Спорт
Манчини: Вијали го запознав кога имавме 16 години и никогаш не се разделивме
Светот се простува со Џанлука Вијали, поранешниот италијански напаѓач кој во петокот почина од рак на панкреасот на 59. одишна возраст. Неговиот пријател од детството, поранешен соиграч и човекот кој накратко го врати во репрезентацијата, Роберто Манчини, имаше посебен однос со него и рече дека по Синиша Михајловиќ за краток период изгубил уште еден брат.
Во интервју за „Газета дело Спорт“, италијанскиот селектор се присети на нивната последна средба на 29. декември.
„Беше слаб, со слаб глас, но многу луциден. Разговаравме малку за се, дури ме праша за собирот на млади играчи во декември. Сакаше да знае како се развива проектот“, рече Манчини.
„Неколку дена по збогувањето на Синиша, изгубив уште еден брат. Мојот помал брат, како што сакав да го нарекувам“, продолжи Манчини, потсетувајќи се на почетокот на нивното пријателство.
„Се запознавме кога имавме 16 години и никогаш не се разделивме. Еднаш, во тага и горчина плачевме, пред многу години. Вториот пат плачевме од радост, нè обедини судбината пред неговата смрт. Џанлука беше најдобриот од нас, комплетен напаѓач, совршен и храбар човек. Долго време се надевав дека ќе стане претседател на Сампдорија, ќе започне неверојатна историја, исто како кога беше фудбалер. Беше привилегија да се биде негов пријател и соиграч во фудбалот и животот.
Ме направи среќен. Тој имаше огромна улога во освојувањето на европското првенство. Играчите го сакаа. Џанлука имаше сила и ни даде храброст за која не ни знаевме дека ја имаме, што ја имаше во борбата со болеста, кога остана со нас колку што можеше. Се збогувам со друг брат, после Синиша. Неговата сила ќе ме турне напред да му посветам нешто важно, за што сонувавме цел живот“.
Манчини дојде во Сампдорија во 1982 година како 18. годишник и остана до 1997 година, кога се пресели во Лацио, а Вијали играше за клубот од Џенова од 1984 до 1992 година, а заедно во 1991 година му ја донесоа единствената шампионска титула во историјата.
Михајловиќ им се приклучи во Сампдорија во 1994 година, а подоцна играше со Манчини во Лацио. Српскиот дефанзивец почина на 16. декември на 53. годишна возраст.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино си заминува од Челзи
Од Англија пристигнуваат вести дека аргентинскиот тренер Маурисио Покетино ќе го напушти Челзи.
„Сините“ сезоната во Премиер лигата ја завршија на шестото место со 63 бодови.
Со ова изборија пласман во Конференциската лига, што секако не соодветствува со амбициите на клубот.
BREAKING: Mauricio Pochettino is leaving Chelsea as head coach after one season in charge 🚨🔵 pic.twitter.com/8Forlxrsdj
— Sky Sports Premier League (@SkySportsPL) May 21, 2024
Особено по огромните инвестиции кои ги имаше Челзи, а Покетино мораше да го плати цехот.
По завршувањето на сезоната, Аргентинецот имаше средба со челниците на клубот и со заедничка одлука беше решено двете страни да се разделат.
Се уште не е познато кој е во плановите на раководството на Челзи за негов наследник.
Спорт
Хезоња за својата иднина: „Немам идеја“
Кошаркарот на Реал Мадрид, Марио Хезоња изјави дека се уште нема поим што ќе се случува со неговата кариера во иднина.
Договорот на хрватскиот кошаркар со „кралскиот клуб“ истекува на крајот од сезоната, па прашање на сите прашања е дали тој ќе остане во Мадрид.
„Немам идеја. Флорентино Перез ми се заканува секој пат кога ќе ме види во трпезаријата дека морам да останам овде. Се надевам дека е така. Сите работиме да биде така“, изјави Хезоња за Ел Мундо.
Грчките медиуми го поврзаа со Панатинаикос, а има навестувања и за други потенцијални дестинации за најдобриот стрелец на Реал.
Хезоња сезонава имаше просек од 13,7 поени и 4,4 скока на 36 натпревари во Евролигата.
Хезоња и Реал во петок се соочуваат со фајналфорот во Евролигата, а во полуфиналето во Берлин ќе играат против Олимпијакос, што ќе биде реприза на ланското финале во кое подобри беа избраниците на Чус Матео.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.