби и македонскиот капитен Горан Пандев. Со победата, Џенова прави малку простор до зоната за испаѓање – тие се 16-ти со 18 поени, додека Каљари сега се на 18. место со 14 поени.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Црна хроника2 месеци
Млада девојка од Штип пронајдена мртва во нејзиниот дом
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија2 месеци
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија1 месец
Возачот на „бентлито“ што „влета“ на плоштад казнет со 45 евра, објавена фотографија од записникот