Спорт
Манчестер јунајтед веќе не е во топ-3, Барса, и покрај долговите, е крал на кешот
Манчестер јунајтед испадна од топ-3 листата на најбогати фудбалски клубови на „Делоит“ по осум години, а листата, иако покажува луди суми, исто така покажува дека европските најголеми клубови загубиле речиси 2 милијарди евра од пандемијата на коронавирусот, а Барселона со долгови од над милијарда евра останува на врвот.
Барселона за сезоната 2019/2020 генерирала 627,1 милијарди фунти, Реал Мадрид е втор со 627 милиони фунти, а европскиот шампион Баерн Минхен со 556,1 милиони фунти го собори Манчестер јунајтед на четвртото место со 509 милиони фунти. Во топ-10 се и Ливерпул (489,9), Манчестер сити (481,6), ПСЖ (474,1), Челси (411,9), Тотенхем (390,9) и Јувентус (349), но бројките исто така покажуваат дека топ-20 клуба загубиле околу 975 милиони фунти во споредба со 2018/2019.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
ПСЖ оствариле рекордни приходи
Пари Сен Жермен оствари рекордни приходи минатата година, беше објавено денес.
Актуелниот шампион на Франција и Европа објави дека минатата година остварил приход од 837 милиони евра.
Во извештајот е наведено дека 175 милиони евра од тоа биле приходи остварени на деновите на натпреварите, а 367 милиони биле комерцијални приходи.
Минатата година клубот доби шест нови спонзори. Приходите не се однесуваат само на фудбалскиот клуб, туку ги вклучуваат и приходите што ги носат женскиот фудбалски клуб, ракометниот клуб и џудо клубот.
Јасно е дека најголем дел од приходите ги генерира фудбалскиот клуб.
Во мај оваа година, магазинот „Форбс“ ја процени вредноста на Пари Сен Жермен на 4,6 милијарди долари, што го прави ПСЖ седми на листата на највредни фудбалски клубови во светот.
Реал Мадрид беше прв на таа листа (6,75 милијарди), по што следуваа Манчестер Јунајтед (6,6 милијарди) и Барселона (5,65 милијарди).
Спорт
Родри се враќа на теренот
Родри, брилијантниот играч за врска на Манчестер сити, се врати на теренот по паузата поради повреда.
Најдобриот играч на светот во 2024 година го напушти теренот во 22-та минута од натпреварот против Брентфорд поради болки во коленото. Да ве потсетиме дека шпанскиот репрезентативец ја пропушти речиси целата мината сезона поради операција на коленото.
Сега тој повторно беше отсутен повеќе од три недели и лекарите конечно му дадоа зелено светло да се врати на теренот.
Тоа ќе биде голем поттик за Сити и тренерот Гвардиола, за чија игра Родри е од клучно значење.
Повеќекратните англиски шампиони следниот ќе се соочат со Свонси во купот во среда, 29 октомври, додека во недела, 2 ноември ќе го пречекаат Борнмут во Премиер лигата.
Спорт
Сака ќе стане најплатениот играч во историјата на Арсенал
Арсенал продолжува да постигнува успеси на сите фронтови, а дополнителна причина за задоволството на навивачите на „топџиите“ доаѓа од раководството на клубот, се подготвува нов, рекорден договор за Букаи Сака, најголемата ѕвезда на тимот.
Според англиските медиуми, 24-годишниот репрезентативец на Англија е пред потпишување на повеќегодишно продолжување на договорот што би го направило најплатен играч во историјата на Арсенал.
Новиот договор предвидува тој да заработува околу 300.000 фунти неделно, а договорот треба да биде формализиран во наредните недели.
Иако сегашниот договор на Сака е до јуни 2027 година, клубот сака да го обезбеди неговиот престој за подолг период и јасно да стави до знаење дека тој е централната фигура на проектот што треба да го донесе првиот шампионски пехар од 2005 година.
Сака, чија пазарна вредност се проценува на околу 140 милиони евра, никогаш не бил предмет на шпекулации за трансфер кога станува збор за заминување од Лондон.
Напротив, Арсенал го гледа како столб на иднината и лидер на генерацијата што го враќа клубот на врвот на англискиот фудбал.
Преговорите со неговите менаџери се движат во позитивна насока, а сè укажува дека договорот е прашање на време.

