Спорт
Манчестер сити домаќин на Интер, Миовски со Џирона гостува во Париз
Нови шест натпревар на програмата се вечерва во првото коло, во Лигата на шампионите. Дербиот се игра на „Етихад“ во Манчестер, каде на Сити ќе му гостува Интер.
Ниту домашните ниту гостите сезонава не се поразени на официјални натпревари, но за разлика од Сити, Интер не империонира со своите изданија.
Тимот на Пеп Гвардиола ги има сите четири победи во Премиер лигата, а Ерлинг Халанд веќе брилјира на стартот од сезоната. Норвежанецот постигна два гола против Брентфорд за триумф од 2:1, додека претходно со хет-трик ги заврши дуелите со Вест Хем и Ипсвич.
Интер освои осум бода во Серија А, а она што може да го загрижи Пипо Инзаги е што неговиот тим се уште не славел на гостински терен оваа сезона. По 2:2 на воведниот натпревар во Џенова, минатиот викенд „нероаѕурите“ играа во Монца и едвај успеаја да извлечат реми (1:1).
Последен пат овие две екипи се сретнаа во јуни 2023 година во финалето на Лигата на шампионите. Тогаш, во Истанбул победи Сити со голот на Родри и ја освои првата Лига на шампиони во клупската историја.
Вечерва на „Паркот на принцовите“ во Париз во Лигата на шампионите ќе дебитира фудбалскиот клуб Џирона. ПСЖ е фаворит против дебитантот, чии дрес го носи и македонскиот репрезентативец Бојан Миовски.
Среда
Болоња – Шахтјор 18.45
Спарта Прага – Салцбург 18.45
Селтик – Слован Братислава 21.00
Бриж – Борусија Дортмунд 21.00
Манчестер сити – Интер 21.00
ПСЖ – Џрона 21.00
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Македонија остана 72. на ФИФА листата
Фото/ ffm.mk
Светската фудбалска федерација (ФИФА), во четвртокот ја објави најновата ранг листа на која Македонија го задржа пласманот од претходното рангирање.
Македонија во септември, одигра два натпревари во Лигата на нации, забележа реми со Фарси Острови (1:1) и ја победи Ерменија (2:0). Македонија ја задржа 72.позиција на ФИФА листата.
На најновата листа нема промени во Топ 10: прва е Аргентина пред Франција, Шпанија, Англија, Бразил, Белгија, Холандија, Португалија, Колумбија и Италија.
Спорт
Мудрик незадоволен од статусот сака да го напушти Челси
Една година по трансферот од Шахтјор, Михаило Мудрик би можел да го напушти Челси.
Градските ривали, Арсенал и Челси, во јануари 2023 година водеа голема битка за потписот на талентираниот Украинец. Челси успеа да го обезбеди неговиот потпис откако понуди речиси двојно повеќе пари.
Арсенал излезе со понуда од 40 милиони евра и став дека тоа е максимумот што го нудат за Мудрик. Шхтјор, логично, ја прифати понудата од „Стенфорд Бриџ“ од 70 милиони евра.
Девет месеци подоцна, Мудрик се наоѓа пред заминување. Јасно е дека Украинецот и покрај тоа што имаше многу шанси да се докаже кај Маурицио Покетино, не го оправда вложеното во неговиот трансфер.
За разлика од Покетино, неговиот наследник Енцо Мареска не смета на Украинецот.
Поради тоа, Мудрик бил подгтовен во јануари да земине на позајмица, незадоволен од статусот што го има во тимот.
Англиските медиуми пишуваат дека Олимпик Марсеј покажува интерес за крилниот напаѓач. Според овие извори, Марсеј на чија клупа од оваа сезона седи Де Зерби, сака да го позајми Мудрик со опција на крајот на сезоната да го откупи неговиот договор.
Спорт
Му се „тресе“ столчето на Фонсека, Ибрахимовиќ го контактирал Терзиќ
Златан Ибрахимовиќ започнал да преговара со кандидати за тренерската позиција во Милан.
Милан не ја започна најдобро сезоната, на неубедливите изданија во Серија А се надоврза поразот од Ливерпул, во вторникот во Лигата на шампионите. Милан беше во подредена положба против Ливерпул, поради што, според медумите, во клубот се размислува за смена на тренерот.
Златан Ибрахимовиќ го контактирал Един Терзиќ, кој се уште е слободен откако замина од Борусија Дортмунд, пишува „Скај спорт“.
Судбината на Пауло Фонсека, на клупата на Милан ќе ја одреди исходот на градското дерби против Интер.
Да потсетиме, минатата сезона Борусија Дортмунд предводена од Терзиќ стигна до финалето на Лигата на шампионите, а пред една година беше на прагот да ја освои титулата во Бундеслигата. Останаа без неа во последното коло, кога дома загубија од Мајнц.