Спорт
Манчестер Јунајтед ќе продаде дури 13 фудбалери ова лето
Англискиот премиерлигаш Манчестер Јунајтед ќе прави голема реконструкција на тимот во летниот преоден рок. Од „Олд Трафорд“ би можеле да заминат дури 13 фудбалери, откриваат медиумите на Островот.
Најмногу интерес има за младиот Швеѓанец Еланга. Него го лансираше поранешниот менаџер Ралф Рагник, но не добива голема минутажа кај Холанѓанецот Ерик Тен Хаг. Одигра само 24 натпревари во сите натпреварувања, не се прослави на пет старта во лигата. Тој сака да замине, ќе има многу понуди.
Се враќа Ерик Баи, со оглед дека Олимпик Марсеј нема да му го откупи договорот. Во Манчестер Јунајтед најверојатно ќе нема место и за играчи како Телјес, Дони Ван де Бек, Ван Бисака, Марсијал, Брендон Вилијамс, но и за капитенот Мегваер.
Во некои од овие играчи се вложени огромни пари, Мегваер е најскапиот одбранбен играч на сите времиња, но сега клубот не може да заработи ниту третина од вложените 90 милиони фунти. Марсијал често се повредува, а Ван Бисака исто така беше платен премногу скапо.
Навивачите ги интересираат новите можни засилувања.
Не е тајна дека челниците преговараат со Баер Леверкузен за Џереми Фримпонг. Амад Дијало кој импресионираше на позајмица во Сандерленд сега треба да добие шанса на „Олд Трафорд“.
Од напаѓачите приоритет е Хари Кејн, а би можел да му се придружи и младиот Фергусон од Брајтон.
Како засилувања за средниот ред на списокот се и Моисес Каиседо и Алексис Мекалистер, што веројатно би значело дека Скот Мектоминај е на продажба, но цената е околу 60 милиони евра, која веројатно никој нема да ја плати.
Французите Адриен Рабио и Бењамин Павар би можеле да дојдат во Манчестер Јунајтед, а Дензел Дамфрис од Интер е планиран како нов десен бек.
Тимбер од Ајакс останува опција за одбрана, а најголема цел е Џуд Белингем, англискиот репрезентативец кого го бараат сите елитни европски и англиски клубови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
ФИФА најави ВАР револуција
Џани Инфантино, претседателот на ФИФА најави големи промени на конгресот на светската фудбалска федерација во Бангкок.
„Ќе го развиеме и подобриме ВАР. Тој систем го користат 65 национални асоцијации, но сега ќе го подобриме. Создадовме базна технологија со помалку камери и без судии да одлучуваат, така што ќе биде достапен за секого и полесен ќе се имплементира. Тој систем веќе се тестира.
Ќе функционира така што тренерот на секоја екипа ќе има право двапати по натпревар да бара помош од ВАР. Доколку првичната одлука на судијата се смени по таквата барана проверка, тимот што ја побарал проверката повотрно ќе има право на две проверки. Доколку, пак, по ваквата барана проверка, ВАР ја потврди одлуката на судијата на теренот, тогаш екипата која ја побарала го губи правото на една проверка“.
Спорт
„Тајната шопинг листа“ на Баерн вредна 323 милиони евра
Германскиот великан, Баерн Минхен за прв пат по 12 години заврши сезона без освоен трофеј. Баер Леверкузен стави крај на 11-годишната доминација на Баварците во германскиот шампионат. Во осминафиналето на Купот на Германија, Баерн, шокантно беше елиминиран од третолигашот Сарбрикен, додека Реал Мадрид го исфрли во полуфиналето на Лигата на шампионите.
Челниците на клубот од Минхен преговараат за останување на Томас Тухел, кој требаше да си замине на крајот од сезоната, но стана прва опција откако Чаби Алонсо, ЈулијанНагелсман и Ралф Рангник одбија да го преземат клубот.
Баерн според угледот што го има не смее да си дозволи уште една лоша сезона. „Билд“ пишува дека клубот ќе се обиде во летниот преоден рок да донсе седум фудбалери.
Списокот на играчи кои Баерн ги сака во летниот преоден рок, според „Билд“, и нивните вредности на „Трансфермаркт“:
1. Стопер: Џонатан Тах (28), Баер Леверкузен, 30 милиони евра
2. Лев бек: Тео Ернандез (26), Милан, 60 милиони евра
3. Централен играч за врска Френки де Јонг (27), Барселона, 70 милиони евра
4. Централен играч за врска Асан Уедраого (18), Шалке, 8 милиони евра
5. Централен играч за врска Амаду Онана (22), Евертон, 50 милиони евра
6. Крило: Крис Фирих (26), Штутгарт, 25 милиони евра
7. Офанзивен играч за врска Чави Симонс (21), ПСЖ, 80 милиони евра
„Трансфермаркт“, веб-страница специјализирана за проценка на вредноста на фудбалерите, проценува дека споменатата листа на играчи вреди вкупно 323 милиони евра. Секако, тоа не значи дека Баерн треба да плати токму толку за нив, туку зависи од преговори, клаузули и многу други работи.
Спортските директори на Баварците, Макс Еберл и Кристоф Фројнд, наводно ја составиле оваа листа, а „Билд“ исто така истакнува дека тоа не значи дека сите ќе дојдат бидејќи желбите зависат од тренерот, но и од евентуална продажба на сопствените играчи.
Спорт
Дешам изненади со спискот за ЕП – во репрезентацијата го врати Канте
Селекторот на Франција, Дидие Дешам изненади со списокот на играчи за Европското првенство. На спискот има двајца повратници и неколку повредени играчи, но забележливо е отсуството на голем број млади асови кои играа одлично оваа сезона.
Левиот бек на Реал, Ферланд Менди и играчот од средниот ред на Ал Итихад, Н’Голо Канте (33) се вратија во националниот тим.
Еден од хероите во походот на светската титула во 2018 година, Канте, не играше ниту за националниот тим цели две години.
Селекторот Дешам ги повика Аурелиен Чуамени, Мајк Мењан и Кингсли Коман и покрај тоа што тие се повредени.
Но, навивачите на Франција и спортската јавност, забележаа дека Дешам не покани голем број на млади играчи со одлични сезони зад себе: Мајкл Олизе, Мало Густо, Мо Симакан, Жан Клер Тодибо, Аксел Дисаси, Жан-Филип Матета, Муса Дијаби…
Франција е еден од најголемите фаворити за освојување на ЕП. Во групата е со Холандија, Полска и Австрија.
Спискот на Франција за ЕУРО 2024:
Голмани: Алфонс Ареола (Вест Хем), Мајк Мењан (Милан), Брис Самба (Ленс)
Одбрана: Жонатан Клаус (Марсеј), Тео Ернандез (Милан), Ибрахима Конате (Ливерпул), Жил Кунде (Барселона), Ферланд Менди (Реал Мадрид), Бенжаман Павард (Интер), Вилијам Салиба (Арсенал), Дајот Упамекано ( Баерн Минхен)
Играчи од средниот ред: Едуардо Камавинга (Реал Мадрид), Јусуф Фофана (Монако), Антоан Гризман (Атлетико Мадрид), Н’Голо Канте (Ал-Наср), Адриен Рабио (Јувентус), Аурелиен Чоамени (Реал Мадрид), Ворен Заир-Емери ( ПСЖ)
Напаѓачи: Бредли Баркола (ПСЖ), Кингсли Коман (Баерн Минхен), Усман Дембеле (ПСЖ), Оливие Жиру (Милан), Рандал Коло Муани (ПСЖ), Килијан Мбапе (ПСЖ), Маркус Тирам (Интер).