Спорт
Манџукиќ е новата деветка на Милан
Марио Манџукиќ официјално се врати во Серија А. Поранешниот хрватски репрезентативец денес го стави својот потпис на договорот со Милан.
Манџукиќ беше без клуб од јули минатата година кога го напушти Ал-Духаил. Со Милан потпиша договор до крајот на сезоната, со можност договорот да биде продолжен и за наредната сезона.
До крајот на сезоната, Манџукиќ, фиксно ќе заработи 1,5 милиони евра, плус му следуваат бонуси поврзани за пласман во Лигата на шампионите и бројот на неговите настапи.
Манџукиќ во Милан ќе ја носи деветката.
За да потпише за Милан, Манџукиќ ги одбил понудите трите големи клуба од Москва (ЦСКА, Локомотив, Спартак), односно Бешикташ и Селта.
Official Statement: @MarioMandzukic9 ➡ https://t.co/g4peqjiQ7h
Comunicato Ufficiale: Mario Mandžukić ➡ https://t.co/gEHRYtZmQL #ReadyToUnleash #SempreMilan pic.twitter.com/NjmFT2ESVq
— AC Milan (@acmilan) January 19, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Алекс Попирин со прва АТП титула во Сингапур

Австралискиот тенисер Алексеј Попирин ја комплетираше неделата од соништата, враќајќи се од сет негатива за 4:6/6:0/6:2 победа над Александер Бублик за да ја освои својата прва АТП титула на Сингапур опен.
21-годишниот Попирин беше доминантен на сервис за да го победи четвртиот носител за 84 минути, губејќи само шест поени на свој сервис, и освојувајќи седум гема во низа без загубен поен на свој сервис од 3:5 во првиот сет. Пред оваа недела, најголем успех на Попирин беше четврт-финале на АТП турнир.
„Многу работа, многу пожртвуваност за да се стигне до овој момент за мене, моето семејство и мојот тим. Горд сум што конечно успеав“, изјави Попирин.
Казахстанецот Бублик исто така одеше на прва АТП титула во своето второ финале во 2021, откако мораше да се повлече од финалето во Анталија, а покрај тоа загуби и во финалињата во Њупорт и Ченгду во 2019 година.
Спорт
Најубавиот гол во 2021 го даде англиски петтолигаш!

Елисах Сем е креатор на еден од најневеројатните голови во историјата на фудбалот, откако со два гола помогна неговиот клуб, англискиот петтолигаш Нотс каунти да стигне до 3:1 победа над Оксфорд сити во ФА Вејс натпреварувањето.
Во 73. минута, 23-годишниот белгискиот напаѓач, кој дојде во клубот минатата година го постигна својот втор гол на мечот, откако со неверојатна петица го лобуваше голманот. Нешто што не се гледа често, посебно во ниските лиги, дефинитивно!
Ако не биде вклучен во изборот за најубав гол на ФИФА, „Пушкаш наградата“ ќе биде неправда.
Buckle in for one of the most RIDICULOUS goals you'll ever see! 🤯 pic.twitter.com/kmmMj5tlb8
— Notts County FC (@Official_NCFC) February 27, 2021
Спорт
Тотална доминација – Канело го „здроби“ Јилдирим во три рунди

Мексиканската боксерска ѕвезда, Саул „Канело“ Алварез со стил ги одбрани двете титули во супер-средна категорија, „демонтирајќи“ го турскиот предизвикувач Авни Јилдирим во три рунди.
Канело (55-2-1, 37 КО), ги одбрани ВБЦ и ВБА титулите во оваа категорија, откако Јилдирим падна во третата рунда, а од неговиот агол го фрлија пешкирот и побараа прекин на мечот. Иако Јилдирим беше задолжителен предивикувач, тој немаше меч речиси две години и успеа да упати еден удар во првата рудна во споредба со 16 на Канело и немаше одговор за агресивниот Мексиканец.
„Сакав голем меч и го направив тоа што ми беше потребно. Ми требаше нокаут и не е важно дали противникот е повисок, со подолги раце или со подобар тренер“, изјави Алварез.
И покрај поразот, Јилдирим, кој е ѕвезда во својата татковина, заработи одлични 2.5 милиони долари, додека заработувачката на Канело е неколку десетини милиони, што покажува дека боксот уште ја има предноста пред УФЦ и другите ММА борби кога се зборува за парите кои ги добиваат фајтерите.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Свет4 недели
Поради примање мито во Кина погубен поранешен државен функционер