Репрезентацијата на Португалија прва избори пласман во четвртфиналето на 20. Светско првенство. Во првиот меч од второто коло во Групата 3, Португалија ја декласира Шпанија со 35:29 (15:16).

Португалците се хит на ракометниот Мундијал. До четвртфиналето стигнаа без пораз, а во последното коло, против аутсајдерот Чиле ќе имаат можност да го обезбедат првото место во групата.

Попладнево во Осло, предводени од голанот Диого Маркеш и десниот бек Диоко Кошта, ја надиграа Шпанија и ја забележаа првата победа во меѓусебните дуели.

Шпанците немаа одговор за вбрзата игра на Португалија и покрај тоа што во вториот дел од првото полувреме два пати имаа предност од четири гола. До крајот на полувремето Португалците изедначија, но сепак Шпанија со гол во последната секунда имаше предност по првиот дел.

Шпанците вториот дел го отворија со два гола, а потоа започна серијата на Португалците. Немаа решенија за разиграниот Диого Кошта, голманот Маркеш влезе во серија одбарни и Португалците комплетираа серија 7:1.

Откако ја презедоа контролата, само еднаш им дозволија на Шпанците да се доближат на гол негатива.

Голманот Маркеш имаше 14 интервенции, а во нападот покрај Кошта (осум гола), шест постигна Салвадор. Шпанците ги предводеше Фернандез, кој реализираше пет седмерци, со шест гола.

Српскиот тенисер Новак Ѓоковиќ се огласи по повлекувањето од полуфиналето на Австралија опен.

Ѓоковиќ се соочи со германскиот тенисер Александар Зверев, но мораше да се повлече од теренот по само еден сет поради повреда.

Тој им се заблагодари на организаторите на турнирот и му посака на Зверев среќа во финалето.

„Се обидов да се опоравам за мечот, но можев само толку да притискам. Сепак, носам позитивни спомени од овогодинешниот Австралија опен. Ви благодарам Тени Австралија што го пречекавте мојот тим, семејството и мене на прекрасен начин како и секогаш. Честитки до Саша во уште едно Гренд слем финале. Ти посакувам да го освоиш турнирот затоа што тоа го заслужуваш пријателе“, напиша Ѓоковиќ на социјалната мрежа „Инстаграм“.

Ѓоковиќ и Зверев одиграа сет долг 81 минута, го доби Германецот во тај-брејк со (7:6) откако претходно, двајцата вкупно не успеаја да искористат осум брејк топки.

Непосредно пред тоа Ѓоковиќ се обиде да ја ублажи болката со апчиња, но овој пат тоа не му помогна. Раптурата на мускулот, со коај се здоби во четвртиналето против Карлос Алкараз овојпат беше посилна од него…

Зверев во финалето ќе се соочи со Јаник Синер, кој успеа да го совлада Бен Шелтон со 3-0.

View this post on Instagram

A post shared by Novak Djokovic (@djokernole)

И покрај тоа што во актуелниот преоден рок потроши 152 милиони евра на засилувања, тренерот на Манчестер Сити, Пеп Гвардиола, сака да доведе уште тројца фудбалери од италијанската Серија А, објавија во петокот британските медиуми.

Манчестер Сити за 75 милиони евра потпиша со египетскиот напаѓач Омар Мармуш (25). Од Ленс за 40 милиони евра приситгна 20-годишниот узбекистански централен бек Абду Кусанов, а за 19-годишниот бразилски централен бек Витор Реис, кој пристигна од Палмеирас, клубот издвои 37 милиони евра.

Според англиските медиуми преодниот рок за Манчестер Сити се уште не е завршен. Гвардиола сака да донесе тројца играчи од СеријаА.

Прв на листата на желби на Гвардиола е играчот од средниот ред на Јувентус, Андреа Камбијасо (24), кого „старата дама“ не сака да го пушти среде сезоната доколку не дојде „понуда што не можеш да ја одбие“. Ова, според британските медиуми, би можело да значи дека Јуве би попуштил доколку им бидат понудени сто милиони евра.

Камбијасо може да игра како коректор на средниот ред или како лев офанзивен дефанзивец. Во март минатата година тој дебитираше за италијанската репрезентација на пријателскиот натпревар против Венецуела и досега има 13 настапи и постигнато два гола. Тој во Јувентус пристигна во јули 2022 година од Џенова за 13 милиони евра, а во мај минатата година го продолжи договорот со Јуве до јуни 2029 година.

Гвардиола сака да го подмлади и средниот ред на Сити во кој моментално се Илкај Гундоган (34), Кевин Де Брујне( 33) и Бернардо Силва (30).

Стратегот на англискиот шампион сака да доведе двајца Бразилци, Даглас Луиз (26) од Јувентус и Едерсон (25) од Аталанта.

Даглас Луиз помина две години во Сити, кој го продаде на Астон Вила за 17 милиони евра во летото 2019 година.

Во јули минатата година Луиз се пресели во Јувентус во трансфер вреден 51 милион евра.

Едерсон го носи дресот на Аталанта од јули 2022 година, кога пристигна од Салернитана за 23 милиони евра. Неговиот договор со клубот од Бергамо е со важност до јуни 2027 година.